Mateu 12:32 - Sateré-Mawé

³² Iꞌewyte uwe uwe toineꞌen ihay saꞌag Miitꞌin Saꞌyru ete miꞌi hat wyti toimohãpyk kuap maꞌato uwe uwe ihay saꞌag Tupana Paꞌãu wakuat ete miꞌi hat wyti yt toimohãpyk kuap koran iꞌewyte meiũran e.

Mateu 12:32 Referans Kwoze

Maku 3:29

Maꞌato miitꞌin iꞌatuehay saꞌag Tupana Paꞌãu uhetiat tohenoi pote miꞌi iꞌatuehay hap Tupana yt timohãpyk kuap i. Miitꞌin iꞌatuehay saꞌag Tupana Paꞌãu kape yt karãpe i Tupana timoweityk kuap e. Miꞌi e hat wuatꞌi eꞌat piat Tupana miꞌapiheg wuatnuat topyhuꞌat e Iesui.

Iuwãu 7:39

Mekewat eꞌat pe yt kat i te Tupana Paꞌãu miitꞌin pya pe. Yt tutum i te pote Iesui taꞌaipok atipy kape hawyi Tupana mimotypot no hawyi toimoꞌẽ Topaꞌãu wakuat tomohey haria torannia pe.

1 Timoteu 1:13

Saꞌawyꞌi te yt atimohey i te turan ateremopusu kahato Iesui. Atiꞌatusatyꞌi satyꞌi kahato hemiitꞌin. Miꞌi turan ne uhehay saꞌag Iesui ete. Yt imohey i hap kaipyi areineꞌen saꞌag Iesui ete. Yt uiweꞌeg hin i haype maꞌato miꞌi pykai uikyꞌe hap wywo ihaꞌat uhowowi. Yt atikuap i kahato atunug saꞌag mekewat eꞌat piat.

Titu 2:12

Miꞌi hawyi aikyꞌe hap watikuap kahato raꞌyn. Iꞌewyte aikotã waku watukupteꞌen mesuwarotiat hap watikuap katupono Tupana aimuꞌe raꞌyn -Saꞌawyꞌi te ti eimikyꞌesat ewy yn ewetunug e. Mekewat eꞌat pe saꞌag kahato rakaria wo eweikupteꞌen e. Maꞌato uhegyiꞌat hap putꞌok e ehete pote waku eweitoiat raꞌyn eiminug saꞌag hap koꞌi uimikyꞌesat ewy yn nug hamuat e. Wakuaria wo uhewaku hap ewy atikyꞌesat e. Uimotypot haria eipe atikyꞌesat e Tupana ahepe.

Ewesu 1:21

Aiꞌakag Iesui topyhuꞌat Wuatꞌi Akag wo. Toineꞌen ni Morekuat Koro wo are. Aiꞌakag wo toineꞌen maꞌato iꞌewyte Wuatꞌi Akag wo atipy pe toineꞌen. Morekuaria Porekuat no topyhuꞌat Iesui are. Tuꞌisaria Porekuat no topyhuꞌat. Surara Akag Koro wo topyhuꞌat. Iesui set poꞌog Tupana mimotypot no wuatꞌi miitꞌin set kai. Poꞌog poꞌog wuatꞌi kai Aikaꞌiwat mesuwat iꞌewyte wuatꞌi eꞌat pe.

Iesui Potmuꞌeria 3:19

Aikotã Tupana henoi yian mete hap ewy ti topyhuꞌat mesup. Miꞌi pote waku mio tã eweiꞌe ro Tupana pe -Koitywy paa urutoꞌe ewowi Tupana katupono yt naku i kahato urutunug Esaꞌyru ete eweiꞌe pote meremo waure wo topyhuꞌat eiminug saꞌag ete e. Miꞌi hawyi waku pe i raꞌyn iwywo eweikupteꞌen mehinꞌin manaꞌin e. Miꞌi hawyi ti aru Tupana mimowepiit koꞌi wo i raꞌyn wuatꞌi eꞌat pe eweikupteꞌen katupono tutum ehepe Topaꞌãu Wakuat eimoesaika hamuat hap hawyi e. Taꞌi eiwemorem Tupana kape i raꞌyn pote waku pe iwywo eweikupteꞌen e Peteru.

Iruka 12:10

Pyno ehehay saꞌag uhetiat Eheykeꞌet Koro etiat iꞌewyte saꞌag ewetunug uhete miꞌi pe ehẽtup Tupana pe paa eweiꞌe hap wywo pote Tupana tiwaure kuap eiminug saꞌag koꞌi uhetiat hap wen maꞌato wẽtup eiꞌe saꞌag hap Tupana yt tiwaure kuap i are. Karãpe Tupana Paꞌãu me -Yt aremohey i Iesui toineꞌen miitꞌin ykeꞌet eweiꞌe Tupana Paꞌãu me hawyi Tupana yt karãpe i waure wo toineꞌen mekewat eꞌe hap etiat.

