Mateu 14:29 - Sateré-Mawé

²⁹ Miꞌi hawyi Iesui tiwesat -Eriot ro pyno e. Mio tã e hawyi Peteru tuwẽtem yara pyi hawyi hewyry raꞌyn yawa upi toto hãpyk Iesui ewowi.

Mateu 14:29 Referans Kwoze

Wiripu 4:13

Maꞌato yt uiwekaipyi i tuut uhesaika hap maꞌato Aipotypot Iesui kaipyi atipuẽti. Miꞌi ti kat e hap kat e hap etiat -Uimoesaika hap wuatꞌi etiat kuap hap ete uimowatetup are Tupana pe. Iꞌewyte waku kahato eipe miꞌi e hap ti ereꞌe Tupana pe.

Maku 9:23

Miꞌi hawyi Iesui tiwesat -Etihep kuap pote ereꞌe apo uhepe e. Kat pote mio tã ere. Etimohey pote yt kat i niatpo i enug hamuat e.

Iesui Potmuꞌeria 3:16

Koitywy wyti Tupana timoehãite raꞌyn mesuwat saꞌawyꞌi wuat ipy kĩꞌã rakat katupono toikyꞌesat Tomipoꞌoro Iesui set motypot hap mesuwe pote e. Iesui set kawiat mohag wo toimoehãite miꞌi miit ehehamo katupono toikyꞌesat kahato eipe yne Tosaꞌyru mohey haria wo hap e. Uruimohey Iesui hawyi waku raꞌyn topyhuꞌat mesuwat saꞌawyꞌi wuat ipy kĩꞌã rakat. Mesup Tupana mimohãpyk wo raꞌyn toineꞌen naꞌyn ehehamo manaꞌin uhytꞌiꞌin e. Iesui set esaika hap wywo Tupana timoehãite mesuwat miit e.

Iruka 17:6

Miꞌi tã iꞌatuꞌe pote Iesui tiꞌatuwesat -Uiwyriaꞌin watomohey Tupana pote tutunug yne. Eimimohey yt iwato hin i Mutata pykai mekewat ariaꞌyp kape -Ewehep to yi pyi hawyi yꞌy piat pe ewekoi raꞌyn eweiꞌe pote eiꞌe hap ewy topyhuꞌat.

Humanu 4:19

Saꞌawyꞌi Aparãu iporo kahato hap wywo yt tosaꞌyru i te pykai toimohey te Tupana piat -Atunug aru e hap. Miꞌi hawyi toꞌe -Uiporo sakpo pykai tutunug aru toꞌe hap ewy e. Taꞌi uipiit porap ikuꞌuro pykai tutunug aru toꞌe hap ewy e. Taꞌi uheharyꞌi iꞌewyte yt myhuꞌat hat i raꞌyn pykai aru tutum kuap tope hupiꞌa hap atimohey e. Tutum aru uhaꞌyru sese uipiit poro kawiat pykai e Aparãu tepiat imohey hap pote.

Mateu 21:21

-Uiwyriaꞌin e eweimohey ro Tupana haty wo yt kat i eweimohey saꞌag neꞌi wywo uiminug ewywuat ewetunug kuap hamo e. Maꞌato poꞌog iwato uiminug kai ewetunug kuap e. Taꞌi uwe uwe meiũwat yityꞌok pe toꞌe -Ereto ro meiũpe pyi yꞌy wato kape hawyi minꞌere ro yꞌy pe eweiꞌe Tupana mohey hap yn nywo miꞌi pote ti aru toto raꞌyn meremo eiꞌe hap ewy imohey hap ewy e.

Mateu 17:20

Mio tã iꞌatuꞌe pote Iesui tiꞌatuwesat -Taꞌi kat pote ti eiperia yt uimohey kahato i pote. Pywo pe ti areꞌe ehepe uimohey ehepiat aikotã mekewat mikoi Mutata iãꞌỹi kurin kat ewywuaria eweikupteꞌen pote karãpe eweiꞌe -Ereto ro meiũpe pyi eweiꞌe mekewat yityꞌok pe pote meremo toto raꞌyn e. Pyno miꞌi tã uimohey ehepiat hap pote pywo ehesaika hap putꞌok e yne nug hamo e.

Mateu 14:28

Miꞌi Hawyi Peteru toꞌe -Pyno uikaꞌiwat apo en miꞌi pote uikay kay ro ewewowi e hawyi mono areto yawa tote ewowi uikaꞌiwat e.

Mateu 14:30

Maꞌato miꞌi pykai karãpe toto turan toikuap ywytu hesaika hap hawyi tokenꞌẽ kahato hawyi meremo minꞌe neꞌi. Miꞌi pote iwẽpapꞌi tehay pirik wo -Uipowyro en uikaꞌiwat e