Mateu 19:29 - Sateré-Mawé

²⁹ Pywo ti rat uwe uwe uhehay upi uhupiat toto uhupiat haype iꞌatoiat toꞌyat toꞌywytꞌin tokywytꞌin toinytꞌin tosakiꞌytꞌin toꞌywotꞌin totyꞌin tomepytꞌin toko koꞌi tomikoi uimikyꞌesat nug hamo miꞌi hat ti aru poꞌog ipuẽti meimuẽwat tomiꞌatoiat koꞌi saꞌawyꞌi wuat kai. Taꞌi tomiꞌatoiat wẽtup kaipyi toipuẽti 100 raꞌyn mesuwe iꞌewyte ti aru toipuẽti wuatꞌi eꞌat piat toineꞌen hamuat e.

Mateu 19:29 Referans Kwoze

Wiripu 3:8

Iꞌatu kahato uiwanetup hawe saꞌawyꞌi. Miꞌi atunug mote waku raꞌyn areineꞌen Tupana wanetup hawe uiꞌe hap. Atunug uheko hawyi waku pe areineꞌen Tupana wanetup hawe uiꞌe hap saꞌawyꞌi. Miꞌi hap ewywuat saꞌawyꞌi wuat uiwanetup hap atipun yne raꞌyn aikotã watipun iun aiꞌyat pyi hap ewy katupono koitywy atipuẽti poꞌog wakuat wuatꞌi kawiat rakat. Koitywy Iesui kuap hatno areineꞌen. Atipuẽti Iesui poꞌog waku. Miꞌi Uikaꞌiwat no raꞌyn. Miꞌi yn naꞌyn atikyꞌesat uiwanetup hawe. Miꞌi yn uimoewaku hat. Huu yn naꞌyn uimohãpyk kuap Tupana wanetup hawe. Miꞌi pote koitywy atipun yne saꞌawyꞌi wuat uiwanetup hap koꞌi saꞌawyꞌi wuat uiꞌe hap koꞌi saꞌawyꞌi wuat uiwemoewaku hap hawyi Aikaꞌiwat yn uimoewaku hat are. Tupana yn naꞌyn uhehakyeraꞌat kuap hat koitywy are yn naꞌyn. Koitywy saꞌawyꞌi wuat uiꞌe hap koꞌi atipun yne katupono atimohey Ahehakyeraꞌat hat Aipotypot yn. Iesui yn atikyꞌesat uiwanetup hawe are.

Iruka 14:26

Eweipyhuꞌat teran uipotpoꞌororia uhemiit sese wo pote waku eweikupteꞌen uimikyꞌesat ewywuat nug haria wo e. Uhupi ereto hap etikyꞌesat pote waku eweitoiat kuap yne ewyriaꞌin eꞌywot ety eharyꞌi emepytꞌin eheꞌykeꞌet eheywyt ekypyꞌyt e. Waku uikyꞌe hap poꞌog miꞌiria kai toineꞌen epyꞌa piat pe e. Iꞌewyte waku eweiꞌe kuap -Uikuꞌuro pote uikuꞌuro maꞌato areto eupi waku eweiꞌe kuap uhemiit ereineꞌen neran mote. Pywo yt mio tã ewetunug kuap pote yt putꞌok eweiꞌe uipotmuꞌe haria wo e.

Mateu 16:25

Maꞌato uwe uwe poꞌog inug teran tomikyꞌesat yn miꞌi hat yt karãpe i ipuẽti kuap toieineꞌen sese hap. Maꞌato uwe iwaure tomikyꞌesat nug hap uimikyꞌesat nug hamuat miꞌi hat yn ipuẽti kuap toieineꞌen hap sese e.

Mateu 6:33

Waku poꞌog ni eweiwanetup eipyꞌa pe aat kaꞌap aikotã aru ewetunug Tupana uiporekuatno e hap kape yn. Waku ewetunug imikyꞌesat ewy pote yn eheineꞌen kuap hamuat Tupana tum ehepe.

