Mateu 19:23 - Sateré-Mawé

²³ Miꞌi hawyi Iesui toꞌe topotmuꞌeria pe -Are paĩ niatpo sese ti wekareꞌen kyꞌe haria tuwehytꞌok atipy pe aikope Tupana toineꞌen morekuatno hawe e.

Mateu 19:23 Referans Kwoze

Mateu 13:22

Maꞌato iraniaꞌin wyti tukupteꞌen teꞌerepomohepapꞌi mesuwat rotiat taꞌatuekat puẽti hamuat ete yn. Miꞌi haria ti aikotã mikoi iãꞌỹi yt haat i rakaria ewy wuaria tukupteꞌen.

Maku 10:23

Miꞌi hawyi Iesui tehaꞌat temiitꞌin kape hawyi toꞌe -Are paĩ niatpo kahato ti wekareꞌen kyꞌe haria tuwehytꞌok aikope Tupana toineꞌen Morekuatno hawe e.

Iruka 18:24

Miꞌi hawyi Iesui tehaꞌat kahato mekewat hekat kyꞌe kahato hat ewowi hawyi toikuap taꞌyn paa e kahato hap hawyi toikyꞌe kahato hawyi toꞌe itotiaria pe -Are paĩ e niatpo kahato ti rat wekareꞌen kyꞌe kahato haria tuwehytꞌok aikope Tupana toineꞌen Morekuatno hawe are e Iesui.

1 Kuriniu 1:26

Taꞌi uhekatuwyria koitywy ti watikuap kahato aikotã Tupana tiꞌairo yt weꞌeg i haria temiitꞌin sese wo hap. Saꞌawyꞌi aiꞌairo temiit no turan yt aiweꞌeg hin i te turan aiꞌairo. Iꞌewyte yt typyꞌi hin i iwatoꞌin nakaria toiꞌairo temiit no mesuwe. Iꞌewyte yt typyꞌi hin i hesaika rakaria toiꞌairo temiit no. Maꞌato miꞌi pykai aiꞌairo temiit no torannia kaipyi.

Iuwãu 3:3

Maꞌato Iesui tiwesat -Pywo pe ti areꞌe epe uwe uwe iꞌywaĩꞌĩ pakupꞌi miꞌi haria yn ni teꞌeropyhuꞌat Tupana emiitno e. Pywo ti wemoherep pakup i haria yn tukupteꞌen aru atipy pe aikope Tupana toineꞌen Morekuatno hap tote are e.

Tiaku 2:6

Eiperia yt hekat i rakaria pote hekat rakaria eimohit reran neꞌi. Yt naku i taꞌatunug hekat rakaria. Taꞌatuꞌatukyꞌesat wyti eiweteweru taꞌatuepiat hap yn taꞌatukyꞌesat. Miꞌi hawyi yt ewehaꞌup nug i raꞌyn eiweteweru hap hawyi ti ehereto raꞌyn suraraꞌin kape eiꞌapiheg hamo. Yt ewenug neiꞌo miꞌiria ewy neꞌi are.

Iesui Potmuꞌeria 14:22

Miꞌi hawyi Pauruꞌin tiꞌatunapin kahato itotiaria ipakup tiaria iꞌatumoesaika hamo iꞌatuepiat imohey kahato hamo. Mio tã iꞌatuꞌe -Eiweꞌeg wo o katupono meiũran ti ewehoꞌopot kahato mesuwe Tupana etama kapiat muap upi iꞌatuꞌe imohey pakup i haria pe.

Iuwãu 3:5

-Mesuwat uiꞌe hap ti pywo pe areꞌe. Wemoherep pakup i haria yn ni teꞌeropyhuꞌat kuap Tupana emiitno e. Pywo yꞌy wywo iꞌewyte Tupana Paꞌãu kaipyi ewemoherep hawyi yn Tupana mepytno ereineꞌen e. Miꞌi hap ewy yn ni teꞌeropyhuꞌat miitꞌin Tupana mepytꞌinno e Iesui.

Mateu 18:3

Hawyi toꞌe -Pywo pe ti areꞌe ehepe. Pyno waku eiwemorem eiminug saꞌag kaipyi hawyi eweikupteꞌen aikotã hirokaria tukupteꞌen yt teꞌeruwanetup hin i yt naku i aru hap koꞌi kape. Maꞌato yt miꞌi tã eweikupteꞌen pote yt karãpe eiwehytꞌok kuap i Tupana ieineꞌen morekuatno hap tote.

Mateu 5:20

Pyno mesup areꞌe ehepe -Pyno poꞌog waku eiwepytyk heg kahato Tupana mikyꞌesat nug hap ete. Mekewat woꞌonapin haria Wariseuria koꞌi mienoi koꞌi kai pote yn ti aru eiwehytꞌok kuap aikope Tupana toineꞌen morekuatno hap tote.

Mateu 21:31

Miꞌi pote apo are ehepe uwe som pyno toꞌywot mikyꞌesat nug hat sio watꞌyp sio yian e Iesui Tupana motypot yat piaria akag koꞌi pe. Miꞌi hawyi taꞌatuwesat -Taꞌi yian yn inug toꞌywot mikyꞌesat iꞌatuꞌe. -Pywo pe ti miꞌi tã e Iesui. Pywo pe ti miitꞌin morekuat saꞌup sat haria iꞌewyte haryporia yt iweꞌeg i rakaria teꞌeruwehytꞌok Tupana etama pe eiꞌowokai te e.

Mateu 19:22

Mio tã e hap toikuap hawyi ti tohatyꞌu raꞌyn topyꞌa pe hawyi toto raꞌyn katupono hekat kahato rakat toineꞌen maꞌato yt toimoꞌẽ teran i tekareꞌen sok yt hekat i rakaria pe haype.