Mateu 16:17 - Sateré-Mawé

¹⁷ Miꞌi hawyi Iesui tiwesat -Pywo kahato e hawyi toꞌe -Simau Iuwãu saꞌyru e en wyti iwepiit sese rakat kat pote pywo en yt mesuwat rotiaria i yt mimuꞌe hin i maꞌato ti tuut emuꞌe hap uiꞌywot atipy piat kaipyi.

Mateu 16:17 Referans Kwoze

Iuwãu 6:45

Saꞌawyꞌi te wuat Tupana e hap moherep haria teꞌeroꞌe -Meiũran ti aru wuatꞌi puo Tupana tiꞌatumuꞌe miitꞌin iꞌatuꞌe miwan me e Iesui. Miꞌi pote areꞌe uwe uwe tuwanetup Uiꞌywot mienoi kape miꞌi hat ti aru tuut uhewowi e.

1 Iuwãu 5:20

Koitywy watikuap kahato Tupana saꞌyruꞌin sakiꞌytꞌin aito hap. Taꞌi watikuap Tupana Saꞌyru hawyi Tupana moherep hat sese topyhuꞌat poꞌog poꞌog mekewat pywuat etiat kuap hamo. Miꞌi tupono mekewat Tupana Mipoꞌoro Aiporekuat nuat hat watikuap hawyi topoꞌoro hat Tupana watikuap iꞌewyte. Saꞌawyꞌi watikuap teran uwe Tupana hap maꞌato yt heremo hin i Tupana ahepe. Maꞌato mesup heremo raꞌyn aheTupana katupono Haꞌyru imoherep ahepe. Tupana Haꞌyru ti Toꞌywot ewywuat wẽtup miit ewy. Karãpe wataꞌakasa Haꞌyru kape pote Iꞌywot kape ti raꞌyn wataꞌakasa wy are. Miꞌi pote mesup -Worokuap kahato En watoꞌe yn Tupana pe. Koitywy uiwyriaꞌin watoineꞌen Tupana pe aikotã Tupana eiam ewy miꞌi pe watopyhuꞌat. Saꞌawyꞌi watomohey Iesui ti Tupana Saꞌyru e hap hawyi Iesui po pe watopyhuꞌat. Ipyꞌa pe kahato watoineꞌen. Aikaꞌiwat yat piaria ewywuaria watopyhuꞌat. Iesui ti Tupana sese miꞌi pote Tupana pe watoineꞌen Iesui pe watoineꞌen pote. Iesui ti wuatꞌi eꞌat piat ieineꞌen hat iꞌewyte aito wuatꞌi eꞌat piat watoineꞌen Iesui wywo wẽtup miit piit ewywuat pote are.

Karasia 1:16

Miꞌi hawyi sake wẽtup eꞌat pe Tupana tuwemoherep Tosaꞌyru sese Iesui uhowowi uipyꞌa pe. Atikuap Haꞌyru hawyi toꞌe uhepe -Pauru woroꞌairo en uhehay enoi miitꞌin yt Iuteu ywania piat hamo i e uhepe. Miꞌi hawyi yt uwe pe i -Uimuꞌe ro are. Katupono saꞌawyꞌi Tupana yn uimuꞌe hat toineꞌen. Yt wẽtup ok miit pe i are -Waku apo areineꞌen ehay sytpok hamo yt are hin i. Yt uwe pe i mio tã are.

1 Kuriniu 15:50

Pyno eiweꞌeg wo o uhekatuwyria katupono aipiit mesuwarotiat yt teke kuap i atipy pe katupono aipiit ipuꞌi kawiat huu kawiat ikuꞌuro iꞌokpuk takat toineꞌen. Aikope Morekuat no Tupana toineꞌen hap tote yt uwe i ikuꞌuro rakaria wo toineꞌen itote.

Ewesu 3:5

Saꞌawyꞌi wuaria yt uwe i ikuap mesuwat sehay migꞌi wuat Tupana -Atunug aru e hap. Tupana yn ikuap. Iꞌewyte ihay moherep haria saꞌawyꞌi wuaria yt ikuap i maꞌato mesup Tupana Paꞌãu timoherep taꞌyn uruepe tehay moherep haria pe uruto Iesui potpoꞌororia 12 ok takaria pe toimoherep tehay migꞌi wuat Topaꞌãu wo.

