Mateu 14:19 - Sateré-Mawé

¹⁹ Miꞌi hawyi toꞌe miitꞌin sem me -eweiꞌapyk to meiũpe mopep hawe e. Mio tã toꞌe hawyi Iesui tat raꞌyn 5 a man iꞌewyte typy pira hawyi tehaꞌat ywaipe hawyi waku kahato e Tupana pe hawyi toipatꞌok patꞌok taꞌyn man hawyi tutum naꞌyn temiitꞌin me. Pyno eweimoꞌẽ ro miitꞌin.

Mateu 14:19 Referans Kwoze

Iruka 24:30

Miꞌi hawyi Iesui tenuk iꞌatuwywo turan man teneg totat hawyi -Waku e Tupana pe hawyi toipik aikotã saꞌawyꞌi wuat ewy hawyi tutum naꞌyn iꞌatuepe.

Iesui Potmuꞌeria 27:35

Miꞌi hawyi Pauru tat man topo pe hawyi toꞌe Tupana pe -Waku emiium uruꞌywot e hawyi toipatꞌok patꞌok wuatꞌi ehamo hawyi tutuꞌu saꞌawyꞌi wuatꞌi ehamo.

Maku 6:41

Waku hawyi Iesui tat 5 man typy pira hit topo pe hawyi ihaꞌat ywaipe hawyi toꞌe -Waku kahato En Tupana e. Urupoi kahato hat En e. Miꞌi hawyi toipatꞌok kahato mekewat 5 a man 2 pira hit rakat towyriaꞌin me. Miꞌi hawyi miꞌiria imoꞌẽ iraniaꞌin me. Miꞌi tote toiꞌatumoꞌẽ 5 man typy pira yne miitꞌin miꞌu wo

1 Kuriniu 11:24

Miꞌi hawyi waku e Tupana pe hawyi toipik pik man iꞌatuehamo -Mesuwat man uiꞌewy e katupono uipik irane ehehakyeraꞌat hamo e. Karãpe ewetuꞌu mesuwat man turan uhowowi waku eiwatetup aikotã uikuꞌuro eikawiatno hap kape e.

Humanu 14:6

Waku kahato watimotypot Tupana. Miꞌi pote waku watoꞌe -Mesuwat eꞌat pe atimotypot teran Tupana watoꞌe. Yt aiwoꞌoꞌewy hin i aimiꞌu eko koꞌi wo Iesui mohey haria aito pykai. Wẽtup ok toꞌe -Mesup atuꞌu miꞌu Tupana motypot hamo e. Pyno waku miꞌi ewy ewetuꞌu katupono eiwehum kahato mekewat miꞌu ete Tupana kape pote waku ewetuꞌu. Ewetuꞌu hawyi -Waku kahato En Tupana katupono uipoi kahato hat en eweiꞌe. Maꞌato iraniaꞌin Iesui mohey haria -Yt urutuꞌu kuap i mekewat miꞌu mana mehin iꞌatuꞌe katupono uruwanetup hawe Tupana yt tikyꞌesat i urutuꞌu mekewat miꞌu hap iꞌatuꞌe. Miꞌi haria pe waku watoꞌe -Pyno waku yt ewetuꞌu i mekewat miꞌu mana mehin katupono yt eiwehum kuap i mekewat miꞌu ete Tupana kape watoꞌe. Miꞌi pote yt naku i ewetuꞌu katupono waku watimotypot Tupana ahenuk turan. Iꞌewyte waku watuwemosyꞌat tuereto Tupana motypot hamo watoꞌe aiwoꞌope aheko miꞌu u hap koꞌi ete.

Korosi 3:17

Toikyꞌesat yne aiminug koꞌi Tosaꞌyru Aipotypot Iesui motypot hap. Toikyꞌesat yne ahehay Tosaꞌyru Iesui set motypot hap. Toikyꞌesat kahato ahehay towawiat hap aiwepiit hap wywo. Toikyꞌesat ahehay towawi Tosaꞌyru set upi hap. Toikyꞌesat watoꞌe -Uruporekuat nuat urumowepiit kahato. En waku kahato Esaꞌyru waku kahato emiium e hap ewywuat aiꞌe hap Tupana tikyꞌesat.

