Mateu 13:43 - Sateré-Mawé

⁴³ Maꞌato Tupana emiitꞌin imohey haria wyti imehit rakaria wo tukupteꞌen aikotã aat ewy tukupteꞌen uiꞌywot etama pe. Maꞌato mio wat uiꞌe hap eweikuap pote eweipyhuꞌat ro uiꞌe hap ewy.

Mateu 13:43 Referans Kwoze

Iruka 12:32

Miꞌi hawyi Iesui toꞌe tomohey haria pe -Uihũria koꞌi ewywuat no eipe are e. Yt typyꞌi kahato i eipe maꞌato yt eweikenꞌẽ teiꞌo katupono Tupana einug neran morekuaria wo karãpe Tupana topyhuꞌat Wuatꞌi Miitꞌin Morekuat nuat hap eꞌat pe e.

Mateu 11:15

Pyno ehewaure kaꞌa pote eweikuap to hawyi eweipyhuꞌat iꞌe hap upi.

Mateu 25:34

Miꞌi hawyi ti aru itote uipo sese kawiaria pe Morekuat koro toꞌe ipo ran koꞌi kape -Eweĩꞌẽ ro meikowo Uiꞌywot miꞌatukyꞌe koꞌi e. Atum neran ti Tupana etama ehepe e. Katupono yi nug hawyi te ti mekewat atum teran kahato ehepe are e.

Tiaku 2:5

Pyno ewetum no ehewaure kaꞌa uhepe uimikyꞌe koꞌi. Yt eweikuap i te apo aikotã Tupana tiꞌairo kahato yt hekat i rakaria Iesui mohey kahato hanuaria wo hap. Poꞌog toiꞌairo ihakyꞌeꞌi rakaria temiit no tetama piatnuaria wo iraniaꞌin kai katupono saꞌawyꞌi toꞌe -Uhemiit sese wyti aru tukupteꞌen miit emiit haria wo karãpe arepyhuꞌat Wuatꞌi Miitꞌin Morekuat Koro mesuwarote e Tupana miwan me saꞌawyꞌi. Mio tã toꞌe hap ewy raꞌyn ti mesup te toiꞌairo temiitꞌin no miit yt uwe mikuap ewywuat koꞌi i yt uwe mikyꞌe ewywuat koꞌi i e. Miꞌiria pe ti -Worohoꞌoꞌairo eipe miitꞌin porekuaria wo uimohey sese haria eiperia pote e. Worohoꞌonug eipe morekuat no yne mesuwat yi tote e hatek takaria pe tokyꞌe sese haria pe. Worohoꞌomoesaika uimohey kahato hap wywo wuatꞌi nug hamo e Tupana tomohey haria pe.

1 Kuriniu 15:58

Urumikyꞌeria uhekatuwyria yt eweitoiat teiꞌo ehepiat Iesui mohey hap. Waku eweikupteꞌen motꞌi o iwywo e yne eꞌat pe. Poꞌog Tupana mikyꞌesat ewy ewetunug no katupono watikuap taꞌyn ahaꞌup iwato tutum aru aipotpap iwato hap oktan. Watikuap taꞌyn aiminug Tupana mikyꞌesat ewywuat hap wuatꞌi eꞌat piat topyhuꞌat.

Iruka 22:29

Saꞌawyꞌi Uiꞌywot Tupana uiminug morekuatno wuatꞌi ywania uimipoꞌoro hanuat e. Koitywy Uiꞌywot ewy atunug eiperia morekuaria wo uiꞌewywuaria e.

Mateu 26:29

Miꞌi hawyi ti aru yt karamuo i raꞌyn aresapohyꞌu eiwywo mesuwe maꞌato meiũran aru karãpe Uiꞌywot topyhuꞌat Morekuat nuat turan aresapohyꞌu iraꞌyn eiwywo e.

Mateu 25:36

Iꞌewyte yt uhesokpe hin i turan kue ewehoꞌoium uhepe ehesokpe e. Iꞌewyte kue uiꞌahuu turan uipowyro eipe e. Iꞌewyte kue uipyhik piat areineꞌen turan eipe ehehay uiwywuat hamo eweĩꞌẽ uhewowi e. Taꞌi mio tã e ti aru ipo sese koꞌi kawiat pe e.

Maku 4:23

Ehewaure kaꞌa pote eweikuap to uiwyriaꞌin e Iesui tomohey haria pe.