1 Iuwãu 4:15

Uwe uwe toꞌe iraniaꞌin me -Uito atimohey kahato Iesui toineꞌen Tupana Saꞌyru sese hap e miꞌi hat Tupana eiam mo topyhuꞌat. Iꞌewyte Tupana topyhuꞌat heiam mo.

1 Peteru 5:1

Pyno uito Peteru iporo rakat areineꞌen. Eiꞌapykok hat areineꞌen. Pyno uhehay teran Iesui mohey haria apykok haria pe. Worohoꞌonapin neran eipe. Uito ti Iesui potmuꞌe sese uito. Araꞌakasa yne Aikaꞌiwat ikuꞌuro hap kape. Araꞌakasa aikotã hoꞌopot hap kape. Iꞌewyte araꞌakasa Iesui wẽtem guꞌuro pywiat hap kape. Araꞌakasa Iesui Tupana motypot hawe hẽtyhot hap pyꞌasetpe araꞌakasa. Miꞌi hap ewy tuut irane. Miꞌi hap kape iꞌewyte araꞌakasa uimuꞌetu wuat ewy are.

Ewesu 2:8

Maꞌato yt aiminug wakuap kaipyi hin i Tupana ahehakyeraꞌat. Taꞌi yt hin i uiwyriaꞌin. Ahewaku hap yt putꞌok e hin i Tupana wat hewaku hap ewy are. Aikyꞌe hap kaipyi towese hap kaipyi tutum ahehakyeraꞌat hap ahepe. Watimohey Iesui hawyi tutum ahepe wuatꞌi eꞌat piat aheineꞌen hap yt kat i watunug pykai tutum. Pywo pe ti tuwekaipyi tutum watomohey Iesui hawyi are.

Iuwãu 1:42

Miꞌi hawyi Ãtere tioto toykeꞌet Iesui kape hawyi Iesui toꞌe iykeꞌet pe -En ni Simau Iuwãu saꞌyru e maꞌato eset pakup atum epe mehin e. Koitywy ti aru Nu e raꞌyn eset e Iesui. Maꞌato topusu puo Iuteuria ywania pusu puo Sewa eset e maꞌato Kereku pusu puo Peteru eset e.

Epereu 2:14

Pyno aito miit kawiat maꞌato -Uhaꞌyruꞌin uhakiꞌytꞌin eipe e Tupana ahepe Tosaꞌyru mohey haria pe mesup. Miit puꞌi kawiat kahato Iesui piit maꞌato yt karãpe i tutunug yt naku i. Ikuꞌuro aikawiatno hare pote tuwenug miit no iꞌewyte wẽtup piit ewy iwywo watopyhuꞌat watimohey hawyi e. Wẽtup suu ewy kahato iwywo aito iꞌewyte aihep taꞌyn ahiag po pyi tutuꞌu yne aikuꞌuro hap hawyi. Saꞌawyꞌi ahiag aimokenꞌẽ kahato aikuꞌuro hamo maꞌato mesup Iesui tihep taꞌyn mekewat aimokenꞌẽ hap.

Ewesu 6:12

Katupono ahiag ahewanikap sese topyhuꞌat. Ahiag esuraraꞌin wywo watuꞌuka maꞌãu saꞌag kawiat. Ahiag emiit koꞌi atipy piaria ewywuat ahiagnia tukupteꞌen mesuwat yi tote miitꞌin yt naku i nug haria akag wo. Yt heremo i maꞌãu saꞌag wen maꞌato hesaika kahato miitꞌin powyro yt naku i nug hamo. Yt naku i nug haria akag wo tukupteꞌen miꞌiria.

Iruka 22:32

Pyno ahẽtup kahato Uiꞌywot pe emoesaika hamo. Miꞌi hawyi karapeĩ eraꞌaipok uhowowi i raꞌyn aru miꞌi hawyi etiꞌatumoesaika o ewyriaꞌin uimohey haria iꞌatuiãꞌãg hap turan e Iesui Peteru pe.