Mateu 13:23 - Sateré-Mawé

²³ Maꞌato mekewat iãꞌỹi hewo yi wakuat rotiaria ti tukupteꞌen aikotã miitꞌin ikuap Tupana ehay hawyi topyhuꞌat iꞌe hap ewy. Miꞌiria ti aikotã haat kahato rakaria ewy tukupteꞌen. Wẽtup kaipyi 100 toipuẽti hap ewy wẽtup ok kaipyi 60 hap saꞌawyꞌi wuat imikoi kai hap ewy hawyi iraniaꞌin 30 iãꞌỹi hap ewy toipuẽti saꞌawyꞌi wuat imikoi kai.

Mateu 13:23 Referans Kwoze

Wiripu 1:11

Tupana etunug o miꞌiria waku nug hanuaria wo are. Etunug miꞌiria iꞌatuieineꞌen hap tote wakuat eiam mo kahato are. Atikyꞌesat miꞌiria aikotã Esaꞌyru Iesui ewaku hap ewy tukupteꞌen. Ewaku hap ewywuat wo etiꞌatunug miꞌiria. Tupana miꞌi etunug mote emotypot haria wo kahato tukupteꞌen miꞌiria are. Waku kahato En iꞌatuꞌe aru ewowi iraniaꞌin areꞌe Tupana pe. Pyno mio tã ahẽtup mesuwe ehetiatno Tupana pe.

Iuwãu 15:16

Taꞌi uiwyriaꞌin eipe ti yt uiꞌairo i maꞌato Eikaꞌiwatno maꞌato Uito worohoꞌoꞌairo eipe uhemiitꞌinno. Miꞌi hawyi worohoꞌopoꞌoro uhehay moherep miitꞌin miat hamo iꞌewyte wakuap sese nug hamo yt ikahuro i rakat motpap nug hamo worohoꞌopoꞌoro uiwyriaꞌin e. Waku eikaipyi tuwemoherep kahato ywa koꞌi ewy wuatꞌi eꞌat piat ieineꞌen hanuaria wo e. Miꞌi tã hap ewy pote kat koꞌi kat koꞌi eweikyꞌesat hawyi ewehẽtup o Uiꞌywot pe hawyi tutum ehepe eimikyꞌesat oktan uhet upiat ewehẽtup pote uhytꞌiꞌin e.

Mateu 12:33

Pyno toineꞌen eimikoi ywa wakuat kahato. Miꞌi kaipyi tuwẽtem mikoꞌi ywa wakuat sese rakat. Maꞌato toineꞌen eimikoi yp yt naku i rakat eweikuap haat yt naku i hap. Katupono iꞌatusat koꞌi tuweupi weupi. Miꞌi hap ete eweikuap mikoi ywa waku rakat iꞌewyte yt naku i rakat.

Mateu 13:8

Maꞌato hãꞌỹi hewo yi wakuat rote rakaria tuwenug kahato pote toipuẽti hãꞌỹi poꞌog 100 wo saꞌawyꞌi wuat tomikoi kai. Iꞌewyte 30 poꞌog tomikoi kai hawyi 60 toipuẽti poꞌog iwato saꞌawyꞌi wuat tomikoi kai e.

Korosi 1:6

Koitywy mesuwat Iesui etiat ainapin hap aimoehapyhotꞌok kahato wuatꞌi miitꞌin me mesuwat yi totiaria pe. Tuwesytpok kahato ihay wakuat aikowo aikowo tuwat Tupana ehay wuatꞌi puo. Miꞌi hawyi miꞌiria wy waku pe raꞌyn tukupteꞌen. Tupana mipoityro wo raꞌyn tukupteꞌen. Miꞌi hap ewy raꞌyn eweikupteꞌen eweikuap taꞌyn sehay hawyi. Eipe ti eweikuap taꞌyn Tupana tum ehepiat wuatꞌi eꞌat piat eheineꞌen hamuat hap. Eweikuap taꞌyn yt kat saꞌup i tegyiꞌat hap tutum neran hap eweikuap taꞌyn.

