Mateu 11:29 - Sateré-Mawé

²⁹ Pyno torannia uimohey haria eiwemohapap to uhete kat pote uito waku kahato areineꞌen iperupꞌi kahato rakat. Miꞌi hap kaipyi eweipuẽti kuap aru eiwemohy hap sese.

Mateu 11:29 Referans Kwoze

1 Iuwãu 2:6

Uito ti Tupana wywo sese watoꞌe pote waku watoineꞌen haꞌyru ewy hakiꞌyt ewy are. Waku watunug Aikaꞌiwat Iesui minug ewywuat yn waku watunug.

Iuwãu 13:15

Uiminug ehetiat ewy woꞌoeropat haria ewy ro eweikupteꞌen Uito ewy e.

Mateu 7:24

Uiwyriaꞌin pywo ti rat uwe uwe ikuap uiꞌe hap hawyi topyhuꞌat uiꞌe hap nug hat miꞌi Tupana mimoweꞌeg kahato wo topyhuꞌat e Iesui. Pywo ti rat uwe uwe uhehay nug hat miꞌi hat topyhuꞌat aikotã getap nug kuap kahato hat -Pyno sig waku atunug uiꞌyat meiũpe yi heg me nu totiat e hat ewy kahato toineꞌen.

Epereu 5:9

Aikaꞌiwat yt karãpe hin i iꞌaparap Toꞌywot mikyꞌesat nug hap ete pote -En yn miitꞌin ehakyeraꞌat hatno e Tupana. Iesui watomohey hawyi tutum aheineꞌen wuatꞌi eꞌat piat hamuat ahepe tomikyꞌesat nug haria wo watoineꞌen mote.

2 Kuriniu 10:1

Uito ti eimuꞌe hat sese saꞌawyꞌi wuat. Haꞌawyte Tupana uipoꞌoro ehewowi. Miꞌi turan worohoꞌonapin perupꞌi puo aikotã Aikaꞌiwat Iesui ainapin hap ewy aikyꞌe hap wywo. Saꞌawyꞌi ihakyꞌeꞌi hakyꞌeꞌi rakatno uito areineꞌen eipyꞌasetpe turan poꞌog yi kape. Maꞌato koitywy areineꞌen pya eikai. Miꞌi pote worohoꞌonapin uimiwan me haty wo uiwemotypot wywo.

Mateu 28:20

Waku yne saꞌawyꞌi wuat ahenoi ehepiat hap ewy miitꞌin muꞌe hamuat e. Miꞌi hawyi eimimuꞌeria uimohey haria atikyꞌesat yne uhehay nug haria wo teꞌeropyhuꞌat e. Miꞌi tupono eweiwat ro iraniaꞌin ywania yne muꞌe hamo areꞌe wen maꞌato miꞌi turan ti aru yt eiweran i eweiwat. Katupono Uito ti aru areto wy eiwywo aikope aikope eweiwat hap upi eipowyro hatno wuatꞌi eꞌat pe ikahuro hap putꞌok e hap kape. Areineꞌen eiwywo wuatꞌi eꞌat pe e Iesui ahepe temiitꞌin me.

Wiripu 2:5

Poꞌog waku aiwanetup hap Aikaꞌiwat Iesui wanetup hap ewy katupono tuwemohit kahato ihakyꞌeꞌi kahato miit emiit no topyhuꞌat.

Mateu 21:5

-Tuut wyti aru Aipotypot sese aihũ Iumentu tote ahewowi eweiꞌe ro tawa Ierusarẽi miaria pe e. Yt morekuat ewy hin i tuut maꞌato paa e hat aihũ Iumentu mepyt hit tote e ti saꞌawyꞌi te wuat miwan me Isaia 62.11 pe Iesui etiat tohenoi.

2 Kuriniu 10:5

-Uito poꞌog iraniaꞌin kai e hat yt tuwanetup kuap kuap i Tupana kape. Miꞌi hawyi Tupana topyhuꞌat yt Tupana wo hin i. Aiwanetup saꞌag hap topyhuꞌat Tupana ete. Maꞌato Tupana aimoesaika miꞌi wanetup saꞌag hap pun hamo. Miꞌi hawyi Aikaꞌiwat Iesui yn toineꞌen aiwanetup hawe Aiporekuat no. Miꞌi hawyi Aikaꞌiwat ehay yn aiwanetup hawe. Iꞌewyte aiwanetup hap aheha wywo Aikaꞌiwat timohãpyk kuap yne.

1 Tesaronika 4:2

Iꞌewyte yt waureꞌeweiꞌe teiꞌo Iesui kaipywiat einapin uruepiat hap ete.

Iuwãu 13:17

Miꞌi tupono eweikuap taꞌyn aikotã waku woꞌoꞌeropat haria uiꞌewy eweikupteꞌen hap e. Miꞌi ewetunug pote Tupana mowepiit kahato haria wo eweikupteꞌen e Iesui iꞌatuepe.

Mateu 17:5

Mio tã e Peteru ihay turan ywyhig putꞌok e imohit kahato rakat putꞌok e hawyi yt heremo i tukupteꞌen itote. Miꞌi kaipyi tuut sehay mio tã e hap -Meiẽ ti Uhaꞌyru uimikyꞌe kahato uimowepiit sese hat. Pyno waku eweiwanetup kahato o kat e som iꞌe hap kape

2 Tesaronika 1:8

Ehatyꞌi hatyꞌi haria apiheg hamo tuut. Yt Tupana kuap i haria apiheg hamo tuut. Aikaꞌiwat woꞌonapin wakuap yt nug i haria apiheg hamo tuut. Atipy kaipyi Iesui aria wo toiꞌatuꞌapiheg irane miꞌiria.

1 Kuriniu 9:21

Karãpe iraniaꞌin ywania pyꞌasetpe areineꞌen miꞌi hawyi iraniaꞌin ywania eko wakuat ewy atunug. Areineꞌen miꞌiria ewywuat. Areineꞌen wẽtup ywania pyꞌasetpe pote yt atunug i uiꞌywania Iuteuria eko ewy maꞌato iꞌatueko wakuat yne rakat atunug. Miꞌi hap atunug katupono miꞌiria atikyꞌesat kahato Iesui mohey haria torannia hap. Miꞌi hap yn atunug Iesui kapiat miitꞌin ekyi hamo.

Iesui Potmuꞌeria 7:37

Taꞌi aiꞌywania miꞌatoiat Muisei saꞌawyꞌi topyhuꞌat Tupana miꞌairo miꞌi miit pykai e Etewãu toꞌauka teran haria pe. Taꞌi nimuat Muisei henoi yiannote Isareu ywania pe -Uiꞌywania e meiũran wyti aru Tupana tomowato kahato tomipoꞌoro uiꞌewywuat eiporekuat koro wo e. Miꞌi Miit uhaipepiat sese tuwemoherep aru wẽtup ahemiariru e saꞌawyꞌi Muisei e.

Iruka 8:35

Pyno iꞌatuepiat henoi hawyi tõꞌẽ kahato Iesui kape. Putꞌok iꞌatuꞌe turan mekewat saꞌawyꞌi wuat ahiag ipiit piat rakat waku raꞌyn taꞌatupuẽti sokpe pe raꞌyn toineꞌen Iesui yatype. Iwanetup hap hãpyk iraꞌyn.