Mateu 11:6 - Sateré-Mawé

⁶ Iꞌewyte uwe uwe tepiat hoꞌopot pykai yt uiwaure i. Miꞌi hat wyti uimowepiit kahato hat topyhuꞌat wuatꞌi eꞌat pe e Iesui Iuwãu potpoꞌororia pe.

Mateu 11:6 Referans Kwoze

1 Kuriniu 2:14

Maꞌato iraniaꞌin yt Tupana Paꞌãu yt eiam i koꞌi ti -Yt iꞌatuꞌe neꞌi Tupana ehay pywuat aiwẽ piat ete katupono miꞌiria yt kat kuap i Tupana miium Topaꞌãu wakuat kaipywiat. -Yt kat hamo i ehay iꞌatuꞌe Tupana pe. Taꞌi aimienoi Tupana Paꞌãu kaipywiat ete ti teꞌeruwekyryꞌi neꞌi. Yt taꞌatukuap i kahato Tupana miium koꞌi ikahu rakat pykai katupono Tupana Paꞌãu yt toineꞌen i iꞌatupyꞌa pe ikuap hamuat.

Mateu 26:31

Miꞌi hawyi putꞌok iꞌatuꞌe itote hawyi toꞌe Iesui iꞌatuepe -Taꞌi mesuwat ewãtym ti aru uiꞌatoiat yne eipe. Eiwesytpok ti aru aikowo aikowo aikotã miwan me toꞌe hap ewy -Atiꞌahyk hawyi ikuꞌuro iꞌatukaꞌiwat hawyi ihũria tuwesytpok yne kowoꞌi kowoꞌi e. Mio tã e hap ewy ti aru mesup ewãtym uiꞌatoiat yne raꞌyn eipe e.

Iuwãu 6:66

Mio tã e pote typyꞌi raꞌyn ipotmuꞌeria tuwat raꞌyn Iesui upi pyi taꞌatuꞌatoiat raꞌyn. Yt tuwat poꞌog neran i hupi.

Mateu 24:10

Taꞌi mekewat eꞌat pe ti aru ipoityꞌi kahato saꞌawyꞌi wuat uimohey haria ete maꞌato wemoti uipupiat haria ti aru waureꞌe uimohey hap ete e. Miꞌi hawyi ti aru woꞌomaꞌatꞌi maꞌatꞌi haria wo teꞌeropyhuꞌat iꞌatuwoꞌope mekewat eꞌat pe.

1 Peteru 2:8

Karãpe toineꞌen nu muap tote hawyi wataꞌat tuereto mekewat nu ete aimopyꞌahak kahato. -Yt naku i mekewat nu aipuꞌap tote watoꞌe maꞌato iheg me toineꞌen. Miꞌi hap ewy kahato iraniaꞌin yt Iesui mohey i haria tukupteꞌen Tupana e hap Iesui etiat pe. Taꞌatupuẽti mekewat sehay wakuat hawyi iꞌatumopyꞌahak hap topyhuꞌat -Yt naku i iꞌatuꞌe.

Mateu 18:7

Tukupteꞌen miitꞌin mesuwat rotiaria miitꞌin yt naku i nug haria. Miitꞌin maꞌat uimohey hap atoiat hap kyewi rakaria. Miꞌi hat wyti poꞌog topyhuꞌat yt naku i sese rakatno.

Karasia 5:11

Uiwyriaꞌin uito arepotmuꞌe kahato Iesui kuꞌuro ariaꞌyp posak etiat hap ete. Miꞌi eweimohey pote toineꞌen eheineꞌen pakup i hap are. Maꞌato miꞌi hap ete toꞌokyryꞌi kahato. Yt karãpe i arepotmuꞌe wen -Eremusin ãpy sokpe tek ehehakyeraꞌat hamo pote waku yt karãpe i areꞌe ehepe. Mio tã ahenoi pote yt toꞌokyryꞌi hin i katupono Iuteuria taꞌatumikyꞌesat ewywuat pote.

Iruka 2:34

Miꞌi hawyi Simeãu tiꞌatupoityro raꞌyn hawyi toꞌe Maria pe -En wyti ereineꞌen woehakyeraꞌat hat ty wo raꞌyn katupono meiũwat hirokat Tupana miꞌairo sese toineꞌen. Miꞌi pote toiꞌapiheg kuap kahato miitꞌin iꞌewyte toiꞌatuhakyeraꞌat kuap kahato Isareu ywania. Miꞌi kaipyi ti watikuap taꞌyn hirokat Tupana mipoꞌoro sese toineꞌen hap. Maꞌato ti aru typyꞌi kahato miitꞌin Ihay saꞌag tuwetiat rakaria.

Mateu 5:29

Miꞌi tupono etunug yt naku i hap eha sese wo pote waku etihep eha hawyi waku etipun pya ekai katupono poꞌog waku etihep kokawiat eha wywo yn ereke kuap atipy pe. Maꞌato torannia eha wywo pote ti ereto kuap aria kape e.

Mateu 13:21

Maꞌato miꞌi ti aikotã yt hapo i rakat ewy topyhuꞌat. Karãpe sehay yt naku i hap putꞌok e raꞌyn imosoꞌopot hap miꞌi hap eꞌat pe meremo toiwaure raꞌyn saꞌawyꞌi wuat imohey hap.

Maku 6:3

Miꞌi hawyi teꞌeroꞌe toꞌope -Yt saꞌawyꞌi wuat meiũpiat panꞌi panꞌi e hat i apo meiẽ iꞌatuꞌe. Yt mana Maria mepyt i apo miꞌi Miit iꞌatuꞌe. Yt Tiaku Iuse Iuta Simau ykeꞌet i apo miꞌi Miit Iesui iꞌatuꞌe. Iꞌewyte iwat yt Iesui inytꞌin i apo tukupteꞌen meiũpe iꞌatuꞌe toꞌope. Miꞌi hawyi yt taꞌatumohey hin i Iesui haype. Miꞌi pote yt teꞌeruwanetup teran i Iesui kape. -Yt toimoherep kuap i wakuap Tupana etiat iꞌatuꞌe toꞌope.

Iruka 7:23

Uwe iwepiit kahato yt uimohey pykai i miꞌi hat wyti wemoeso hat neꞌi toineꞌen

Iuwãu 16:1

Eiweꞌeg wo o uimohey hap atoiat hap pupi are katupono yian mete ahenoi raꞌyn ehepe aikotã aikotã saꞌag ehetiat hamuat karãpe putꞌok e hawyi mono yt eweipun i raꞌyn uimohey ehepiat hap e.