Mateu 12:26 - Sateré-Mawé

²⁶ Iꞌewyte ahiag potpoꞌororia tuwepatꞌok patꞌok hawyi tuuka tuuka toꞌope toꞌope hawyi iꞌatumoma hap topyhuꞌat.

Mateu 12:26 Referans Kwoze

Korosi 1:13

Saꞌawyꞌi ahiag potmuꞌeria wo watoineꞌen. Yt watuweꞌaputsit kuap i ipo pyi. Iꞌe hap yn watunug kuap. Iꞌypyryp wiat ieineꞌen haria ewywuat watoineꞌen. Saꞌawyꞌi hoꞌowasat rakaria wo watoineꞌen maꞌato Aiꞌywot atipy piat tipohari raꞌyn aito ahiag po pyi. Miꞌi hawyi aherokosap Tosaꞌyru eropat haria wo raꞌyn. Tomikyꞌe kahato emiit no raꞌyn ainug. Waku kahato are.

1 Iuwãu 5:19

Pywo ti rat iraniaꞌin mesuwarotiaria ahiag ehay upi yn teꞌeruwewanetup aat kaꞌap katupono ahiag emiit no teꞌeropyhuꞌat are. Maꞌato aito Tupana mepytꞌin nuat watoineꞌen pote yt iraniaꞌin ewy i aito yt kat i aikai ahiag wat.

Iesui Aru E Hap 16:10

Miꞌi hawyi uito Iuwãu arahaꞌat wẽtup ok atipy piat toto tekamuti wywo hap kape. Toto aikope yt naku i rakat taꞌapyk morekuat no hap kape Tupana saiwot hap kamuti howapy rakat wywo toto. Miꞌi ti putꞌok toꞌe hawyi toiꞌokpun morekuat saꞌag ete hawyi yne hetama iꞌypyryp sese topyhuꞌat. Yt karãpiat ewy i iꞌatumosoꞌopot kahato miꞌi hap oktan. Miꞌi hap upi kak iꞌatuꞌe kak iꞌatuꞌe -Iꞌypyryp sese iꞌypyryp sese urumosoꞌopot sese iꞌatuꞌe kak taꞌatuꞌe popuo.

Iesui Aru E Hap 12:9

Miꞌi hawyi toiꞌatuꞌokhytpugha moiꞌok hesuraraꞌin nywo waikiru kaipyi yi kape. Moiꞌok koro wẽtup het ahiag e wẽtup het miitꞌin moꞌakagꞌaia hat. Wẽtup het Satanai e.

Iesui Aru E Hap 9:11

Meimuẽwat sapot ewywuat potypot set wuatꞌi moma hat e. Miꞌi yi kaꞌa saꞌag upiaria topyhuꞌat. Iuteuria pusu puat taꞌatusetꞌok Apatãu iꞌatuꞌe maꞌato Kereku pusu puo Apariãu iꞌatuꞌe ahiag iꞌatuꞌe.

2 Kuriniu 4:4

Pyno yt imohey i haria mesuwarotiaria hoꞌowasat rakaria wo teꞌeropyhuꞌat. Ahiag topyhuꞌat iꞌatuetupana wo. Miꞌi hawyi karãpe wahenoi sehay wakuat aikotã Tupana tipoꞌoro Tosaꞌyru Aiporekuat no hap etiat iꞌewyte karãpe watimoherep yne Iesui etiat Tupana moherep hat sese etiat Tupana ewywuat rakat miꞌi hap etiat wahenoi turan -Yt eweimohey teiꞌo miꞌi. Yt eweimohey teiꞌo miꞌi e ahiag iꞌatuwanetup hawe yt toikyꞌesat i miꞌiria teꞌeropyhuꞌat Iesui haria pote. Ahiag iꞌatuewa hik hap ewy iꞌatuete yt toikyꞌesat i Iesui kapiat iꞌatuꞌakasa hap pote.

Iuwãu 16:11

-Tupana hatyꞌi aru eipotypot ahiag wuatꞌi eꞌat pe e iꞌewyte aru wy toiꞌatusatyꞌi satyꞌi iwywo Haꞌyru mohey hap pun haria e ti aru Tupana Paꞌãu mesuwarotiaria pe uhepiat e Iesui.

Iuwãu 14:30

Koran te ti yt worohoꞌomuꞌe kuap i kahato eipe saꞌawyꞌi wuat eimuꞌe hap oktan katupono ti yt naku i nug haria potypot putꞌok e irane mesuwe uipyhyp teran haype maꞌato yt uipyhyp kuap i e. Pywo pe ti miꞌi esaika hap yt putꞌok e hin i uhesaika hap kai e.

Iuwãu 12:31

Koitywy wyti putꞌok e raꞌyn Tupana eꞌat uwe uwe uimohey haria sese uwe uwe yt haria moherep hamuat uwe waku uwe yt e hamuat eꞌat mesup e. Koitywy iꞌatuporekuat mesuwarotiat ahiag Tupana tisopo hamuat eꞌat putꞌok e raꞌyn e.

Mateu 4:10

Maꞌato Iesui tiwesat -Mutoro meiũpe pyi pya uiꞌyatypepyi e katupono saꞌawyꞌi wuat miwan me toꞌe -Etimotypot ro ekaꞌiwat e Tupana sese yn e. Waku miꞌi yn wateropat e Teturonamia 6.13 miwan me.

Mateu 9:34

Maꞌato iraniaꞌin Wariseuria ti teꞌeroꞌe toꞌope -Taꞌi ahiagnia akag koro esaika hap wo ti meiẽwat miit tiꞌatusopo ahiagnia iꞌatuꞌe.

Mateu 13:19

Pyno mekewat iãꞌỹi muap upiat hewo muap ẽpe upiat hewo rakat ewy wuat wyti karãpe miitꞌin teꞌeruwanetup Tupana ehay kape wen maꞌato yt toikuap i. Miꞌi ti aikotã muap ẽpe upiat iãꞌỹi ewy topyhuꞌat katupono miꞌi ti karãpe yt nakuap i putꞌok e raꞌyn hawyi toihep taꞌyn ipyꞌa pyi iãꞌỹi hap ewy e.