Mateu 19:27 - Sateré-Mawé

²⁷ Miꞌi hawyi Peteru toꞌe -Urumuꞌe hat e saꞌawyꞌi uruiꞌatoiat yne raꞌyn uruekat eupiat urutuwat hamo e. Pyno kat aru haꞌup etum uruepe e.

Mateu 19:27 Referans Kwoze

Wiripu 3:8

Iꞌatu kahato uiwanetup hawe saꞌawyꞌi. Miꞌi atunug mote waku raꞌyn areineꞌen Tupana wanetup hawe uiꞌe hap. Atunug uheko hawyi waku pe areineꞌen Tupana wanetup hawe uiꞌe hap saꞌawyꞌi. Miꞌi hap ewywuat saꞌawyꞌi wuat uiwanetup hap atipun yne raꞌyn aikotã watipun iun aiꞌyat pyi hap ewy katupono koitywy atipuẽti poꞌog wakuat wuatꞌi kawiat rakat. Koitywy Iesui kuap hatno areineꞌen. Atipuẽti Iesui poꞌog waku. Miꞌi Uikaꞌiwat no raꞌyn. Miꞌi yn naꞌyn atikyꞌesat uiwanetup hawe. Miꞌi yn uimoewaku hat. Huu yn naꞌyn uimohãpyk kuap Tupana wanetup hawe. Miꞌi pote koitywy atipun yne saꞌawyꞌi wuat uiwanetup hap koꞌi saꞌawyꞌi wuat uiꞌe hap koꞌi saꞌawyꞌi wuat uiwemoewaku hap hawyi Aikaꞌiwat yn uimoewaku hat are. Tupana yn naꞌyn uhehakyeraꞌat kuap hat koitywy are yn naꞌyn. Koitywy saꞌawyꞌi wuat uiꞌe hap koꞌi atipun yne katupono atimohey Ahehakyeraꞌat hat Aipotypot yn. Iesui yn atikyꞌesat uiwanetup hawe are.

Iruka 5:11

Miꞌi hawyi taꞌatuherep taꞌyn taꞌatueꞌyara koꞌi yꞌẽpeke hawyi taꞌatuꞌatoiat raꞌyn torannia hawyi tuwat raꞌyn Iesui upi.

Iruka 18:28

Miꞌi hawyi Peteru toꞌe -Urumuꞌe hat uruto ti uruiꞌatoiat yne raꞌyn eupiat tuwat hamo ehay moherep hamo e.

Iruka 15:29

Maꞌato -Yt rat e. Pyno yt karãpe i etiꞌauka ehũ ikap takat uimowepiit hap nug hamo uiwyriaꞌin wywo e toꞌywot pe. Karania anu raꞌyn areineꞌen eꞌyatype emikyꞌesat nug hamo emotpap hap nug hamo wen maꞌato yt karãpe i etunug wenuk hap uimowepiit hamuat e.

Maku 10:28

Miꞌi hawyi Peteru toꞌe raꞌyn -Urumuꞌe hat saꞌawyꞌi ti uruꞌatoiat yne uruekareꞌen koꞌi urutuwat eupiat hamo e Peteru Iesui pe.

Maku 2:14

Miꞌi hawyi tewyry hap tote Iesui taꞌakasa uhyt Irewi mekewat Auweu saꞌyru apyk pe ipotpap netap wiat rakat. Miꞌi ipotpap muap pyhyp hap ete. Wuatꞌi muap kareꞌen koꞌi toipyhyp. Toiporeraꞌat saꞌup toꞌywania kaipyi wanikaptia porekuat pe. Miꞌi hawyi Iesui tuwẽpowat hewowi -Toꞌiro uiwywo Irewi e. Miꞌi hawyi ipoĩꞌam naꞌyn hawyi toto Iesui upi.

Iruka 14:33

Pyno mesuwat uhehay iãꞌãkap wuo ahenoi teran ehepe aikotã waku eweiwat uhupi hap uhemiitꞌin sese watnuat hap. Katupono yt eweitoiat kuap i yne mesuwarotiat hap koꞌi pote yt putꞌok eweiꞌe uhupi eweiwat hamo e Iesui areto teran ehupi e haria pe.

Mateu 9:9

Miꞌi hawyi Iesui tuwẽtem iraꞌyn itote pyi hawyi toto muap upi turan toipuẽti wẽtup ok saꞌup poreraꞌat miitꞌin kaipywiat hat mekewat het Mateu e hap. Miꞌi toipuẽti apyk pe aiũpe toiporeraꞌat saꞌup miitꞌin kaipyi hap tote. Miꞌi hawyi Iesui toꞌe Mateu pe -Toꞌiro uhupi Mateu. Mio tã e hawyi meremo ipoĩꞌam hawyi toto raꞌyn hupi.

1 Kuriniu 4:7

Miꞌi pote kat hamo watoꞌe iraniaꞌin me -Uito poꞌog ekai katupono Tupana tum ahepe tomisepap kuap nug kuap hap. Yt aiwewi i watikuap wuatꞌi nug hamuat maꞌato Tupana miium kaipyi wahepap maꞌato yt pote yt kat i aikai. Pyno kat hamo ten -Uito poꞌog waku eikai watoꞌe aipyꞌa pe.

1 Kuriniu 1:29

Eweikuap apo kat pote Tupana tiꞌaro temiitꞌin no paa e haria. Pyno ahenoi teran ehepe. Tupana tiꞌatuꞌaro temiit no miit hit koꞌi katupono yt toikyꞌesat aru atipy pe tuwemowato rakaria. Yt toikyꞌesat itote -Uito poꞌog uhewaku torannia kai pote Tupana uiꞌairo temiit no e haria. Yt toikyꞌesat i itote -Uito poꞌog pote Tupana uiꞌairo saꞌawyꞌi tehay moherep hamo e haria katupono mio tã e haria Tupana mopyꞌahak haria tukupteꞌen e.

Mateu 19:26

Miꞌi pote tehaꞌat kahato topotmuꞌeria kape hawyi toꞌe -Yt uwe i tuwehakyeraꞌat kuap e. Tupana yn ni miitꞌin ehakyeraꞌat kuap hat e. Yt kat i hin i ti niatpo inug kuap hamuat e.

Mateu 19:28

Miꞌi pote Iesui tiwesat -Karãpe yi ipakup turan karãpe Uito Eheykeꞌet araꞌapyk Morekuat eꞌamyap tote wuatꞌi miitꞌin miat uimotypot hamo miꞌi turan ti aru pywo eweikupteꞌen uiꞌyatype 12 morekuat eꞌamyap tote uiwywo aiꞌywania Isareu ywania tok pe wẽtup ywania wẽtup ywania porekuatno aru eweikupteꞌen uwe yt naku i uwe waku e hamo e.