Mateu 16:11 - Sateré-Mawé

¹¹ Miꞌi tupono apo yt uwe kuap i apo yt man ete i uhehay hap e. Mio tã are eiweꞌeg wo o mekewat Wariseuria iꞌewyte Satuseuria tukupteꞌen man apopyt ewywuaria hap pupi are.

Mateu 16:11 Referans Kwoze

Mateu 16:6

Miꞌi hawyi Iesui toꞌe temiitꞌin me -Pyno waku eiweꞌeg wo eweikupteꞌen mekewat aikotã man apopyt ewywuaria Wariseuria iꞌewyte Satuseuria pupi e.

Iuwãu 8:43

Saꞌawyꞌi -Woropoꞌoro En e Tupana uhepe hawyi ariot ehewowi Tupana yatypepyi ariot e Iesui. Ahenoi ehepe maꞌato yt eweikuap i kahato uimienoi koꞌi katupono yt teke i ehewaure kaꞌa pe e.

Iruka 12:56

Taꞌi eweikuap taꞌyn kahato iꞌaman uut hap sio yt hap teꞌerahaꞌat atipy kape hawyi taꞌatukuap maꞌato aikotã wyti aru hap kape yt eweiwanetup hin i. Aikotã yt naku i hap koꞌi etiat yt eweikuap i yt ehewaure kaꞌa pote uhehay kape e.

Maku 8:21

Miꞌi hawyi Iesui toꞌe -Yt eweikuap i apo kat etiat som ahenoi teran e.

Maku 4:40

Miꞌi hawyi toꞌe towyriaꞌin me -Uhytꞌiꞌin e kat poteĩ eweikenꞌẽ uimohey haria eipe pykai e.

Mateu 3:7

Miꞌi turan Iuwãu tehaꞌat turan tõꞌẽ typyꞌi kahato woꞌomuꞌe haria akag koꞌi Wariseuria hawyi Satuseuria Iuwãu piat taꞌatusetꞌok hamo wen maꞌato mio tã e neꞌi Iuwãu iꞌatuepe -Pyno yt aikotã kuap i te worohoꞌosetꞌok eipe e katupono eipe yt naku i nug haria neꞌi te. Eipe ti moĩ koꞌi ewywuat rẽ haiwot rakaria te neꞌi e. Miꞌi pykai kan hamoĩ eweĩꞌẽ meikowo eiwesetꞌok hamo. Tupana piat eiꞌapiheg hap pupi eweikenꞌẽ haype apo eweiꞌõꞌẽ e iꞌatuepe.

Mateu 16:1

Miꞌi hawyi iraniaꞌin Wariseuria iꞌewyte iraniaꞌin Satuseuria tuwat Iesui kape taꞌatuehay hamo katupono taꞌatukyꞌesat taꞌatuꞌe hamuat Iesui tunug tomisepap hap koꞌi ikuasa teran haype. Miꞌi haype teꞌeroꞌe -Waku koran wẽtup etimoherep yt uwe misepap i nug hap pote uruimohey raꞌyn Tupana kaipywiat esaika hap iꞌatuꞌe.

Mateu 16:12

Mio tã e hawyi hemiitꞌin tikuap taꞌyn yt mekewat man sese apopyt yt ete i ihay hap maꞌato taꞌatukuap taꞌyn mekewat aikotã Wariseuria iꞌewyte Satuseuria tukupteꞌen hap etiat tohenoi hap.

Maku 8:15

Miꞌi hawyi Iesui tiꞌatunapin -Eiweꞌeg wo o nagnia ehay enoi haria mani puk hap ewywuaria pupi e. Iꞌewyte morekuat Eroti mani puk hap ewywuat pupi e.

Iruka 12:1

Miꞌi hawyi miitꞌin sem kahato teꞌeruwaꞌatunug Iesui ewowi pote toꞌopykit pykit neꞌi iꞌatu kahato hemig neran haria. Miꞌi hawyi Iesui toꞌe temiitꞌin me -Eiweꞌeg wo o Tupana ehay ran enoi haria pupi e. Miꞌiria typy sehay enoi haria e. Sehay ikahu kahato rakatno taꞌatuhenoi wen maꞌato iꞌatuminug koꞌi yt naku i kahato e. Typy hẽku rakaria ewywuaria miꞌiria. Taꞌi mani puk koꞌi ewywuat neꞌi miꞌi haria are e. Mani kurin kat ipyyp takat watopag mani pakup we hawyi toimoꞌokpuk neꞌi ipakup takat e. Pyno miꞌiria ti iꞌatuminug saꞌag koꞌi timowato neꞌi aru yt naku i nug ehepiat hamo e.