Mateu 16:4 - Sateré-Mawé

⁴ Miꞌi hap ewy wyti koran miitꞌin yt nakuaria i yt uimohey i haria. Miꞌi kaipyi ti ewehẽtup uhepe yt uwe misepap i moherep ehepiat hap. Maꞌato mekewat Iona etiat yn topyhuꞌat eimikuap aikotã wyti aru uhetiat hap e. Mio tã toꞌe hawyi tuwẽtem iraꞌyn itote pyi hawyi toto raꞌyn.

Mateu 16:4 Referans Kwoze

Maku 8:38

Pywo pe ti uwe uwe mesuwat yt naku i hap eꞌat koꞌi turan uhehay pupi tuwemoti yt uimohey haria i. Miꞌi haria pupi ti aru uito iꞌewyte aremoti wy mekewat eꞌat pe karãpe uito eheykeꞌetno ariot i raꞌyn Morekuatno atipy piaria wywo Tupana wat hẽtyhot rakat pe imehit rakat piat turan. Miꞌi hap eꞌat pe ti aru uito Eheykeꞌet aremoti uipupiat wemoti haria pupi e Iesui muap upiaria pe.

Maku 8:12

Mio tã iꞌatuꞌe pote Iesui hatyꞌu kahato topyꞌa pe hawyi ahenꞌẽ poityꞌi hawyi toꞌe mio tã e haria pe -Kat poteĩ mesuwiaria tikyꞌesat kahato atimoherep yt miitꞌin misepap koꞌi ewywuat i uimohey hamo e. Eweikyꞌesat pykai yt atunug i e Iesui yt tomohey i haria tewanikaptia pe.

Mateu 15:14

Pyno yt arewanetup teran i poꞌog Wariseuria kape katupono miꞌiria ti tukupteꞌen yt iha pytig i rakaria ewy. Miꞌiria ti karãpe yt iha pytig rakaria i toꞌoporereto iraniaꞌin hawyi meremo hewo yne yi kaꞌa pe.

Iesui Potmuꞌeria 18:6

Miꞌi pote Pauru ete iꞌatuhoiro kahato. Waĩ waĩꞌiꞌatuꞌe Iuteuria. Yt naku i urumuꞌe miꞌi tã iꞌatuꞌe. Miꞌi hawyi Pauru tekamisa wato hep hawyi toipehuruk pehuruk iꞌatuewowi. Miꞌi hawyi toꞌe iꞌatuepe -Eiwepyi kahato ti eiwemoewasat eipe. Pyno yt uhehay pyi i raꞌyn wyti aria kape eweiwat e. Miꞌi hawyi ti aru iraniaꞌin ywania kape raꞌyn pyno areto iꞌatuepiat henoi hamo e Pauru Iuteuria pe.

Iesui Potmuꞌeria 2:40

Miꞌi hawyi Peteru ihay kahato topyꞌa pyi itotiaria pe -Uruꞌywania worohoꞌonapin neran haty wo e. Tupana tiꞌatuꞌapiheg kahato aru Tomipoꞌoro Aiporekuat nuat auka haria e. Miꞌiria ti aru hoꞌopot haria sese wo aru tukupteꞌen wuatꞌi eꞌat pe e Tupana. Miꞌi pote uiwyriaꞌin eiweꞌeg wo o Tupana eiꞌapiheg sese hap pupi e. Iraniaꞌin iꞌauka haria tuwat kahato aru taꞌatuꞌapiheg Tupana piat hap kape e. Yt eweiwat reiꞌo miꞌiria upi e. Waku paa eweiꞌe Tupana kape hawyi eweiꞌaipok to Tupana kape eiminug saꞌag hap kaipyi e Peteru haty wo itotiaria pe.

Mateu 16:5

Miꞌi hawyi karãpe hemiitꞌin teꞌereꞌysakpo raꞌyn mekewat hyemyiꞌa mekewat aat wẽtem kawiatno. Miꞌi turan taꞌatuwaure taꞌatueman koꞌi.