Mateu 13:55 - Sateré-Mawé

⁵⁵ Katupono ti miꞌi toineꞌen mekewat panꞌi panꞌi e hat saꞌyru neꞌi iꞌatuꞌe iꞌewyte Maria mepyt neꞌi rat iꞌatuꞌe iꞌewyte Tiaku ywyt iꞌewyte Iuse iꞌewyte Simau hawyi Iuta iꞌywytꞌin toineꞌen.

Mateu 13:55 Referans Kwoze

Iuwãu 6:42

Miꞌi haype teꞌeroꞌe toꞌope -Taꞌi watikuap kahato uwe en iꞌatuꞌe eꞌywot uwe ety hap uruikuap iꞌatuꞌe. Taꞌi Iuse saꞌyru ti en iꞌatuꞌe. Katuponoĩ atipy kaipywiat Uito ere iꞌatuꞌe.

Maku 6:3

Miꞌi hawyi teꞌeroꞌe toꞌope -Yt saꞌawyꞌi wuat meiũpiat panꞌi panꞌi e hat i apo meiẽ iꞌatuꞌe. Yt mana Maria mepyt i apo miꞌi Miit iꞌatuꞌe. Yt Tiaku Iuse Iuta Simau ykeꞌet i apo miꞌi Miit Iesui iꞌatuꞌe. Iꞌewyte iwat yt Iesui inytꞌin i apo tukupteꞌen meiũpe iꞌatuꞌe toꞌope. Miꞌi hawyi yt taꞌatumohey hin i Iesui haype. Miꞌi pote yt teꞌeruwanetup teran i Iesui kape. -Yt toimoherep kuap i wakuap Tupana etiat iꞌatuꞌe toꞌope.

Iruka 3:23

Karãpe Iesui haꞌawynug topotpap 30 anu turan. Hewowi iraniaꞌin teꞌeruwanetup -Meiẽ ti Iuse saꞌyru neꞌi Eri emiariru neꞌi iꞌatuꞌe. Pyno Iesui ywot hit ewywuat Iuse imotag hap topyhuꞌat. Pyno Iesui eꞌaseꞌi Iuse ywot Eri e hap toineꞌen miwan me iꞌatuꞌe.

Iruka 4:22

Miꞌi hawyi torannia Iesui ehay ikuap hawyi teꞌeruwanetup kahato ihay hãpyk kahato hap kape. Hawyi teꞌeroꞌe Kat poteĩ ihay hãpyk kahato iꞌatuꞌe. Meiẽ apo yt Iuse saꞌyru hin i iꞌatuꞌe.

Iuwãu 19:25

Miꞌi hawyi yt pya hin i ariaꞌyp posak kai Iesui ty Maria toineꞌen tokypyꞌyt wywo hawyi mekewat wẽtup ok Maria uhyt Koropai eharyꞌi. Miꞌi hawyi iꞌewyte mekewat Maria yi Matarena kaipywiat itote toineꞌen yꞌam me.

Maku 15:47

Miꞌi turan Mana Maria Matarena mana Maria Iuse ty teꞌeraꞌakasa yne Iesui syp hap aikopiat hyp hap.

Karasia 1:19

Miꞌi tote ti Aikaꞌiwat Iesui ywyt sese wẽtup ok araꞌakasa Tiaku e hap het rakat. Maꞌato miꞌi hawyi yt uwe i atiꞌatukuap itote Iesui potpoꞌororia torannia. Peteru hawyi Tiaku atikuap hawyi miꞌiria yatype areineꞌen 15 eꞌat hawyi areto e tawa Ierusarẽi pyi.

Iruka 24:10

-Pywo Iesui toineꞌen iꞌatuꞌe mana Maria yi Matarena kaipywiat iꞌewyte mana Iuanã hawyi wẽtup ok mana Maria Iesui potmuꞌe Tiaku ty iꞌewyte iraniaꞌin haryporiaꞌin saꞌawyꞌi wuat haria Iesui syp hap akasa haria. Miꞌiria ti teꞌeraꞌaipok hawyi taꞌatuhenoi yne raꞌyn Iesui potmuꞌeria pe.

Iruka 1:27

Miꞌi ti tuwemoherep piꞌã makuptia Maria kape. Miꞌi turan toikyꞌesat teꞌaito wo wẽtup ok ihainia Iuse e hap. Mekewat morekuat Tawi emiariru miariru. Mekewat Piꞌã makuptia set wyti Maria e.

Maku 15:40

Tukupteꞌen itote haryporiaꞌin tawa Ierusarẽi kaipywiaria teꞌeraꞌakasa pya pyi Iesui auka hap kape. Miꞌi haria pyꞌasetpe tukupteꞌen mana Sarume mana Maria Matarena hawyi Sarume hawyi mana Maria Iuse ty iꞌewyte Tiaku ty. Tiaku Iuse saꞌyru iwatꞌypꞌi toineꞌen.

Mateu 27:56

Itote toineꞌen mekewat yi Matarena kaipywiat Maria e hap het rakat. Iꞌewyte wẽtup ok Maria Sepeteu saꞌyruꞌin Tiaku hawyi Iuse ty toineꞌen iꞌatuwywo.

Iuwãu 9:29

Uruto ti uruikuap kahato aseꞌi Muisei mienoi Tupana ehay iꞌatuꞌe maꞌato mekewat miit uwe mipoꞌoro aikope pyi tuut hap ti yt uruikuap hin i iꞌatuꞌe.

Iuta 1:1

Mesuwat uimiwan atipoꞌoro Iesui mohey haria kape aikope aikope mesuwat yi tote eikupteꞌen hap kape. Uito ti Iesui ywyt sese Iuta e hap het rakat. Iꞌewyte mekewat Iesui ywyt Tiaku ywyt sese areineꞌen. Kuekatu atipoꞌoro ehewowi uiwyriaꞌin. Pyno uimiwan atipoꞌoro ehewowi uiwyriaꞌin. Eiperia ti Aiꞌywot Tupana mimohãpyk koꞌi sese eipe tomohey haria eipe pote. Pywo ti rat Iesui waku kahato aiꞌapykok hamo. Yt uwe hin i ti aihep kuap Iesui piat aiꞌapykok hawyi katupono iheg me kahato watoineꞌen ipo pe.

Iruka 8:20

Miꞌi pote wẽtup ok toꞌe Iesui pe -Uhyt iuẽ ety putꞌok e okenꞌypyke hawyi eꞌywytꞌin nywo iꞌatuehay teran so ewywo e Iesui pe.