1 Kuriniu 10:16

Karãpe watuweꞌatunug watuꞌu sapo hy hamo kuiꞌa piat iꞌewyte man u hamo miꞌi turan watuwehum kahato Tupana kape katupono aipoityro miꞌi hap ete. Miꞌi sapo hy Aikaꞌiwat Iesui suu iãꞌãkap kahato. Miꞌi watuꞌu huu iãꞌãkap hawyi imohey hap watimoherep kahato. Karãpe watipik mekewat man hawyi watuꞌu hawyi imohey haria watopyhuꞌat hap watimoherep miitꞌin me iꞌewyte wẽtup piit ewy watoineꞌen hap watimoherep.

Iruka 9:14

Pywo tukupteꞌen meiũpe miitꞌin sem kahato aikotã 5 miu ihainiaꞌin hap ewy iꞌatuꞌe. Miꞌi hawyi Iesui toꞌe temiitꞌin me -Pyno eweiꞌapyk to yi upi eweiꞌe ro kowo 50 kowo 50 eweiꞌe ro waꞌatunug haria pe e Iesui temiitꞌin me.

Maku 7:34

Miꞌi hawyi Iesui ihaꞌat atipy kape hawyi kyn kyn e -Etimoewaure kaꞌa i ro meiũwat miit Tupana e. Maꞌato towat topusu puo Iesui toꞌe tope -Ewata e.

1 Kuriniu 10:31

Pyno kat koꞌi kat koꞌi watunug waku watunug miꞌi torannia Tupana motypot hamo sio watenuk sio wateꞌyꞌu sio watuwepotpap Tupana motypot hap yn waku aiwanetup hawe. Taꞌi kat koꞌi kat koꞌi watunug turan waku watuwehum Tupana kape.

Iuwãu 6:23

Miꞌi hawyi tõꞌẽ poꞌog yara puo aikope saꞌawyꞌi Iesui tiꞌatupoi man wo hap kape. Aikope waku e Tupana pe hap kape tõꞌẽ tõꞌẽ tawa Tiperiati kaipyi.

Maku 6:39

Miꞌi hawyi Iesui toꞌe temiitꞌin me -Eweiꞌapyk to mopep hyp tote eweiꞌe ro miitꞌin me e.

Iuwãu 11:41

Mio tã e hawyi taꞌatueroꞌok taꞌyn nu kawiat heꞌokenhyp hap. Miꞌi hawyi Iesui tehaꞌat atipy kape.

Iruka 22:19

Miꞌi hawyi man teneg totat hawyi waku e Tupana pe hawyi toipik topo wo hawyi tutum naꞌyn topotmuꞌeria pe hawyi toꞌe -Mesuwat man uimipik uipiit ewy kahato toineꞌen katupono uipiit miitꞌin tipik kahato uiꞌauka turan e. Miꞌi pote uipiit iãꞌãkap kahato meikowat man e. Waku miꞌi tã eweitunug tuereto uiminug mowatetup hamuat

Iruka 9:16

Miꞌi hawyi Iesui tat raꞌyn 5 man iꞌewyte typy pira hawyi tehaꞌat atipy kape hawyi -Waku kahato emiium uruepiat urumiꞌu wuat Tupana e. Mio tã toꞌe hawyi toipatꞌok taꞌyn man koꞌi iꞌewyte pira koꞌi hawyi tutum naꞌyn temiitꞌin me miitꞌin piat imoꞌẽ hamo.

Mateu 14:18

Mio tã iꞌatuꞌe pote Iesui toꞌe -Pyno eweterut ro meikowo uhewowi.

Iruka 22:17

Miꞌi tã toꞌe hawyi totat raꞌyn mekewat kuiꞌa piat sapo hy hawyi waku e Tupana pe. Miꞌi hawyi tutum mekewat kuiꞌa torannia temiitꞌin me hawyi toꞌe iꞌatuepe -Waku eweimoꞌẽ ro mesuwat kuiꞌa piat sapo hy eiwoꞌope e.