Mateu 19:15 - Sateré-Mawé

¹⁵ Miꞌi hawyi tuweponug hirokaria ete hawyi toto i raꞌyn Iesui itote pyi.

Mateu 19:15 Referans Kwoze

2 Timoteu 3:15

Katupono ehire pyi te etikuap Tupana ehay miwan miat hap ete pywuat sese hap kaipyi etipuẽti Ekaꞌiwat Iesui etiat kuap hamuat. Katupono yian mete taꞌatuhenoi Aikaꞌiwat Iesui etiat. Miꞌi hap kaipyi ti watipuẽti aiweꞌeg hap Iesui mohey hamuat. Miꞌi hawyi watomohey hawyi ahehakyeraꞌat hap topyhuꞌat.

1 Kuriniu 7:14

Watomohey Iesui hawyi yt naku i watoiat aheꞌaito aheharyꞌi saꞌawyꞌi wuat yt Iesui mohey hat i pote. Waku wahẽtup kahato Tupana pe aheꞌaito aheharyꞌi ehakyeraꞌat hamo katupono aheꞌaito aheharyꞌi toineꞌen yt pya hin i Tupana kai katupono Tupana Paꞌãu eiam kahato aito pote. Waku aiwywo toineꞌen Iesui mohey haria aito pote. Waku watoineꞌen aheꞌaito wywo aheharyꞌi wywo katupono wahenoi tuereto miꞌiria pe Iesui mohey hap iꞌewyte aimepytꞌin ahakiꞌytꞌin ahaꞌyruꞌin yt pya hin i Tupana ehay aiwẽ pywiat kai. Miꞌi pote miꞌiria yt pya hin i tomohey hawyi Tosaꞌyru moherep haria aito pote.

Maku 10:16

Miꞌi hawyi hirokaria toiꞌatuꞌokhytsat hawyi topo wo toiꞌatuewaku. Toiꞌatupoityro yne raꞌyn.

Mateu 19:14

Miꞌi hawyi Iesui toꞌe -Yt eweiꞌatupyhyp teiꞌo hirokaria uhewowi paĩ e topotmuꞌeria pe. Katupono karãpe Tupana topyhuꞌat morekuatno mesuwe miꞌi hap eꞌat pe hirokaria ewywuaria yn teꞌeropyhuꞌat itote iꞌatuieineꞌen hap sese wo e Iesui temiitꞌin me.

Mateu 19:16

Miꞌi turan wẽtup ok kurum putꞌok e hawyi toꞌe Iesui pe -Woꞌomuꞌe hat waku sese ti En e. Uimuꞌe ro kat som waku atunug uheineꞌen wuatꞌi eꞌat piat hap puẽti hamo e.