Mateu 17:27 - Sateré-Mawé

²⁷ Maꞌato aito yt watiꞌaparap teran i mesuwaria eꞌe hap ete. Miꞌi pote waku ereto ro ihyemyiꞌa kape hawyi etipun epina yꞌy pe hawyi waku saꞌawyꞌi etekyi pira hawyi etat miꞌi turan aru etipuẽti iwẽ pe wẽtup saꞌup iꞌape rakat hawyi waku ereto miꞌi wywo hawyi ehaꞌup nug aiweupi.

Mateu 17:27 Referans Kwoze

2 Kuriniu 6:3

Koitywy Aikaꞌiwat ehay moherep haria raꞌyn aito. Miꞌi pote waku aiweꞌeg wo kahato watoineꞌen. Kat pote karãpe watiꞌaparap pote miitꞌin teꞌeruwekyryꞌi kahato Aikaꞌiwat Iesui ete iꞌewyte ahete. Miꞌi hawyi yt uwe i tuwanetup teran ahehay kape.

2 Kuriniu 8:9

Eipotypot Iesui aikyꞌe kahato. Miꞌi hap eweikuap taꞌyn maꞌato ahenoi teran i raꞌyn. Hegyiꞌat kahato Miꞌi aikotã hekat sese rakat timoꞌẽ yne tekareꞌen ihakyꞌeꞌi rakaria pe hap ewy Aikaꞌiwat hegyiꞌat kahato. Saꞌawyꞌi sese yne kareꞌen topyhuꞌat ipo pe atipy pe. Miꞌi hawyi ahowawi tuut atipy kaipyi. Miꞌi Miit ihakyꞌeꞌi rakat topyhuꞌat. Toimoꞌẽ yne tewaku hap ahowawi aikyꞌe haype. Miꞌi hap koꞌi watikuap taꞌyn. Maꞌato waku watopyhuꞌat aikotã hegyiꞌat hap ewy uhekatuwyria are.

1 Kuriniu 8:9

Eweꞌeg wo o karãpe etuꞌu tupanaria miit minug koꞌi motypot hap miꞌu turan. Toineꞌen ekai Iesui mohey hat pakup -Yt etuꞌu teiꞌo tupanaria motypot hamuat miium u hap ete iꞌatuꞌe pote pyno yt etuꞌu teiꞌo. Etuꞌu pote -Yt etuꞌu teiꞌo e haria teꞌeruwemoti etuꞌu hap turan Iesui mohey haria yt itag i te rakaria Iesui mohey hap ete pote. Miꞌi hawyi iꞌaparap hat ereineꞌen iꞌatuwanetup hawe.

1 Kuriniu 8:13

Pyno uito yt karãpe i atuꞌu miꞌu puꞌi mekewat uipotmaꞌat hap pupi katupono yt atikyꞌesat i uiwyꞌok wẽtup ok Iesui mohey pakup hat maꞌat hatno areineꞌen. Yt atimaꞌat reran i uheꞌywyt uheinyt uheꞌykeꞌet pote -Waku atoiat miꞌu puꞌi tupanaria motypot hap areineꞌen iꞌatuwywo turan areꞌe yn uipyꞌa pe.

Humanu 14:21

Pyno kat som kat som waku iꞌatuwywuat aheineꞌen turan waku watunug. Waku watikuap iraniaꞌin eko koꞌi hawyi waku iweꞌeg nakaria wo watoineꞌen. Iꞌatumiꞌu hap ewy waku watuꞌu iꞌatuehamo. Waku watuꞌu iꞌatumiꞌu ipuꞌi u hap ewy iꞌatuwywo watoineꞌen nuran. Yt naku i watiꞌatuꞌaparap neꞌi iraniaꞌin Iesui mohey haria yt iꞌatueko ewywuat i watunug hap kaipyi. -Waĩ iꞌatuꞌe mahy u hap ete pote waku yt watuꞌu i. Miꞌi pote waku -Yt naku i watuꞌu mekewat miꞌu puꞌi iꞌatuꞌe pote -Pyno waku watoꞌe. Yt naku i watiꞌatuꞌaparap neꞌi iraniaꞌin aiminug koꞌi wo.

