Mateu 18:20 - Sateré-Mawé

²⁰ Katupono aiũpe eiwaꞌatunug sio typy ok sio myẽꞌym ok uhet upi miꞌi haria wywo areineꞌen.

Mateu 18:20 Referans Kwoze

1 Kuriniu 5:4

Miꞌi pote waku eiweꞌatunug yne eipe hawyi waku eweikay kay mekewat miit yt iweꞌeg i rakat ehewowi. Miꞌi tote ti toineꞌen aru Aipotypot Iesui eipyꞌasetpe iꞌewyte uipaꞌãu toineꞌen eiwywo. Miꞌi hawyi waku mekewat toꞌywot eharyꞌi wywuat get hat eweinapin kahato -Pyno koitywy ahiag watnuat ereineꞌen waku watoꞌe tope. Miꞌi hawyi mono etoiat ro eminug saꞌag maꞌato yt etoiat i ewaire waire hap pote ikuꞌuro rakat no ereineꞌen waku watoꞌe tope.

Iesui Aru E Hap 21:3

Miꞌi hawyi wẽtup ok tuwẽpowat atipy kaipywiat Tupana ieineꞌen hap kaipyi miitꞌin pyꞌasetpiat raꞌyn ieineꞌen hat. Waku pe i raꞌyn toineꞌen mesup yi tote e. Miitꞌin topyhuꞌat Tupana ywania wo i raꞌyn e. Wuatꞌi miitꞌin topyhuꞌat hemiitꞌin no e. -AheTupana sese En iꞌatuꞌe i raꞌyn koitywy tope e. -Eipe uimepytꞌin e Tupana iꞌatuepe e.

Mateu 28:20

Waku yne saꞌawyꞌi wuat ahenoi ehepiat hap ewy miitꞌin muꞌe hamuat e. Miꞌi hawyi eimimuꞌeria uimohey haria atikyꞌesat yne uhehay nug haria wo teꞌeropyhuꞌat e. Miꞌi tupono eweiwat ro iraniaꞌin ywania yne muꞌe hamo areꞌe wen maꞌato miꞌi turan ti aru yt eiweran i eweiwat. Katupono Uito ti aru areto wy eiwywo aikope aikope eweiwat hap upi eipowyro hatno wuatꞌi eꞌat pe ikahuro hap putꞌok e hap kape. Areineꞌen eiwywo wuatꞌi eꞌat pe e Iesui ahepe temiitꞌin me.

Iuwãu 20:26

Miꞌi hawyi putꞌok e i raꞌyn mytuꞌu eꞌat hawyi teꞌeruwaꞌatunug i raꞌyn itote maꞌato mekewat eꞌat pe toineꞌen naꞌyn iꞌatupyꞌasetpe Tume. Miꞌi hawyi teꞌeruweꞌokenhyp heg me tukupteꞌen taꞌatuꞌyat pe. Maꞌato iheg me pykai meremo Iesui tuwemoherep yꞌam me iꞌatutoꞌoran me. Miꞌi hawyi toꞌe -Waku hap yn ahẽtup Tupana pe ehupi uiwyriaꞌin e.

Iuwãu 20:19

Miꞌi hawyi mekewat mytuꞌu ewãtymꞌi turan ipotmuꞌeria teꞌeruwaꞌatunug iheg me Iuteuria akagnia pupiat teꞌerokenꞌẽ haype. Miꞌi turan putꞌok e raꞌyn Iesui iꞌatupyꞌasetpe. Miꞌi hawyi toꞌe iꞌatuepe -Koitywy yt eweikenꞌẽ teiꞌo. Eiwepiit ro e.

Iesui Aru E Hap 2:1

Miꞌi hawyi Aheykeꞌet Iesui toꞌe uhepe -Iuwãu e mio tã etiwan no uimohey haria tawa Ewesu apykok hat pe tawa Ewesu piaria etiat. Mio tã ereꞌe -Pyno atikyꞌesat ereineꞌen uipo pe katupono tukupteꞌen uipo sese kai raꞌyn 7 waikiru koꞌi ewy 7 ok takaria Tupana motypot yat piaria apykok haria e. Uito ti uhewyry eipyꞌasetpe aikotã aikotã ariãty yt hẽtyhot kahato i rakat moẽtyhot hat ewy e. Uhewyry eipyꞌasetpe eimoẽtyhot hamuat e. Eipe wẽtup haga 7 haga pyꞌasetpiat ariãty eiam ewy mekewat 7 ariãty wẽtup eiam hekat rakat pyꞌasetpuo e.

Wiremu 1:2

Atikuap kahato ti Iesui mohey haria aikotã teꞌeruwaꞌatunug kahato ti eꞌyat kape. Miꞌiria kape ti iꞌewyte kuekatu uiꞌe hap atipoꞌoro. Iꞌewyte uhekuekatu atipoꞌoro uheinyt Apia pe iꞌewyte aiwy ok Akipu e hap het rakat kape aiꞌewywuat Iesui esurara yt naku i moma hamuat rakat kape.

1 Tesaronika 1:1

Uito ti Pauru kuekatu sese atipoꞌoro ehewowi Iesui mohey haria kape tawa Tesaronika piaria kape are. Uiwyriaꞌin Iesui mohey haria mesuwat uimiwan atipoꞌoro ehewowi katupono atikyꞌesat kahato ti Tupana hegyiꞌat kahato ehepiat hap. Iꞌewyte atikyꞌesat kahato Tupana kaipywiat eiwoꞌowese hap. Pyno uito hawyi mehin Sira hawyi Timoteu wywo kuekatu urutoꞌe ehewowi uruwyriaꞌin tawa Tesaronika piaria kape. Mesuwat uruipoꞌoro ehewowi urumiwan Aiꞌywot Tupana Aikaꞌiwat Iesui hũria kape tomohey haria waꞌatunug haria kape.

Iuwãu 8:58

-Pywo pe ti Uito ti ahaꞌaseꞌi Aparãu ywãꞌĩ hap eꞌyian mete wuat ieineꞌen hat e Iesui.

Mateu 18:21

Miꞌi hawyi Peteru tokosap Iesui kape hawyi apo e -Uikaꞌiwat e karania wo som waku uiwy minug saꞌag uhetiat atimohãpyk sio 7 wo waku e.