Mateu 2:2 - Sateré-Mawé

² Miꞌi hawyi putꞌok iꞌatuꞌe tawa wato Ierusarẽi note hawyi -Aikope som hirokat Aiporekuat pakup muat iꞌywaĩꞌĩ iꞌatuꞌe itotiaria pe. Aikope som tuweꞌywãꞌĩ eiꞌywania Iuteu ywania Potypot pakup iꞌatuꞌe. Katupono haꞌawyte raꞌyn urutaꞌakasa aat wẽtem hap kaipyi hewaikiru iꞌywaĩꞌĩ hap enoi hap urueꞌyi tote iꞌatuꞌe. Miꞌi pote urutõꞌẽ meikowo hewaikiru upi imotypot hamuat iꞌatuꞌe.

Mateu 2:2 Referans Kwoze

Iesui Aru E Hap 22:16

Miꞌi hawyi Iesui toꞌe uhepe ahepe -Uito Iesui morekuat Tawi saipepiat sese aikotã ahewatꞌyp ikuꞌuro miꞌi hawyi toineꞌen iꞌypykyt hap ewy areineꞌen morekuat Tawi saipepiat meiũran iꞌyp wato kahato aru e. Uito areineꞌen aikotã mekewat waikiru tuut ihatꞌok kai i aat uut hap enoi hamuat hap ewy atimoherep Tupana uut hap e. Miꞌi hap ewy atipoꞌoro raꞌyn wẽtup ok uipotpoꞌoro atipy kaipyi yne mesuwat miwan moherep ehowawiat uimohey haria kape Iuwãu miwan myi e Iesui.

Iuwãu 18:37

Mio tã e pote Piratu toꞌe -Pyno En ni Miitꞌin Potypot Koro sio yt e. -Taꞌi Mehin eꞌe hap ewy Morekuat nuat Tupana uipoꞌoro miꞌi hanuat areineꞌen mesuwe iꞌewyte miꞌi hamo aremoherep mesuwat yi tote e. Pywuat sakpo sehay enoi hamo ariot miitꞌin muꞌe hamo are. Miꞌi pote pywuat sese sehay kyꞌesat haria teꞌeruwanetup kahato uhehay pywuat kape e Iesui.

Epereu 1:6

Maꞌato Tosaꞌyru sese tomimotypot wuatꞌi eꞌyian mete wuat pe mio tã e -Meiũran aru woromoherep En wuatꞌi miitꞌin me e. Miꞌi tupono uipotpoꞌororia pe areꞌe -Eweimotypot ro Uhaꞌyru sese areꞌe yn atipy piaria pe e Tupana.

Iruka 23:38

Miꞌi hawyi Morekuat Piratu tiwan naꞌyn -Miꞌi Miit ri Iuteu Ywania Porekuat Koro e tomiwan me hawyi toipehik Iesui akag apy tote ariaꞌyp posak ete.

Iruka 23:3

Miꞌi hawyi morekuat Piratu apo e Iesui pe -En apo eꞌywania Iuteuria Porekuat e. Miꞌi hawyi Iesui tiwesat -Mio tã ereꞌe e Iesui Piratu pe.

Iuwãu 5:23

Miꞌi hap nug hamuat tutum yne Tosaꞌyru pe katupono toikyꞌesat Tosaꞌyru motypot hap tomotypot hap ewy e. Uwe uwe Haꞌyru yt motypot i hat ipoꞌoro hat Iꞌywot yt motypot i hat topyhuꞌat.

Iuwãu 1:49

Miꞌi pote Natanaeu toꞌe Iesui pe -Woꞌomuꞌe hat pywo En ni Tupana Saꞌyru sese are. En ni Isareu ywania Porekuat koro e.

Iruka 19:38

-Waku kahato En Tupana iꞌatuꞌe. Waku kahato Emiꞌairo uruporekuat nuat iꞌatuꞌe taꞌatuehay pirik wo. Woꞌowese hap kahato raꞌyn atipy piat pe toineꞌen. Wakuat kahato Tupana toẽtyhot popuo iꞌatuꞌe.

Iruka 2:11

Pyno mio tuwemoherep taꞌyn morekuat Tawi etawa Perẽi me ehehakyeraꞌat hat eipotypot eikaꞌiwat e.

Iuwãu 9:38

-Taꞌi Uiporekuat woromohey kahato raꞌyn ti koitywy e Iesui pe. Miꞌi hawyi toimotypot kahato raꞌyn toikyꞌe kahato raꞌyn Iesui.

Iuwãu 19:19

Miꞌi hawyi morekuat Piratu tipoꞌoro towat tomiwan Iesui apy totiat hupit hamo. Mio tã toꞌe Piratu miwan me -Meiũ ti Iuteu Ywania Potypot sese e tawa Nasare piat ti meiũ e.

Iuwãu 12:13

Miꞌi hawyi typyꞌi raꞌyn tuwat Iesui ewowi. Miꞌiria tuwat Pinawa yhop taꞌatupo piat wywo Iesui kape. Miꞌi wywo iꞌatuehay wepiit kahato -Waku ti En iꞌatuꞌe. En ni Tupana Mipoꞌoro aiꞌywania Porekuat iꞌatuꞌe. Tupana Mipoityro poꞌog waku torannia kawiat hat aiꞌywania Porekuat nuat iꞌatuꞌe.

Mateu 27:11

Miꞌi hawyi Iesui putꞌok e morekuat yat pe hawyi morekuat tikay kay tuwewowi apo toꞌe hamo -En apo Iuteuria ywania Porekuat sio yt e. Miꞌi pote Iesui toꞌe -En mio tã ere.

Iuwãu 20:28

-Uikaꞌiwat e koitywy woromohey kahato raꞌyn Uhetupana kahato raꞌyn En e Tume.

Mateu 21:5

-Tuut wyti aru Aipotypot sese aihũ Iumentu tote ahewowi eweiꞌe ro tawa Ierusarẽi miaria pe e. Yt morekuat ewy hin i tuut maꞌato paa e hat aihũ Iumentu mepyt hit tote e ti saꞌawyꞌi te wuat miwan me Isaia 62.11 pe Iesui etiat tohenoi.

Mateu 2:3

Iꞌatuꞌe hap morekuat Eroti tikuap hawyi tuwanetup koꞌi koꞌi kahato iꞌewyte tawa Ierusarẽi miaria wy.