Mateu 13:57 - Sateré-Mawé

⁵⁷ Miꞌi hawyi itotiaria tetawa piaria yt taꞌatumotypot hin i. Maꞌato Iesui toꞌe iꞌatuepe -Taꞌi Tupana ehay moherep hat wyti taꞌatumotypot iraniaꞌin etama puo maꞌato hetama sese piaria yt teꞌeropyhuꞌat hin i imohey haria.

Mateu 13:57 Referans Kwoze

Iuwãu 4:44

Muap upi Iesui toꞌe topotmuꞌeria pe -Araꞌaipok hamuat uimotag hap kape tawa Nasare kape e. Pywo pe areꞌe ehepe Tupana ehay moherep hat wyti imotag haria yt timotypot i yt taꞌatumohey i e.

Mateu 11:6

Iꞌewyte uwe uwe tepiat hoꞌopot pykai yt uiwaure i. Miꞌi hat wyti uimowepiit kahato hat topyhuꞌat wuatꞌi eꞌat pe e Iesui Iuwãu potpoꞌororia pe.

Iruka 4:24

Miꞌi hawyi poꞌog toꞌe i -Atikuap wyti eiperia yt wẽtup ok i Tupana ehay enoi haria kyꞌe haria mesuwe ehetama pe.

Iuwãu 6:61

Miꞌi hawyi Iesui tikuap taꞌyn temiitꞌin ehay saꞌag tetiat hap tuwanetup hawe. Miꞌi haype toꞌe topotmuꞌeria pe -Pyno uimienoi ehepiat eimoꞌarotꞌi apo e.

Iuwãu 6:42

Miꞌi haype teꞌeroꞌe toꞌope -Taꞌi watikuap kahato uwe en iꞌatuꞌe eꞌywot uwe ety hap uruikuap iꞌatuꞌe. Taꞌi Iuse saꞌyru ti en iꞌatuꞌe. Katuponoĩ atipy kaipywiat Uito ere iꞌatuꞌe.

Iruka 7:23

Uwe iwepiit kahato yt uimohey pykai i miꞌi hat wyti wemoeso hat neꞌi toineꞌen

Maku 6:14

Miꞌi hawyi miitꞌin tikuap taꞌyn Iesui etiat. Iꞌewyte mio tã hap morekuat Eroti tikuap Iesui etiat. Miꞌi hawyi iraniaꞌin -Iuwãu taꞌaipok taꞌyn guꞌuro pyi e. Iesui wyti woꞌosetꞌok hat Iuwãu toineꞌen i raꞌyn guꞌuro pyi e. Miꞌi tupono ti totereko hesaika hap iraniaꞌin iꞌatuꞌe.

Maku 6:3

Miꞌi hawyi teꞌeroꞌe toꞌope -Yt saꞌawyꞌi wuat meiũpiat panꞌi panꞌi e hat i apo meiẽ iꞌatuꞌe. Yt mana Maria mepyt i apo miꞌi Miit iꞌatuꞌe. Yt Tiaku Iuse Iuta Simau ykeꞌet i apo miꞌi Miit Iesui iꞌatuꞌe. Iꞌewyte iwat yt Iesui inytꞌin i apo tukupteꞌen meiũpe iꞌatuꞌe toꞌope. Miꞌi hawyi yt taꞌatumohey hin i Iesui haype. Miꞌi pote yt teꞌeruwanetup teran i Iesui kape. -Yt toimoherep kuap i wakuap Tupana etiat iꞌatuꞌe toꞌope.

Mateu 13:58

Miꞌi pote Iesui kurin toimoherep imisepap hap koꞌi katupono itotiaria yt imohey haria pote.

Maku 6:1

Miꞌi hawyi Iesui toto i raꞌyn uhyt Iairu etawa kaipyi towyriaꞌin wywo tomotag hap tawa hit Nasare kape.

Maku 6:4

Miꞌi hawyi Iesui toꞌe -Tupana ehay moherep hat toꞌyat pe yn yt taꞌatumotypot i e. Maꞌato iraniaꞌin etawa pe miitꞌin imotypot haria wo teꞌeropyhuꞌat e.