Mateu 18:22 - Sateré-Mawé

²² Yt rat poꞌog poꞌog 7 wo hap kape maꞌato 490 wo hap kape etimohãpyk wẽtup ok piat emaꞌat hap koꞌi e.

Mateu 18:22 Referans Kwoze

Korosi 3:13

Iꞌatu kahato Tupana watnuat aimokahu hap. Wẽtup woꞌopowyro hap. Wẽtup yt aipotmopyꞌahak i hap. Wẽtup aiwoꞌoewaure aiwoꞌominug saꞌag etiat hap. Wẽtup aipainug hap aiwuꞌuka hap monik hap. Wẽtup aiwoꞌoehay aiwoꞌopiat hap -Waure wo areineꞌen uhyt mimi mana emiꞌaparap uhepiat hap kai aiꞌe hap. Miꞌi koꞌi yne waku ahesokpe pakup ewywuat aiwepainug hap ikahu rakat ewywuat. Miꞌi wo waku watuwepainug aikotã Iesui tiwaure ahepiat iꞌaparap tetiat hap ewy te waku watiwaure iraniaꞌin piat hap aiꞌaparap hap.

Maku 11:25

Pyno Tupana kapiat ehehay hamo eweimohãpyk to eipyꞌa piat yt eiwoꞌowese i hap koꞌi miꞌi pote ti aru Eiꞌywot atipy piat timohãpyk yne eiminug yt nakuap i koꞌi e.

Ewesu 4:31

Watimoꞌarot kahato Tupana Paꞌãu karãpe aipyꞌahak iraniaꞌin ete pote. Miꞌi pote waku watoiat mekewat yt naku i haiug nakaria are. Yt naku i watuwehum haryporia kape ihainia kape ipiit kyꞌesat hap wywo ahewaire teran hap wywo. Miꞌi watunug mote Tupana Paꞌãu aipiit pe iꞌarot kahato hap ewy are. Yt naku i watopotwesat ahehay pirik hap wywo ahehay saꞌag wywo. Yt naku i marakꞌa wo watoineꞌen. Miꞌi tã watoineꞌen mote miꞌi tã watunug mote Tupana Paꞌãu moꞌarot hat watoineꞌen.

Humanu 12:21

Karãpe yt naku i hap ahãꞌãg kahato karãpe ahatek hap aiꞌakit teran pote yt naku i watoiat imohey hap. Waku watuꞌuka kahato aiꞌakit hap akit hamo. Waku watiꞌakit saꞌag wakuap nug hamo kat pote wakuap nug hap poꞌog hesaika saꞌag koꞌi kai are.

Ewesu 4:26

Karãpe aipyꞌahak putꞌok e wẽtup ok etiat hap yt naku i watipowyro mekewat aipyꞌahak hap are. Waku aipohep mekewat aipyꞌahak hap toineꞌen ahete turan. Waku meremo aipohep mekewat aipyꞌahak motꞌi hap ete. Waku meremo watuwemoperupꞌi aipyꞌahak hap ete. Yt naku i watopyhuꞌat typy eꞌat aipyꞌahak hap wywo. Waku waure wo watopyhuꞌat aat minꞌe hap eꞌyian mete.

1 Timoteu 2:8

Timoteu atikyꞌesat kahato miitꞌin torannia iꞌatuehay Tupana kapiat hap atikyꞌesat uito. Atikyꞌesat miꞌiria Tupana watnuaria wo yn hap. Atikyꞌesat miꞌiria tukupteꞌen yt woꞌoweukaꞌi hap mywo i maꞌato woꞌowese hap yn atikyꞌesat yt kat i saꞌag hap iꞌatuwywo. Iꞌatuehay toꞌoꞌewyꞌewy wẽtup ehay yn hap atikyꞌesat.

Mateu 18:23

Kat pote ti mekewat Tupana toineꞌen morekuatno hap wyti aikotã mesuwat rotiat motpap haria iꞌatukaꞌiwat imohãpyk yne temiitꞌin mipuru koꞌi hap ewy.