Mateu 15:33 - Sateré-Mawé

³³ Mio tã pote hemiitꞌin apo iꞌatuꞌe Iesui pe -Aikotã ten watipuẽti meiũpe yahig wato tote iꞌatupoi hamuat iꞌatuꞌe.

Mateu 15:33 Referans Kwoze

Iruka 9:13

Mio tã iꞌatuꞌe hawyi Iesui toꞌe -Eweiꞌatupoi ro hesyꞌat rakaria e temiitꞌin me. Miꞌi hawyi -Mehin kurin kahato aimiꞌu mesuwe iꞌatuꞌe. Toineꞌen aimiꞌu 5 man typy pira yn wuatꞌi poi hamo yt putꞌok e kuap i iꞌatuꞌe. Sio apo etikyꞌesat urutuwat tawa kape miꞌu kyiꞌat poꞌog iwato hamo typyꞌi rakaria moenuk hamo iꞌatuꞌe.

Maku 6:37

Maꞌato Iesui tiꞌatuwesat -Pyno waku eipe eweiꞌatupoi o e. Miꞌi hawyi taꞌatuwesat -Aikotã etikyꞌesat Mehin miitꞌin sem poi hap iꞌatuꞌe. Etikyꞌesat man iwato watikyiꞌat miitꞌin miꞌu wo iꞌatuꞌe. Katupono 200 a ahetineiru yn waku iꞌatupoi saꞌup mo iꞌatuꞌe. Karania ewaty motpap hap upi miꞌi tã hap ewy puẽti hamo iꞌatuꞌe.

Mateu 14:15

Miꞌi hawyi wãtymꞌi turan hemiitꞌin tõꞌẽ raꞌyn Iesui kape hawyi teꞌeroꞌe -Pyno wãtym naꞌyn mio meiũpe yahig wato tote uhyt iꞌatuꞌe. Miꞌi tupono etiꞌatupoꞌoro i ro miitꞌin meiũpe pyi hawyi waku tuwat taꞌatumiꞌu wuat soꞌokyiꞌat hamo iꞌatuꞌe.

Mateu 15:32

Miꞌi hawyi Iesui tiꞌatukay kay temiitꞌin hawyi toꞌe iꞌatuepe -Taꞌi atiꞌatukyꞌe kahato meimewaria miitꞌin kat pote ti myẽꞌym eꞌat naꞌyn tukupteꞌen uiwywo meiũpe maꞌato yt kat i hin i iꞌatumiꞌu wuat koꞌi. Yt atiꞌatupoꞌoro teran hin i iꞌatuesyꞌat wywo katupono iꞌatuesyꞌat wywo neꞌi tuwat pote ti ren teꞌereꞌat iꞌatuperup neꞌi muap upi e.

Mateu 15:34

Karania pyno toineꞌen eheman e Iesui apo e. Miꞌi pote taꞌatuwesat -Taꞌi toineꞌen 7 a yn man iꞌewyte toineꞌen pira hit koi yn iꞌatuꞌe.