Mateu 3:8

Taꞌi toipoꞌoro aru eiꞌapiheg hap. Pyno eweiꞌatoiat ro yne eiminug saꞌag koꞌi e. Miꞌi hawyi waku nug haria wo eweikupteꞌen wuatꞌi ehamo. Miꞌi hawyi waku nug haria wo eweikupteꞌen wuatꞌi ehamo.

Iruka 13:9

Pyno 12 ewaty hawyi waku eraꞌaipok erahaꞌat sio wakuat sio yt hap kuap hamo e. Maꞌato miꞌi turan yt haat i te raꞌyn pote waku etiꞌypun e.

1 Iuwãu 5:20

Koitywy watikuap kahato Tupana saꞌyruꞌin sakiꞌytꞌin aito hap. Taꞌi watikuap Tupana Saꞌyru hawyi Tupana moherep hat sese topyhuꞌat poꞌog poꞌog mekewat pywuat etiat kuap hamo. Miꞌi tupono mekewat Tupana Mipoꞌoro Aiporekuat nuat hat watikuap hawyi topoꞌoro hat Tupana watikuap iꞌewyte. Saꞌawyꞌi watikuap teran uwe Tupana hap maꞌato yt heremo hin i Tupana ahepe. Maꞌato mesup heremo raꞌyn aheTupana katupono Haꞌyru imoherep ahepe. Tupana Haꞌyru ti Toꞌywot ewywuat wẽtup miit ewy. Karãpe wataꞌakasa Haꞌyru kape pote Iꞌywot kape ti raꞌyn wataꞌakasa wy are. Miꞌi pote mesup -Worokuap kahato En watoꞌe yn Tupana pe. Koitywy uiwyriaꞌin watoineꞌen Tupana pe aikotã Tupana eiam ewy miꞌi pe watopyhuꞌat. Saꞌawyꞌi watomohey Iesui ti Tupana Saꞌyru e hap hawyi Iesui po pe watopyhuꞌat. Ipyꞌa pe kahato watoineꞌen. Aikaꞌiwat yat piaria ewywuaria watopyhuꞌat. Iesui ti Tupana sese miꞌi pote Tupana pe watoineꞌen Iesui pe watoineꞌen pote. Iesui ti wuatꞌi eꞌat piat ieineꞌen hat iꞌewyte aito wuatꞌi eꞌat piat watoineꞌen Iesui wywo wẽtup miit piit ewywuat pote are.

2 Peteru 3:18

Pyno eiwemotag o Tupana ehay wo hegyiꞌat hap kaipyi are iꞌewyte Tupana eikyꞌe hap kaipyi. Ahehakyeraꞌat hat Aipotypot Iesui mohey hamo eiwemotag o. Imohey kahato haria wo eweikupteꞌen hawyi ihãite kahato rakaria eipe. Imohey hap upi ihay wakuat upi yn atikyꞌesat eweikupteꞌen uito areꞌe ehepe uimiwan me ahenoi.

Korosi 1:10

-Tupana uruikyꞌesat kahato tawa Korosi piaria Epaꞌãu eiam kahato wo eweꞌeg hamo iꞌewyte emikyꞌesat nug kuap hap urutoꞌe mesuwe uruhẽtup. Uruikyꞌesat miꞌiria aikotã iꞌyp iꞌywa kahato rakat ewy hewo hewo kahato hap ewy wyti uruikyꞌesat kahato miꞌiria Tupana urutoꞌe. Pyno uruikyꞌesat miꞌiria wakuap yn nug haria En ewy hap uruikyꞌesat. Iꞌewyte uruikyꞌesat ekuap hap ihatꞌok ewy ewy putꞌok e Esaꞌyru mohey haria ete urutoꞌe uruhẽtup Tupana pe.