Mateu 12:31

Miꞌi pote ti pywo pe areꞌe ehepe -Pyno uwe uwe waure wo toineꞌen kat koꞌi kat koꞌi tominug saꞌag kai miꞌi hat wyti iwaure kuap tominug saꞌag. Maꞌato uwe uwe tuwekyryꞌi Tupana Paꞌãu wakuat ete miꞌi hat minug saꞌag wyti yt karãpe i toimohãpyk kuap i.

1 Timoteu 1:15

Timoteu ahenoi teran epe sehay pywuat sese rakat sakpo aimimohey wuat. Mio tã are Aikaꞌiwat Iesui tuwemoherep mesuwe yi tote yt nakuaria i atuehakyeraꞌat hamo tuwemoherep. Miꞌi atikuap kahato katupono uito poꞌog yt nakuat i wuatꞌi kawiat paĩ are.

Iuwãu 7:12

Miꞌi haype teꞌeruwanetup koꞌi koꞌi kahato tuete. Iraniaꞌin -Yt naku i Iesui iꞌatuꞌe aimaꞌat reran tehay wo iꞌatuꞌe. Iraniaꞌin Iesui waku iꞌatuꞌe.

Iruka 23:34

Miꞌi hawyi Iesui toꞌe Tupana pe -Uiꞌywot waure wo ereineꞌen no uhewanikaptia minug saꞌag kai hap atikyꞌesat katupono yt taꞌatukuap i uwe sese uwe Uito Taꞌatuꞌmiꞌauka e Tupana pe. Miꞌi hawyi Iesui esokpe taꞌatuhep taꞌyn hawyi teꞌeruwemahara raꞌyn hesokpe kyiꞌat hamo aikotã waku hesokpe taꞌatupatꞌok hamo.

Maku 10:30

Miꞌiria taꞌatupuẽti mesuwarotiat koꞌi kai poꞌog poꞌog naꞌyn saꞌawyꞌi wuat kai aikotã 100 hap ewy aru toipuẽti toꞌyat koꞌi towyriaꞌin totyꞌin tomepytꞌin tomikoi koꞌi saꞌawyꞌi wuat wẽtup takat tomiꞌatoiat kai e. Iꞌewyte ti aru toipuẽti miitꞌin mikyryꞌi hap uhehay upi uhupi eweiwat pote e. Maꞌato mesuwarotiat tokuꞌuro hap saipepiat toipuẽti hamuat toieineꞌen hap yt sakewuat ikahuro rakat i raꞌyn e.

Iuwãu 7:52

Miꞌi pote Nikutemu pe teꞌeroꞌe -Paĩ iꞌewyte yi saꞌag Karireia piat apo en Iesui ewy iꞌatuꞌe. Pyno erehaꞌat ro miwan me hawyi mono etikuap taꞌyn Tupana ehay Moherep hat yt Karireia kaipyi i tuut hamuat hat iꞌatuꞌe.

Iruka 7:34

Taꞌi ihainia saꞌyru wyti tenuk iꞌewyte tuwesapoꞌu eweiꞌe neꞌi. -Eiwehaꞌat ro mekewat miit ienuk wato hat kape iꞌewyte sapo hy u wato kahato hat kape eweiꞌe. Iꞌewyte towyꞌinug mekewaria miitꞌin kaipywiat saꞌup poreraꞌat haria iꞌewyte iraniaꞌin yt nakuap i nug haria wywo toineꞌen eweiꞌe.

Mateu 11:19

Maꞌato Ihainia Saꞌyru tuut hawyi tenuk teꞌyꞌu eweiꞌe. Pyno eiwehaꞌat ro meiẽwat miit ienuk wato kahato hat eweiꞌe. Iꞌewyte mohy u kahato hat eweiꞌe. Iꞌewyte miitꞌin kaipywiat saꞌup poreraꞌat haria wyriaꞌin sese eweiꞌe. Iraniaꞌin yt nakuat i sese meiẽ eweiꞌe. Maꞌato pywo kahato miitꞌin iꞌatuweꞌeg hap kaipyi tuwemoherep iꞌatuminug wakuat kaipyi e.

Mateu 13:55

Katupono ti miꞌi toineꞌen mekewat panꞌi panꞌi e hat saꞌyru neꞌi iꞌatuꞌe iꞌewyte Maria mepyt neꞌi rat iꞌatuꞌe iꞌewyte Tiaku ywyt iꞌewyte Iuse iꞌewyte Simau hawyi Iuta iꞌywytꞌin toineꞌen.

Mateu 8:20

Maꞌato Iesui tiwesat -Pyno ereto teran uhupi pote waku saꞌawyꞌi erewanetup kahato katupono ti Awahuru koꞌi ti tukupteꞌen taꞌatukaꞌa puo iꞌewyte weitaria ti tukupteꞌen taꞌatusok puo maꞌato Uito Miitꞌin Ykeꞌet pykai yt kat i uiꞌyat uiwemohy hamuat.

