Mateu 14:27 - Sateré-Mawé

²⁷ Miꞌi turan Iesui tiwẽpowat iꞌatuewowi -Yt eweikenꞌẽ teiꞌo uipupi uito rat e.

Mateu 14:27 Referans Kwoze

Iuwãu 16:33

Miꞌi hawyi Iesui toꞌe -Eimosoꞌopot kahato hanuaria yt uimohey i haria tukupteꞌen aru maꞌato yt eweikenꞌẽ teiꞌo iꞌatupupi katupono iꞌatupyhyp hat Uito areineꞌen iꞌatumoperup i hat Uito miꞌi pote eiwesaika ro uhete e. Wuatꞌi kat koꞌi kat koꞌi ahenoi raꞌyn ehepe eimoesaika hamuat eimowepiit hamuat. Eimowepiit hat sese Uito e. Yt eiwanetup koꞌi koꞌi teiꞌo katupono atiꞌatuꞌakit akit aru yne yne ahewanikaptia e. Hoꞌopot hap putꞌok e ehetiat turan yt paa eweiꞌe sese teiꞌo eipyꞌa pe eiwanetup hawe katupono yt karãpe i worohoꞌoꞌatoiat sese e Iesui topotmuꞌeria pe.

Iesui Potmuꞌeria 23:11

Miꞌi hawyi mekewat ewãtym Aikaꞌiwat toineꞌen Pauru ywytpe yꞌam me. Miꞌi hawyi toꞌe -Yt erekenꞌẽ teiꞌo Pauru katupono woropoꞌoro hamuat tawa wato Huma piaria kape e. Aikotã Ierusarẽi miaria pe ehenoi uhetiat miꞌi hap ewy atikyꞌesat ehenoi tawa Huma piaria pe uhetiat e. Miꞌi tupono eremowepiit yn no e Pauru pe Aikaꞌiwat.

Iuwãu 6:20

Iesui toꞌe iꞌatuepe. -Uito rat yt eweikenꞌẽ teiꞌo e.

Mateu 17:7

Miꞌi turan Iesui tokosap iꞌatuewowi hawyi toiꞌatuemig hawyi toꞌe -Eipoĩꞌam no. Yt eweikenꞌẽ teiꞌo e.

Mateu 9:2

Miꞌi turan taꞌatuerut wẽtup ok yt ipoĩꞌam kuap i rakat heꞌyni pe. Miꞌi kape Iesui tehaꞌat hawyi toꞌe -Taꞌi uimohey kahato ti eipe e. Miꞌi hawyi toꞌe yt ipoĩꞌam kuap i rakat pe. -Taꞌi uhaꞌyru e. Yt erekenꞌẽ hin i kat tupono koitywy uimohey hap emowaku raꞌyn. Iꞌewyte eminug saꞌag tuweityk taꞌyn.

Iruka 1:30

Miꞌi hawyi Tupana emiit poꞌog toꞌe tope -Yt erekenꞌẽ teiꞌo Maria e katupono Tupana ti tuwehum kahato ewowi e.

Iruka 1:13

Maꞌato Tupana emiit toꞌe -Yt erekenꞌẽ teiꞌo uipupi katupono Tupana tikuap kahato emiẽtup tewowiat. Miꞌi tupono ti aru mesup eharyꞌi Isapeu imepyt rakatno raꞌyn toineꞌen e. Miꞌi tupono waku miꞌi pe etum het Iuwãu are.

Mateu 28:10

-Manaꞌin yt eweikenꞌẽ teiꞌo e maꞌato eweiwat ro uiwyriaꞌin eikywytꞌin me henoi hamo -Waku eweiꞌaipok aheꞌyi Karireia kape iraꞌyn. Miꞌi tote watoꞌopuẽti e. Waku uiꞌe hap ewy eweiꞌe ewehenoi uhemiitꞌin me. Miꞌi hawyi tuwat i ikohyeput i raꞌyn taꞌatuhenoi hamo.

Iruka 2:10

Miꞌi hawyi atipy kaipywiat suut hat toꞌe wehũria apykok haria pe -Yt eweikenꞌẽ teiꞌo uipupi e iꞌatuepe. Katupono wakuat sehay ahenoi teran ehepe eimowepiit kahato hamo e. Taꞌi yt ehepe yn i uhehay wakuat maꞌato wuatꞌi ywania mesuwat yi totiaria mowepiit hap ahenoi e.

Mateu 14:28

Miꞌi Hawyi Peteru toꞌe -Pyno uikaꞌiwat apo en miꞌi pote uikay kay ro ewewowi e hawyi mono areto yawa tote ewowi uikaꞌiwat e.

Mateu 28:5

Miꞌi pote toꞌe Tupana mipoꞌoro Mariaꞌin me -Yt eweikenꞌẽ teiꞌo e. Worohoꞌokuap eipe Iesui piit kat haria ariaꞌyp posak etiat miꞌauka kat haria ti eipe e.

Maku 6:50

Miꞌi hawyi iꞌatuwuwu kahato raꞌyn. Miꞌi hawyi Iesui toꞌe -Uiwyriaꞌin eiwemoesaika o e. Uito e. Yt eweikenꞌẽ teiꞌo e.

Iruka 5:10

Miꞌi hawyi Tiaku Iuwãu wyti Sepeteu saꞌyruꞌin. Miꞌiria ti Simau powyro haria tukupteꞌen. Miꞌiria ti iꞌewyte teꞌeruwanetup kahato miꞌi hap ete. Miꞌi hawyi Iesui toꞌe Simau me -Yt erekenꞌẽ teiꞌo uipupi. Mesuwe pyi ti aru ereineꞌen miitꞌin pytyk hanuaria wo raꞌyn.

Iruka 12:32

Miꞌi hawyi Iesui toꞌe tomohey haria pe -Uihũria koꞌi ewywuat no eipe are e. Yt typyꞌi kahato i eipe maꞌato yt eweikenꞌẽ teiꞌo katupono Tupana einug neran morekuaria wo karãpe Tupana topyhuꞌat Wuatꞌi Miitꞌin Morekuat nuat hap eꞌat pe e.