Epereu 8:10

-Pyno woꞌowese hap ipakup aru atunug i uhehay moheg hamuat e Tupana aiꞌywania pe. Ikahu rakat aru atunug mesup e. Saꞌawyꞌi atiwan nu ete uhehay maꞌato mesup eipyꞌa pe eiwanetup hawe atiwan uimikyꞌesat ewetunug hamuat uhehay einapin hap. Aikotã saꞌawyꞌi nu ete atiwan iheg me miꞌi hap ewy mesup iheg me eipyꞌa pe uhehay atiwan e. Ehetupana wo sese areineꞌen mote uimowepiit haria aru eweikupteꞌen uhaꞌyruꞌin uhakiꞌytꞌin areꞌe aru ehepe. Mekewat eꞌat pe areineꞌen Ehetupana wo sese e. Waku watukupteꞌen mekewat eꞌat pe woꞌowese haria wo e.

Epereu 4:2

Pyno koitywy watikuap mekewat sehay aikotã saꞌawyꞌi ahaꞌaseꞌiꞌin tikuap hap ewy maꞌato taꞌatukuap pykai yt kat hamo i topyhuꞌat yt taꞌatumohey i pote.

2 Tesaronika 2:10

Miꞌi hawyi ti aru hoꞌowasat rakaria wo miitꞌin toiꞌatumaꞌat kahato raꞌyn mekewat topo wuat tominug wo yt miitꞌin minug kuap i wo. Miꞌi hawyi imimaꞌat koꞌi tuwehytꞌok yne aria pe katupono taꞌatumohey kahato raꞌyn heso hap koꞌi poꞌog pywuat sese sehay kai. Yt taꞌatukyꞌesat i poꞌog taꞌatuehakyeraꞌat hanuat Tupana miium.

1 Tesaronika 4:1

Uruwyriaꞌin koitywy uruhẽtup kahato ehupi poꞌog poꞌog Tupana mowepiit haria wo eweikupteꞌen hap Iesui mikyꞌesat ewy kahato. Uruikuap taꞌyn ti koitywy Tupana mowepiit haria wo raꞌyn eweikupteꞌen. Miꞌi tã raꞌyn pykai ti uruhẽtup poꞌog poꞌog ne.

Wiripu 4:17

Yt ahẽtup hin i eimiium wuat iꞌewyte yt atikyꞌesat i ehekareꞌen uiwanetup hawiat hap pykai eweipoꞌoro. Yt eimiium kape hin i arahaꞌat. Yt ehekat hin i uheha pe. Eikyꞌe hap yn uheha pe uhepiat hap wen maꞌato eimiium uimowepiit kahato katupono miꞌi kaipyi atikuap uikyꞌe ehepiat hap. Miꞌi kaipyi atikuap eipe Tupana kyꞌe kahato haria hap. Miꞌi eimiium koꞌi yne topyhuꞌat atipy pe rakanuat ehegyiꞌat hap toimoherep hamuat itote emipoꞌoro koꞌi.

2 Kuriniu 9:10

Pywo ti rat aipoi kahato hat Tupana. Yne aimikoi nug hat saꞌawyꞌi kat koꞌi kat koꞌi watikoi Tupana inug hap kaipyi. Miꞌi pote yne miꞌi tuut Tupana po pyi. Tupana timowato yne aimikoi koꞌi aiko moehãite hat. Tupana tikuap kahato aikotã mowato hap aito hegyiꞌat rakaria watoineꞌen pote. Watimoꞌẽ hap oktan tutum ahepe.

Iesui Potmuꞌeria 17:11

Tawa Pereia totiaria taꞌatuꞌatupuẽti poꞌog yt iꞌakag heg i rakaria tawa Tesaronika piaria kai. Miꞌiria ti Tupana ehay wakuat ikyꞌesat kahato. Miꞌiria ti teꞌeruwemuꞌe kahato wuatꞌi eꞌat pe saꞌawyꞌi wuat mienoi ete. Tupana etiat taꞌatukuap teran koitypuo pywo pe koitypuo yt Pauruꞌin henoi hap taꞌatukuap teran.

