Mateu 16:28 - Sateré-Mawé

²⁸ Pywo pe ti areꞌe ehepe mesuwat uiꞌe hap wyti pywuat sese rakat tukupteꞌen wyti aru iraniaꞌin mesuwat rote yt ikuꞌuro i te rakaria Iesui yt kuꞌuro i te turanuat haria ti aru teꞌeraꞌakasa te Ihainia Saꞌyru tuut morekuatno hap kape.

Mateu 16:28 Referans Kwoze

Iruka 9:27

Yt eweiwaure teiꞌo mio wuat uiꞌe hap e. Pywo ti rat tukupteꞌen meiũpe Tupana topyhuꞌat morekuat nuat hap kapiat akasa haria e Aikotã Tupana topyhuꞌat Morekuatno hap kapiat akasa taꞌatukuꞌuro hap eꞌyian me te rakaria e.

Maku 9:1

Wẽtup eꞌat pe Iesui toꞌe temiitꞌin me -Pywo kahato tukupteꞌen wẽtup ok wẽtup ok meiũpe Tupana topyhuꞌat morekuatno putꞌok e hap kape akasa haria e. Yt iꞌatukuꞌuro hap eꞌat owokai teꞌerehaꞌat Tupana putꞌok e morekuatno meiũpe hesaika hap wywo e.

Iuwãu 8:52

Miꞌi hawyi Iuteu ywania akag koꞌi teꞌeroꞌe Iesui pe -Koitywy wyti uruikuap taꞌyn ahiag epiit piat hap katupono aseꞌi Aparãu waku sese pykai ikuꞌuro raꞌyn iꞌewyte saꞌawyꞌi wuat Tupana ehay moherep haria yne yne ikuꞌuro raꞌyn maꞌato ereꞌe -Uwe uwe uimienoi inug miꞌi haria ti aru yt ikuꞌuro sese i ere iꞌatuꞌe.

Mateu 26:64

Miꞌi hawyi toꞌe Iesui paꞌi koro pe -Mio tã eweiꞌe mehin e. Taꞌi meiũran ti aru eiwaꞌakasa Miitꞌin Ykeꞌet Tupana po sese kai mekewat poꞌog hesaika rakat po sese kai hawyi tuut atipy kaipyi ywyhig me e.

Mateu 10:23

Uipotpoꞌororia karãpe wẽtup tawa piaria eimohan eiꞌatuuka hamo miꞌi hap eꞌat pe waku eweiwat wẽtup tawa kape iraꞌyn iraniaꞌin muꞌe hamo. Maꞌato karãpe eimohan ehewanikaptia eiꞌauka hamo pote waku eweiwat wẽtup tawa kape iraꞌyn. Katupono ti pywo pe areꞌe ehepe miꞌi tã taꞌatunug ehetiat pykai yt eipo hep kuap i Isareu etawa piaria muꞌe hap ete.

Iruka 2:26

Pyno saꞌawyꞌi Tupana Paꞌãu henoi ti raꞌyn tope -Ekuꞌuro hap owakai te ti aru eraꞌakasa raꞌyn Uimipoꞌoro e. Miꞌi hap ewy taꞌakasa raꞌyn tokaꞌiwat Tupana mipoꞌoro.

Maku 13:26

Miꞌi hawyi ti aru Miitꞌin ykeꞌet Sese putꞌok e raꞌyn yi kape tesaika hap wo. Miꞌi hawyi wuatꞌi miitꞌin teꞌeraꞌakasa iꞌuut ywyhig puo hap turan.

Epereu 2:9

Pyno koran aheha Iesui kape iꞌewyte koitywy howawi aiwanetup hap. Miꞌi raꞌyn topyhuꞌat hap kape aheha. Mekewat poꞌog iwato atipy piaria kawiat hat kape aiwanetup hap. Maꞌato mesuwarotiat toineꞌen turan tuwemohit kahato. Atipy piaria eꞌyi kai te topyhuꞌat. Yt atipy piat ewy hin i toineꞌen Aheykeꞌet mesuwarote tuwepuꞌi nug hap eꞌat pe. Maꞌato hoꞌopot kahato aikawiatno hamo yi tote toineꞌen turan. Ikuꞌuro miitꞌin ehakyeraꞌat hamo. Koitywy Tupana tunug naꞌyn Wuatꞌi Porekuat no. Miꞌi Miit tuwepainug naꞌyn. Miꞌi hawyi Tupana tunug Tosaꞌyru Wuatꞌi Epaꞌi Koro wo raꞌyn e. Mio koitywy Ahepaꞌi Koro wo Iesui raꞌyn katupono Miꞌi Miit ipitpitꞌok yne aiminug saꞌag koꞌi. -Koitywy waku raꞌyn uiwanetup hawe eipe e Tupana ahepe. Koitywy wẽtup miit ewywuat watopyhuꞌat Tupana Aiꞌywot ahepe. Wẽtup mepytꞌin sok yn aito Aheykeꞌet mohey haria e. Taꞌi yt watuwemoti hin i mesup te aiminug saꞌag saꞌawyꞌi wuat ete katupono watomohey Tupana Saꞌyru hawyi wẽtup miit ewy watopyhuꞌat iꞌywot wywo. Eipe uheꞌywytꞌin uheinytꞌin e Iesui ahepe.