1 Peteru 4:14

Pywo ti rat uiwyriaꞌin karãpe miitꞌin ihay saꞌag kahato ahetiat pote watomohey Aiporekuat nuat pote miꞌi hap eꞌat pe waku watuwemowepiit kahato. Eweikuap kat pote. Aimowepiit hap sese topyhuꞌat aru ahete wuatꞌi eꞌat pe katupono watopyhuꞌat Tupana mimotypot koꞌi sese. Tupana Paꞌãu eiam kahato watopyhuꞌat. Katupono Tupana yt aiꞌatoiat hin i wahoꞌopot turan. Katupono mesuwarotiaria iꞌatuehay saꞌag Aikaꞌiwat Iesui ete maꞌato aitoria watimotypot kahato Aikaꞌiwat. Miꞌi hap kaipyi Tupana aikuap. Miꞌi pote tutum ahepe Topaꞌãu pywuat imotypot koꞌi watopyhuꞌat pote.

Mateu 10:22

Yt naku kahato eipe iꞌatuꞌe aru wuatꞌi miitꞌin uimimohey haria eipe pote. Maꞌato uwe uwe uimohey te taꞌatuwanikaptia pyꞌasetpe pykai miꞌiria ti aru uimihakyeraꞌat wuaria sese wo teꞌeropyhuꞌat.

Iuwãu 15:19

Yt uimohey i haria wo eipe pote ten iraniaꞌin eikyꞌe haria wo tukupteꞌen maꞌato uimohey haria eipe pote yt eikyꞌe hin i katupono yt uimohey i haria tok pyi worohoꞌoꞌairo uhemiitꞌinno hawyi yt iꞌatuwat i raꞌyn eipe eweipyhuꞌat e. Miꞌi tupono yt iꞌatuwese i ehete e.

Iruka 6:22

Tupana mipoityro kahato eiperia pykai aru iraniaꞌin yt iꞌatuwese i ehete eiporenotem aru taꞌatupyꞌaset pyi. Miꞌi haype aru teꞌeroꞌe ehepe yt nakuaria i miꞌiria Iꞌatuꞌe aru uimohey haria eipe pote.

Mateu 5:11

Iꞌewyte karãpe ehepe teꞌerehay mikyryꞌi kat iꞌatuꞌe kat iꞌatuꞌe ehepe karãpe eweiwat uhepiat pote. Miꞌi tã pote ti aru uimipoityro wo eweikupteꞌen.

1 Kuriniu 2:9

Aikotã Tupana toꞌe Saꞌawyꞌi hap ewy -Mekewat uikyꞌe haria pe atum neran uiminug wakuat poꞌog ikahu torannia miitꞌin akasa hap koꞌi kai ikahu rakat e. Atum neran uhemiitꞌin me wakuat sese e. Yt teke i te iꞌatuwanetup hawe ikahu hap e. Miꞌi hap ti atum neran uikyꞌe haria pe e Tupana saꞌawyꞌi Isaia miwan 64.4 pe.

Iesui Potmuꞌeria 9:16

Maꞌato ti aru uimoherep turan aikope aikope toto hap tote tohoꞌopot kahato aru uhetiat uhehay enoi hap upi e. Yt tuwemoti hin i ti aru uhet moherep miitꞌin miat turan e. Miꞌi pote ti aru tohoꞌopot kahato uimoherep wuatꞌi ywania puo turan e. Hoꞌopot kahato hap wyti aru atomoherep Sauru pe e Iesui Anania pe.

Mateu 25:34

Miꞌi hawyi ti aru itote uipo sese kawiaria pe Morekuat koro toꞌe ipo ran koꞌi kape -Eweĩꞌẽ ro meikowo Uiꞌywot miꞌatukyꞌe koꞌi e. Atum neran ti Tupana etama ehepe e. Katupono yi nug hawyi te ti mekewat atum teran kahato ehepe are e.

Mateu 19:16

Miꞌi turan wẽtup ok kurum putꞌok e hawyi toꞌe Iesui pe -Woꞌomuꞌe hat waku sese ti En e. Uimuꞌe ro kat som waku atunug uheineꞌen wuatꞌi eꞌat piat hap puẽti hamo e.

