Mateu 13:12 - Sateré-Mawé

¹² Maꞌato uwe uwe tuwanetup kahato uhehay kape poꞌog ikuap hamo. Miꞌi haria ti aru poꞌog neꞌi taꞌatupuẽti iꞌatumikuap mo. Maꞌato uwe yt ikuap teran i uhehay miꞌi hat kaipyi wyti aru tuweityk taꞌyn imikuap oktan.

Mateu 13:12 Referans Kwoze

Mateu 25:29

Pywo pe ti miꞌi hap ewy ti aru topyhuꞌat. Katupono uwe uwe ipo piat tokaꞌiwat miium koꞌi tuwemowato raꞌyn miꞌi pe poꞌog poꞌog towatnuat topyhuꞌat maꞌato uwe uwe yt iweꞌeg i rakat ewy topyhuꞌat miꞌi kat som kurin kat topo piat tokaꞌiwat tihep wyti aru e.

Iruka 8:18

Pyno eweiwanetup to uimienoi kape uhytꞌiꞌin manaꞌin e Iesui. Eweiwanetup haty wo hawyi eiwewaure kaꞌa kahato uhehay kape. Miꞌi pote aru poꞌog naꞌyn putꞌok e eiwanetup hap moẽtyhot hamuat. Maꞌato iraniaꞌin yt urutuwanetup teran i imienoi kape e haria ti. Uruto uruweꞌeg kahato e haria maꞌato mio tã e haria wanetup hawyi tuweityk yne raꞌyn e.

Iesui Aru E Hap 2:5

Pyno eiwanetup o aikotã saꞌawyꞌi wuat uikyꞌe haty wo ehepiat hap kape uimikyꞌeria e. Mesup uikyꞌe hap waure haria wo eweikupteꞌen e. Eweiꞌaipok to uhowowi i uikyꞌe pote areꞌe ehepe maꞌato yt pote ariot eheꞌariãty sasep hamo e. Miꞌi hawyi iꞌypyryp hap yn toineꞌen itote e. Koitywy 7 ariãty toineꞌen maꞌato ahasep hawyi ti aru eiwat pote iꞌypyryp yt naku i topyhuꞌat e. Eweiꞌaipok to uhowowi areꞌe ehepe tawa Ewesu piaria e.

Iruka 16:25

Mio tã e pote Aparãu tiwesat -Uhaꞌyru e etiwaure raꞌyn apo eieineꞌen ne turan aikotã waku hap koꞌi yn emikyꞌesat koꞌi eheineꞌen turan maꞌato Irasaru ieineꞌen yi totiat turan hoꞌopot hap yn toineꞌen tuete ihakyꞌeꞌi e.

Mateu 21:43

Miꞌi e hap ewy kahato ti aru topyhuꞌat mesuwe katupono Tupana tihep aru eipo pyi morekuatno toineꞌen hap hawyi ti aru tutum wẽtup ywania kape raꞌyn tomikoi ypia hawyi tuwenug kahato haat koꞌi e.

Iruka 16:2

Toikay kay temiit tekareꞌen apykok hat tuwewawi hawyi toꞌe -Uhyt e iraniaꞌin uhemiitꞌin henoi kahato ti uhepe eminug uimaꞌat hap koꞌi etiat e maꞌato yt atikuap i sio pywo sio yt e. Miꞌi pote etimoherep aikotã aikotã eminug epopera piat hap koꞌi uhyt e. Pywo uimaꞌat hamo pote yt kan hamo i ereineꞌen poꞌog uipotpap nug hamuat e.

Iruka 10:42

Waku wen maꞌato toineꞌen poꞌog waku hap uimiꞌu nug hap kai katupono uhehay kuap hap mana Maria tiꞌairo raꞌyn e. Pywo kahato uikuap hap mana Maria piat wyti aru yt uwe i ihep kuap uiꞌyatype tuwemuꞌe hap e Iesui mana Mata pe.

Iruka 9:26

Uwe uwe uipupi tuwemoti iꞌewyte uhehay tomuꞌe hap pupi tuwemoti pote ti aru uito miitꞌin ykeꞌet aremoti miꞌiria pupi wy karãpe ariot uhesaika hap hẽtyhot puo uiꞌywot piat uipoꞌoro hap eꞌat pe.

Maku 12:9

Miꞌi hawyi Iesui toꞌe -Kat aru miꞌi hawyi mikoi ypia kaꞌiwat tunug tosaꞌyru auka haria ete e. Taꞌi tuut hawyi ti aru taꞌatuuka miꞌiria hawyi ti aru iraniaꞌin imiꞌairo kape toipuru teꞌyi e Iesui nagnia pe.

Iruka 12:48

Maꞌato heropat hat yt ikuap i kahato kat som tokaꞌiwat mikyꞌesat hawyi miꞌi hat yt inug i tokaꞌiwat mikyꞌesat ewy yt toikuap i pote. Miꞌi hat iꞌewyte ikaꞌiwat tiꞌpok pok aru maꞌato yt kahato i aikotã toipok pok teropat hat ikuap hat oktan. Maꞌato uwe toineꞌen imikuap mo aikotã tokaꞌiwat mikyꞌesat ewy kuap hamuat miꞌi kaipyi ti tokaꞌiwat poꞌog wakuat nug hap koꞌi toikyꞌesat.

Tiaku 4:6

-Atiꞌatumoesaika kahato waure wuat gupteꞌen haria pe. Miꞌiria pe atum neꞌen kahato wakuap miꞌiria pe maꞌato iraniaꞌin me -Uito poꞌog e haria ewanikap wo areineꞌen e Tupana ahepe. Uhegyiꞌat hap poꞌog atum paa e haria pe e Tupana ahepe.