Tiaku 2:5

Pyno ewetum no ehewaure kaꞌa uhepe uimikyꞌe koꞌi. Yt eweikuap i te apo aikotã Tupana tiꞌairo kahato yt hekat i rakaria Iesui mohey kahato hanuaria wo hap. Poꞌog toiꞌairo ihakyꞌeꞌi rakaria temiit no tetama piatnuaria wo iraniaꞌin kai katupono saꞌawyꞌi toꞌe -Uhemiit sese wyti aru tukupteꞌen miit emiit haria wo karãpe arepyhuꞌat Wuatꞌi Miitꞌin Morekuat Koro mesuwarote e Tupana miwan me saꞌawyꞌi. Mio tã toꞌe hap ewy raꞌyn ti mesup te toiꞌairo temiitꞌin no miit yt uwe mikuap ewywuat koꞌi i yt uwe mikyꞌe ewywuat koꞌi i e. Miꞌiria pe ti -Worohoꞌoꞌairo eipe miitꞌin porekuaria wo uimohey sese haria eiperia pote e. Worohoꞌonug eipe morekuat no yne mesuwat yi tote e hatek takaria pe tokyꞌe sese haria pe. Worohoꞌomoesaika uimohey kahato hap wywo wuatꞌi nug hamo e Tupana tomohey haria pe.

1 Tesaronika 5:22

Ipotyi kahato ti aheko saꞌag. Pyno miꞌi waku watoiat yne.

Iuwãu 6:61

Miꞌi hawyi Iesui tikuap taꞌyn temiitꞌin ehay saꞌag tetiat hap tuwanetup hawe. Miꞌi haype toꞌe topotmuꞌeria pe -Pyno uimienoi ehepiat eimoꞌarotꞌi apo e.

Mateu 5:29

Miꞌi tupono etunug yt naku i hap eha sese wo pote waku etihep eha hawyi waku etipun pya ekai katupono poꞌog waku etihep kokawiat eha wywo yn ereke kuap atipy pe. Maꞌato torannia eha wywo pote ti ereto kuap aria kape e.

Mateu 5:30

Iꞌewyte epo kokawiat wo etunug yt naku i hap miꞌi pote waku etitek epo kokawiat miꞌi hawyi waku etipun pya ekai katupono waku kokawiat ipo rakat wo yn ereineꞌen pote ereke kuap aikope Tupana toineꞌen hap tote maꞌato torannia epo wywo ereto kuap aria wato kape aikope miitꞌin hoꞌopot kahato hap kape.

Mateu 17:26

Miꞌi pote Peteru toꞌe -Iraniaꞌin yt mesuwat yi ieineꞌen haria kaipyi taꞌatusat e. Miꞌi hawyi Iesui toꞌe -Pyno miꞌi pote mesuwat tawa totiaria yt taꞌatuhaꞌup nug i.

Mateu 18:6

Pywo pe ti tukupteꞌen meimuẽwaria hirokaria uimohey haria iꞌatumaꞌat uimohey hap iꞌatuepiat hap atoiat hamo pote poꞌog waku miꞌiria nu wato hutꞌypy ete hawyi waku mipugha raꞌyn ihy pya piat pe.

Mateu 18:8

Pyno toineꞌen typy epo iꞌewyte typy epy. Wẽtup epo wo sio wẽtup epy wo emaꞌat saꞌag nug hamo mote waku miꞌi wẽtup etitek hawyi etipun. Katupono poꞌog waku ereke aikope Tupana toineꞌen morekuatno wuatꞌi eꞌat piat ieineꞌen hap tote wẽtup epo wywo yn sio wẽtup epy wywo yn. Maꞌato typy epo wẽtup emaꞌat hatno hawyi typy epy wẽtup emaꞌat hatno wywo ereke aria wato wuatꞌi eꞌat piat hap kape hoꞌopot hawe e.

Maku 9:42

Uiwyriaꞌin e taꞌi yt naku i kahato hirokaria uimohey haria maꞌat haria wo tukupteꞌen. Maꞌato uwe uwe uimohey hap hirokaria wanetup hawiat ihep miꞌi hat ti Tupana miꞌapiheg sese wo topyhuꞌat e. Iꞌewyte mekewat hirokat maꞌat hat ete nu ipotyi rakat wahaity nug hawyi watipun ihy pya pe hawyi minꞌe raꞌyn hawyi ikuꞌuro raꞌyn e.

Maku 9:43

Maꞌato eipo wo eweiꞌaparap emohey uhepiat hap ete pote waku eweitek eipo e. Katupono poꞌog waku eiwehytꞌok Tupana etawa pe wẽtup eipo wywo yn maꞌato typy eipo wywo eiwehytꞌok aria pe neꞌi e.

Iruka 17:2

Yt waku pe hin i miꞌiria tukupteꞌen aru. Poꞌog waku aikotã yꞌy wato pe nu wato ete saity ete min Iꞌatuꞌe. Poꞌog waku miꞌi hap ewy wyti ti uimepytꞌin iãꞌãg haria teꞌeropyhuꞌat e.