Mateu 24:3

Miꞌi hawyi tuwat Uriweiria ypia eꞌyityꞌok kape. Miꞌi tote taꞌapyk hawyi ipotmuꞌeria tokokaꞌat hewowi 12 ok takaria. Miꞌi hawyi apo iꞌatuꞌe Iesui pe -Karãpe aru taꞌatupugha meiẽwat Tupana motypot yat iꞌatuꞌe. Karamuo aru putꞌok e eꞌaipok mesuwat yi kapiat hap eꞌat iꞌatuꞌe. Karãpe aru yi kahuro hap putꞌok e iꞌatuꞌe. Kat koꞌi kat koꞌi aru tuwemoherep mesuwe putꞌok e hap eꞌyian mete iꞌatuꞌe.

1 Tesaronika 1:10

Koitywy taꞌatuhekatup taꞌyn Aikaꞌiwat Iesui Tupana Saꞌyru iꞌewyte Tupana mihep guꞌuro pywiat mohey haria wo raꞌyn tukupteꞌen iꞌatuꞌe ahepe. Taꞌi saꞌawyꞌi wyti ipyꞌahak kahato Tupana aiminug saꞌag ete. Saꞌawyꞌi wyti aiꞌapiheg hap yn topyhuꞌat ahepe yt kat i Tupana wywo aiwoꞌowese nug hanuat pote saꞌawyꞌi. Maꞌato Ahehakyeraꞌat hat putꞌok e aiꞌapiheg hap u hamuat hawyi Tupana aihep taꞌyn aiꞌapiheg hap kaipyi. Miꞌi hawyi iraniaꞌin yt kat iꞌatuꞌe kuap i raꞌyn ahete katupono -Waku eipe e yn naꞌyn ahepe. Miꞌi hap areꞌe ehepe Iesui mohey haria tawa Tesaronika piaria. Maꞌato yt uito yn i katupono torannia mesuwat yi tote waku iꞌatuꞌe ehepe. Yt kat areꞌe kuap i raꞌyn miitꞌin me eimohey kahato hap etiat uruewyry tipytpe katupono taꞌatukuap yne raꞌyn ehepiat imohey waku kahato hap. Miꞌi tupono urutuwehum kahato ehepiat imohey hap ete uruto Pauruꞌin.

Mateu 24:42

Miꞌi tupono eiweꞌeg wo o katupono yt eweikuap i kat eꞌat putꞌok e Eheykeꞌet hap e. Sehaꞌat uhuut hap kapiat hap ewy o eweikupteꞌen e.

Iruka 18:8

Taꞌi areineꞌen Eheykeꞌet Uito miꞌi pote uhuut hap eꞌat turan atiꞌatuꞌapiheg kahato iraniaꞌin minug saꞌag uimohey haria etiat e. Mekewat eꞌat pe atikat kahato uimohey sese hanuaria sio toĩ sio yt hap e Iesui temiitꞌin me.

Mateu 8:20

Maꞌato Iesui tiwesat -Pyno ereto teran uhupi pote waku saꞌawyꞌi erewanetup kahato katupono ti Awahuru koꞌi ti tukupteꞌen taꞌatukaꞌa puo iꞌewyte weitaria ti tukupteꞌen taꞌatusok puo maꞌato Uito Miitꞌin Ykeꞌet pykai yt kat i uiꞌyat uiwemohy hamuat.

Mateu 16:13

Miꞌi hawyi Iesui toto raꞌyn mekewat yi yt pya hin i mekewat tawa Sesareia Wiripi ieineꞌen hap kape. Itote apo e temiitꞌin me -Uweꞌin som teꞌeroꞌe meiẽ ti Tupana Saꞌyru iꞌatuꞌe uhepe.