Iesui Potmuꞌeria 16:14

Wẽtup ok iꞌatupyꞌasetpe toineꞌen mana Iritia. Mana Iritia ti tawa Tiatira pywiat. Sokpe hup ikahu rakat weneru hat. Tupana motypot hat sese miꞌi. Miꞌi ipap kahato Pauru mienoi upi hawyi Tupana tomoherep taꞌyn mekewat sehay mana pe.

Iuwãu 8:47

Tupana saꞌyruꞌin sakiꞌytꞌin taꞌatukuap kahato Tupana e hap e maꞌato eipe ti yt Tupana watnuaria i pote ti yt eweikuap i Tupana ehay e.

Iruka 8:15

Maꞌato mekewat hãꞌỹi yi wakuat rotiat hewo rakaria wyti wẽtup ok wẽtup ok wanetup hat ewywuat e. Miꞌiria ti iꞌatupyꞌa piat yi wakuat ewywuat pote teꞌeruwanetup aat kaꞌap Tupana ehay kape hawyi yt taꞌatuwaure hin i maꞌato taꞌatuhytmoĩ kahato taꞌatupyꞌa pe Tupana ehay hawyi taꞌatunug naꞌyn Tupana mikyꞌesat ewy e. Miꞌi pote mikoi haat kahato rakat ewywuat teꞌeropyhuꞌat teꞌeruwenug kahato rakaria ewy e Iesui.

Maku 10:15

Pywo pe ti eweiwat teran aikope Tupana toineꞌen Morekuat no hap kape pote aikotã hirokaria tikyꞌesat tuwehytꞌok taꞌatuty taꞌatuꞌywot kapiat hap ewy o eweikyꞌesat eiwehytꞌok hap maꞌato yt pote ti aru yt eiwehytꞌok hin i atipy pe e Iesui topotmuꞌeria pe.

Maku 4:20

Miꞌi pote Tupana ehay yt tuwenug i e. Maꞌato mekewat yi wakuat upiat ti wẽtup ok wẽtup ok wanetup haria ewy e. Saꞌawyꞌi taꞌatuwanetup Tupana ehay kapiat hawyi taꞌatukyꞌesat kahato. Miꞌiria tuwenug naꞌyn e. Taꞌi aikotã wẽtup ok 30 saka hap ewy saꞌawyꞌi wuat wẽtup saka ewy toikoi hawyi. Miꞌi hawyi wẽtup ok 60 saka hap ewy tomikoi kaipyi toipuẽti hawyi wẽtup ok 100 saka hap ewy raꞌyn toipuẽti. Miꞌiria Tupana ehay pywo iꞌatuꞌe pote tuwenug kahato raꞌyn iꞌatuieineꞌen hap tote e Iesui topotmuꞌeria pe.

Mateu 3:10

Eiweꞌeg wo o katupono mio Tupana toineꞌen waku pe raꞌyn teꞌywyhap wywo mikoi yp sapo terek hamo. Mekewat ariaꞌyp yt haat kahato i rakat wyti toiterek hawyi toiwuk hamuat aria pe.

Epereu 6:7

Maꞌato aito Tupana Saꞌyru mohey haria aikotã aiko wakuat rakat ewywuaria watopyhuꞌat yi wakuat iꞌaman sym hat ewy aito Tupana mikoi wakuat ewywuaria mikoi Tupana mipoityro kahato ewywuat koꞌi. Tupana tum iꞌaman hawyi ihãite kahato hap ewy watopyhuꞌat watat ahehakyeraꞌat hap hawyi.

Iruka 8:8

Iraniaꞌin yi wakuat rote hewo hewo go tote e. Miꞌiria ti iꞌatuehãite kahato hawyi wẽtup sat kaipyi 100 iãꞌỹi tuwemoherep e. Pyno ehewaure kaꞌa pote iwanetup kahato o mesuwat uhehay iãꞌãkap puat uimienoi ape e Iesui miitꞌin sem me.