Mateu 19:19 - Sateré-Mawé

¹⁹ Etomotypot ro eꞌywot ety e. Iꞌewyte etiꞌatukyꞌe ro iraniaꞌin aikotã ewekyꞌe hap oktan e. Etunug miꞌi tã pote waku pe ereineꞌen e.

Mateu 19:19 Referans Kwoze

Mateu 22:39

Maꞌato wẽtup te woꞌonapin hap saꞌawyꞌi wuat ewy waku watunug. Mio tã e -Eweikyꞌe ro iraniaꞌin. Waku watiꞌatukyꞌe kahato iraniaꞌin aikotã aiwekyꞌe hap ewy e miwan me.

Tiaku 2:8

Saꞌawyꞌi Aipotypot Iesui aimuꞌe tehay pywuat sese wo. Mio tã e -Waku watiꞌatukyꞌe kahato iraniaꞌin aiwekyꞌe kahato hap ewy e ahepe ainapin hap sese.

Karasia 5:14

Mio tã e ti Tupana Muisei miwan me -Eweiꞌatukyꞌe ro miitꞌin aikotã eweikyꞌe hap oktan e. Miꞌi tupono karãpe watoꞌopowyro aiwoꞌokyꞌe hap ete pote Tupana mikyꞌesat nug haria wo aito watopyhuꞌat.

Iruka 10:27

-Taꞌi atikuap e. -Etikyꞌe o Tupana yn epyꞌa pe e. Etikyꞌe yne ewanetup hawe. Etikyꞌe Tupana yne eweꞌeg hawe e. Iꞌewyte etiꞌatukyꞌe iraniaꞌin yne ro ewekyꞌe hap ewy e tomiwan me e miwan enoi hat Iesui apo e hawyi.

Humanu 13:9

Kat pote saꞌawyꞌi yityꞌok tote Tupana tiwan nu tote puretig. Miꞌi hawyi tutum ahaꞌaseꞌi Muisei pe -Yt ereket reiꞌo wẽtup ok eꞌaito wywo wẽtup ok eharyꞌi wywo e. Yt etiꞌauka teiꞌo miit e. Yt eteroꞌok teiꞌo iraniaꞌin ekat e. Yt eheso teiꞌo iraniaꞌin minug hap ete iꞌatumaꞌat hamuat. Yt etiꞌatukyꞌesat reiꞌo eha wo iraniaꞌin ekat iraniaꞌin emiit e. Yt ereineꞌen neiꞌo ehaꞌywyi iraniaꞌin ekat ete e Tupana ainapin tomiwan me nu tote. Miꞌi e hap koꞌi waku watunug yne yne are. Iꞌewyte wẽtup ainapin hap poꞌog miꞌiria kai toineꞌen are. -Eweiꞌatukyꞌe ro iraniaꞌin eiwekyꞌe hap oktan e Tupana. Miꞌi e hap watunug mote yne Tupana kaipywiat ainapin hap tomiwan miat watunug naꞌyn.

Mateu 5:43

Miꞌi hawyi Iesui toꞌe i itotiaria pe -Pyno eweikuap wyti saꞌawyꞌi wuaria ainapin hap koꞌi -Waku ti aiwyriaꞌin sese yn watiꞌatukyꞌe iꞌatuꞌe hap maꞌato waku ahewanikaptia ete ipyꞌahak takaria wo watoineꞌen iꞌatuꞌe e.

Mateu 19:20

-Maꞌato Uhyt e uihire pyi te ti mio tã e hap miwan miat atunug yne e. Kat e hap pyno miꞌi hawyi waku atunug uheineꞌen wuatꞌi eꞌat piat puẽti hamo e.