Mateu 14:25 - Sateré-Mawé

²⁵ Miꞌi turan ihatꞌok kai i myẽꞌym ora pyi 6 ora kapiat turan Iesui toto raꞌyn iꞌatuewowi maꞌato toto yawa upi

Mateu 14:25 Referans Kwoze

Iuwãu 6:19

Ihyemyiꞌa pyꞌasetpiat turan teꞌeraꞌakasa raꞌyn Iesui kape. Tuut raꞌyn iꞌatuupi yowa tote hewyry. Teꞌeraꞌakasa hawyi teꞌerokenꞌẽ kahato.

Maku 6:48

Tehaꞌat turan toikuap taꞌyn wasere kahato iꞌatuewa kapiat. Taꞌatuhãꞌãg kahato apokuita wo hewyry hap upi maꞌato yt iꞌatuhyha i iwyriaꞌin ihaꞌat turan. Miꞌi hawyi waipaka ehay hap owakai Iesui toto raꞌyn temiitꞌin me maꞌato tokosap iꞌatueyian me yowa tote.

Mateu 24:43

Pyno eweikuap o hãꞌãkap e. Saꞌawyꞌi so toineꞌen hekat rakat toꞌyat ikahu rakat pe maꞌato so meiũran wãtym muo putꞌok e seroꞌok e hat hawyi toteroꞌok yne hekareꞌen iket kai e. Maꞌato toikuap huut hap pote teneke yt toket i e. Miꞌi hap ewy ti areꞌe ehepe.

Iruka 12:38

Pyno waku eweipyhuꞌat iweꞌeg kahato rakaria ewy eiwepotpap aikaꞌiwat potpap nug hap ete uhytꞌiꞌin manaꞌin e Iesui katupono yt eweikuap hin i karamuo putꞌok e aiꞌakag Koro hap sio ihatꞌok puo sio wãtymꞌi sio wãtym hake sio atposake turan hap yt eweikuap hin i e.

Iesui Aru E Hap 10:5

Miꞌi hawyi mekewat atipy piat ihay raꞌyn -Yt uheso i rat e. Miꞌi hawyi topo sese tohupit ywaipe tehay Tupana kapiat pywo yn e hamo.

Iesui Aru E Hap 10:2

Miꞌi hawyi wẽtup iwan okpoꞌi hit totat. Miꞌi hawyi toiꞌokpoꞌi porap taꞌyn. Ipy sese topypag yꞌy wato owa tote maꞌato topy ran kai topypag yi tote.

Iesui Aru E Hap 10:8

Miꞌi tohenoi kahu hawyi atikuap sehay atikuap saꞌawyꞌi hap ewy -Iuwãu e etat atipy piat po pyi mekewat iwan okpoꞌi hit e uhepe. Etat ro mekewat atipy piat ipy yꞌy pe kokawiat ipy yi totiat rakat po pyi e. Mekewat miwan taꞌapymeha piat e mekewat sehay atipy kaipywiat e uhepe.

Maku 13:35

Pyno uiwyriaꞌin waku eiperia eiwatetup o katupono yt eweikuap i kat eꞌat putꞌok e netap kaꞌiwat sio hunete sio wãtym hake turan sio waipaka ehay turan yt uwe ikuap i kat eꞌat hetap kaꞌiwat toꞌaipok iraꞌyn e.