Mateu 12:8

Katupono ti Ihainia Saꞌyru toineꞌen Tupana motypot eꞌat kaꞌiwat.

Mateu 13:22

Maꞌato iraniaꞌin wyti tukupteꞌen teꞌerepomohepapꞌi mesuwat rotiat taꞌatuekat puẽti hamuat ete yn. Miꞌi haria ti aikotã mikoi iãꞌỹi yt haat i rakaria ewy wuaria tukupteꞌen.

Mateu 13:39

Maꞌato mekewat hewanikap mikoi iꞌanam wyti topyhuꞌat ahiag mikoi maꞌato mekewat iterek hap eꞌat putꞌok e turan wyti iterek hanuaria atipy piaria Tupana emiitꞌin.

Mateu 13:40

Iꞌewyte aikotã mekewat iꞌanam koꞌi taꞌatuꞌatunug hawyi taꞌatusok wuk. Miꞌi ti ikahuro raꞌyn hap eꞌat pe topyhuꞌat hamuat.

Maku 3:28

Pywo ti areꞌe ehepe yne miitꞌin iꞌatuehay saꞌag yt nakuat i sese Tupana tomohãpyk kuap e.

Iruka 16:8

Miꞌi hawyi ikaꞌiwat tikay kay tuwewawi hawyi tokaꞌiwat toꞌe temiit pe -Are paĩ pyno koitywy yne uiweteweru haria ewyriaꞌin no tukupteꞌen uimaꞌat kahato hap upi. Yt naku I etunug pykai eweꞌeg nakat ereineꞌen e. Miꞌi hawyi toꞌe i Iesui iꞌatuepe -Taꞌi mesuwarotiaria poꞌog iꞌatuweꞌeg nakaria teꞌeropyhuꞌat mekewaria ariãty piat pe hewyry rakaria koꞌi kai e.

Iruka 18:30

Uwe uwe totiat yne uhehay sytpok hamo wuatꞌi ywania enoi hamuat miꞌi koꞌi eimiꞌatoiat koꞌi atum aru ehewowi i raꞌyn mesuwe poꞌog eimiꞌatoiat saꞌawyꞌi wuat koꞌi kai e. Iꞌewyte eheineꞌen hap Tupana wywo wuatꞌi eꞌat piat hap ikahu kahato hap atum ehepe e Iesui topotpoꞌororia pe.

1 Timoteu 4:8

Waku aiwesaika saika hap aipiit moheg hamo are maꞌato poꞌog waku wuatꞌi kai watuwesaika saika Tupana Paꞌãu e hap nug hamo. Katupono imikyꞌesat ewy watunug mote ipakup takatno watoineꞌen mesuwe. Iꞌewyte aikuꞌuro hap eꞌat pe wuatꞌi eꞌat pe aikai Tupana.

1 Timoteu 6:17

Pyno tukupteꞌen Iesui mohey haria aipyꞌasetpe hekat rakaria. Waku miꞌiria pe ereꞌe -Eweiꞌatoiat ro -Uito poꞌog wakuat iraniaꞌin kai eiwanetup hap ereꞌe o. Iꞌewyte yt ehekareꞌen neꞌi teiꞌo eweimohey maꞌato Tupana yn o eweimohey ere katupono ehekat yt eheineꞌen motꞌi hamuat hin i maꞌato Tupana hegyiꞌat kahato tutum kahato ahepe wuatꞌi aimowepiit kahato hamuat ere o.

2 Timoteu 4:10

Katupono aiwy Tema uiꞌatoiat raꞌyn. Kat pote tekat poꞌog kyꞌesat Tupana kawiat haype. Miꞌi pote tawa Tesaronika kape toto. Aiwy Kesente toto yi Karasia kape. Titu ti toto raꞌyn tawa Taumasia kape miꞌi tupono waku eriot meikowo.

Tiaku 1:27

Uwe uwe yt ity i yt iꞌywot i rakat powyro hap kaipyi Aiꞌywot atipy piat Tupana tikuap kahato tomohey hat sese pywo sio yt hap. Uwe uwe hiwuria powyro hap koꞌi toikuap aito tomohey hat sese pywo sio yt hap e. Uwe uwe hatek takaria powyro hap koꞌi toikuap tomohey hat sese pywo sio yt hap e. Karãpe iraniaꞌin ahãꞌãg yt naku i nug hamo maꞌato yt watuwat i iꞌatuꞌe hap upi -Uito Iesui mohey hat pote yt atunug neran i te watoꞌe. Mio tã watoꞌe hawyi Aiꞌywot atipy piat tikuap kahato aito tomohey sese haria wo raꞌyn aikuap are.