Mateu 13:23

Maꞌato mekewat iãꞌỹi hewo yi wakuat rotiaria ti tukupteꞌen aikotã miitꞌin ikuap Tupana ehay hawyi topyhuꞌat iꞌe hap ewy. Miꞌiria ti aikotã haat kahato rakaria ewy tukupteꞌen. Wẽtup kaipyi 100 toipuẽti hap ewy wẽtup ok kaipyi 60 hap saꞌawyꞌi wuat imikoi kai hap ewy hawyi iraniaꞌin 30 iãꞌỹi hap ewy toipuẽti saꞌawyꞌi wuat imikoi kai.

2 Kuriniu 5:16

Pyno yt naku i aiwanetup hawe watoꞌe -Miꞌi miit yt naku i miꞌi miit waku watoꞌe yt watikuap i te sese sio waku sio yt i te pykai. Mio tã watoꞌe saꞌawyꞌi Aikawiat Iesui ete aiwanetup hawe. Koitywy watikuap taꞌyn Aikaꞌiwat Iesui sese raꞌyn hawyi watikuap sese Waku Sese rakat toineꞌen. Saꞌawyꞌi -Yt kan hamo i Iesui watoꞌe yt kat i Iesui etiat watikuap pykai maꞌato mesup yt naku i miꞌi watunug. Miꞌi hap ewy kahato yt naku i watoꞌe aipyꞌa pe wẽtup ok miit pe -Yt kan hamo i en mana mimi mehin yt watikuap i te mekewat aimimohit hat rẽ e. Waku iminug upi watikuap waku sio yt e.

Mateu 25:46

Pyno miꞌiria wyti aru tuwehytꞌok taꞌyn hoꞌopot aat kaꞌap hap kape. Iraniaꞌin waku nug uhepiat haria uhemiitꞌin piat pomeꞌeg eharia tuwehytꞌok aru wuatꞌi eꞌat piat ieineꞌen hap sese kape e Iesui ahepe topotmuꞌeria pe Uriweiria ypia yityꞌok tote.

Mateu 13:8

Maꞌato hãꞌỹi hewo yi wakuat rote rakaria tuwenug kahato pote toipuẽti hãꞌỹi poꞌog 100 wo saꞌawyꞌi wuat tomikoi kai. Iꞌewyte 30 poꞌog tomikoi kai hawyi 60 toipuẽti poꞌog iwato saꞌawyꞌi wuat tomikoi kai e.

3 Iuwãu 1:7

Tuwat raꞌyn miꞌiria yt kat haꞌup wywo i. Iꞌewyte yt taꞌatukyꞌesat i saꞌup iraniaꞌin kaipyi yt Iesui mohey i haria kaipyi katupono Aipotypot eropat haria miꞌiria pote. Miꞌi pote taꞌatukyꞌesat Iesui kaipyi yn iꞌatupuꞌap saꞌup. Tuwat raꞌyn yt kat saꞌup wywo i Aikaꞌiwat potpap nug hamo.

Iruka 5:11

Miꞌi hawyi taꞌatuherep taꞌyn taꞌatueꞌyara koꞌi yꞌẽpeke hawyi taꞌatuꞌatoiat raꞌyn torannia hawyi tuwat raꞌyn Iesui upi.

Iuwãu 4:36

Mio ti haat raꞌyn waku raꞌyn eweiterek to are raꞌyn ehepe e. Ewehoꞌohep to miitꞌin wuatꞌi eꞌat piat ieineꞌen hanuaria wo e. Wẽtup ok ikoi hat wẽtup ok iterek hat e. Miꞌiria toꞌoꞌewy iꞌatuwepiit kahato taꞌatuminug hap koꞌi ete. Miꞌi hawyi uwe ipotpap ikoi hap ete uwe ipotpap iterek hap ete. Miꞌiria toꞌoꞌewywuat saꞌup taꞌatupuẽti e.