Mateu 19:14 - Sateré-Mawé

¹⁴ Miꞌi hawyi Iesui toꞌe -Yt eweiꞌatupyhyp teiꞌo hirokaria uhewowi paĩ e topotmuꞌeria pe. Katupono karãpe Tupana topyhuꞌat morekuatno mesuwe miꞌi hap eꞌat pe hirokaria ewywuaria yn teꞌeropyhuꞌat itote iꞌatuieineꞌen hap sese wo e Iesui temiitꞌin me.

Mateu 19:14 Referans Kwoze

Mateu 18:3

Hawyi toꞌe -Pywo pe ti areꞌe ehepe. Pyno waku eiwemorem eiminug saꞌag kaipyi hawyi eweikupteꞌen aikotã hirokaria tukupteꞌen yt teꞌeruwanetup hin i yt naku i aru hap koꞌi kape. Maꞌato yt miꞌi tã eweikupteꞌen pote yt karãpe eiwehytꞌok kuap i Tupana ieineꞌen morekuatno hap tote.

1 Kuriniu 14:20

Pyno waku watoineꞌen hirokaria ewy aikotã hirokaria yt taꞌatukuap hin i saꞌag nug hap. Miꞌi hap ewy waku watopyhuꞌat uheinytꞌin uheꞌywytꞌin. Maꞌato yt naku i watuwanetup hirokat ewy katupono yt teꞌeruwanetup kuap kahato i te wakuat sehay enoi hap kape hap ewy neꞌi.

Maku 10:14

Miꞌi pote ipyꞌahak Iesui temiitꞌin ete hawyi toꞌe -Tero tõꞌẽ uhewowi hirokaria e. Yt eweipyhyp teiꞌo uhewowi hirokaria paĩ e. Katupono karãpe Tupana topyhuꞌat Wuatꞌi Ywania Miitꞌin Porekuat no miꞌi hap eꞌat pe hemiitꞌin imohey haria hirokaria ewy raꞌyn tukupteꞌen hetama pe.

Mateu 11:25

Mekewat eꞌat pe Iesui toꞌe -Uiꞌywot En wyti mesuwat yi totiaria iꞌewyte atipy piaria potypot ereineꞌen. Miꞌi pote arehum ewowi katupono tukupteꞌen iraniaꞌin uruto ti yt uruikuap hin i te En iꞌatuꞌe aikotã hirokaria ewywuaria miꞌiria uimohey sese haria. Maꞌato iraniaꞌin uruto ti uruikuap kahato e haria wyti yt uikuap hin i haria teꞌeropyhuꞌat.

Mateu 5:3

Mio tã toꞌe -Uhekatuwyria uwe uwe Tupana pe toꞌe -Uruto iꞌatuhakyꞌeꞌi rakaria wo pote urutukupteꞌen katupono yt uruikuap i ti En urumikyꞌesat oktan iꞌatuꞌe. Mio tã e haria ti uimipoity wo teꞌeropyhuꞌat. Iwepiit rakaria sese teꞌeropyhuꞌat.

Mateu 5:10

Miꞌi hawyi Iesui toꞌe i -Pyno uwe uwe hoꞌopot kahato tepiat niatpo hap Tupana mikyꞌesat nug turan miꞌi haria pe ti aru tutum toieineꞌen hap.

Mateu 19:15

Miꞌi hawyi tuweponug hirokaria ete hawyi toto i raꞌyn Iesui itote pyi.

Maku 10:15

Pywo pe ti eweiwat teran aikope Tupana toineꞌen Morekuat no hap kape pote aikotã hirokaria tikyꞌesat tuwehytꞌok taꞌatuty taꞌatuꞌywot kapiat hap ewy o eweikyꞌesat eiwehytꞌok hap maꞌato yt pote ti aru yt eiwehytꞌok hin i atipy pe e Iesui topotmuꞌeria pe.