Mateu 24:34

Tukupteꞌen ne miitꞌin mekewat eꞌat piat yne uimoherep hap koꞌi akasa haria yt ikuꞌuro i te turan.

Maku 8:38

Pywo pe ti uwe uwe mesuwat yt naku i hap eꞌat koꞌi turan uhehay pupi tuwemoti yt uimohey haria i. Miꞌi haria pupi ti aru uito iꞌewyte aremoti wy mekewat eꞌat pe karãpe uito eheykeꞌetno ariot i raꞌyn Morekuatno atipy piaria wywo Tupana wat hẽtyhot rakat pe imehit rakat piat turan. Miꞌi hap eꞌat pe ti aru uito Eheykeꞌet aremoti uipupiat wemoti haria pupi e Iesui muap upiaria pe.

Iuwãu 8:51

Pywo ti uwe uwe inug uimienoi koꞌi miꞌi hat ti aru yt ikuꞌuro i e Iesui iꞌatuepe.

Iuwãu 21:22

Miꞌi hawyi toiwesat -Kat aru aiꞌokpe kawiat tunug yt ereꞌe teiꞌo. Atikyꞌesat ahaipe piat toineꞌen motꞌi teran mesuwarote pote taꞌi toineꞌen motꞌi kuap karamuo uiꞌaipok hap kape hap ewy atikyꞌesat pote atunug kuap i e Iesui Peteru pe uhepiat.

Iesui Potmuꞌeria 1:11

Miꞌiria teꞌeroꞌe Iesui saipepiaria pe -Kat poteĩ ewehaꞌat atipy kape eipe yi Karireia piaria iꞌatuꞌe katupono toto raꞌyn Iesui atipy kape iꞌatuꞌe maꞌato aikotã toto hap ewy te ti aru taꞌaipok i iꞌatuꞌe ipotpoꞌororia pe ahepe.

1 Kuriniu 15:23

Nimo te ti Aikaꞌiwat Iesui tuwẽtem guꞌuro pyi wuatꞌi miitꞌin eꞌyian mete. Meiũran aito imohey haria hewatꞌypmo watuwẽtem iwywo e. Karãpe Iesui tuut turan watoineꞌen hewatꞌypmo.

Tiaku 5:7

Uiwyriaꞌin waku aiperupꞌi poꞌog poꞌog watoineꞌen Iesui ekatup haype miitꞌin aimoweukaꞌi pykai. Aikotã aikopiat aimikoi wahekatup hepama hap ewy. Saꞌawyꞌi watikoi hawyi iꞌaman hap wahekatup imoẽtyt hamo. Miꞌi hawyi wahekatup i iꞌaman tuereto hap imotag hamo. Perupꞌi popuo wahekatup haat hap kape imoꞌapuhup hamuat kape. Miꞌi hap ewy waku wahekatup Iesui uut hap.

2 Peteru 1:16

Pywo ti rat urutaꞌakasa hap sese Iesui ieineꞌen hap. Miꞌi kape urueha wo urutaꞌakasa are. Uruto uruikuap kahato Miꞌi Miit katupono uruewyry kahato iwywo are. Iesui hesaika kahato hap uruikuap taꞌyn are. Yt urumuꞌetu wuat hap kaipyi hin i uruiꞌatumuꞌe eipe Iesui ete are. Pywo ti rat urutaꞌakasa raꞌyn Tupana Mipoꞌoro Wuatꞌi Potypot Koro wuat. Waku kahato Miꞌi Miit poꞌog poꞌog torannia miitꞌin kai are. Uruikuap kahato Miꞌi uruewyry aat kaꞌap hawyi. Uruikuap kahato Tupana Mimotypot sese Iesui hap. Urumimoherep Iesui etiat ehepe yt urumuꞌetu wuat hap kaipyi i maꞌato urueha wuat uruꞌakasa hap kaipyi uruiꞌatumuꞌe eipe Miꞌi Miit sese ete are.

1 Iuwãu 2:28

Uimepytꞌin waku kahato ti aipap Aikaꞌiwat upi. Miꞌi pote ti aru karamuo Aikaꞌiwat taꞌaipok i raꞌyn meikowo miꞌi hawyi yt kat i aiwemoti hap toineꞌen ipupiat hap. Yt watuwemig hin i ipupi maꞌato watuwehum yn huut turan. Yt kat i aheha yi kape huut turan. Aipotypot ewywuat hap wahekatup kahato pote yt kat i aiꞌapiheg hap Tupana kaipyi. -Waku yn e ahepe. Miꞌi pote aito iꞌewyte waku pe yn watoineꞌen iꞌewy aito pote.