Mateu 11:27 - Sateré-Mawé

²⁷ Pyno Uiꞌywot tum yn raꞌyn uhepe torannia kat koꞌi kat koꞌi. Miꞌi turan yt uwe i kuap uwe Haꞌyru maꞌato Iꞌywot yn ikuap. Iꞌewyte yt uwe i kuap Iꞌywot hap Haꞌyru yn ikuap. Maꞌato uimiꞌairoria pe yn atimoherep kuap uwe Uiꞌywot e.

Mateu 11:27 Referans Kwoze

Mateu 28:18

Miꞌi hawyi Iesui tuut iꞌatuewowi hawyi iꞌatupyꞌasetpe toineꞌen heremo kahato. Miꞌi hawyi toꞌe itotiaria pe -Koitywy Tupana tum yne raꞌyn tesaika hap uhepe e. Miꞌi hawyi Wuatꞌi Miitꞌin Porekuat koro wo areineꞌen atipy pe iꞌewyte mesuwat yi tote e.

Iruka 10:22

Miꞌi hawyi Iesui toꞌe miitꞌin me -Tupana tum naꞌyn uhepe towatnuat koꞌi apykok hamo tesaika hap e. Taꞌi uiꞌywot yn nyti Uito Tosaꞌyru kuap hat sese e. Iꞌewyte Uito yn nyti uiꞌywot kuap hat e. Maꞌato uwe uwe pe atimoherep teran uiꞌywot kuap hamuat miꞌiria ti aru uiꞌywot kuap haria teꞌeropyhuꞌat e.

2 Iuwãu 1:9

Yt naku i wahenoi iraniaꞌin me aiwanetup hap yt Aipotypot Iesui e hap ewy i. Miꞌi tã watunug mote yt Tupana watnuat i watopyhuꞌat. Maꞌato miitꞌin watiꞌatumuꞌe Iesui e hap ewy imienoi ewy miꞌi pote toineꞌen Iꞌywot Haꞌyru aipyꞌa pe.

1 Iuwãu 2:23

Miꞌiria ti Iꞌywot Haꞌyru ewanikaptia sese miꞌiria. Uwe uwe iraniaꞌin me -U yt atimohey i ti Iesui toineꞌen Tupana Saꞌyru hap e hat. Miꞌi hat ti yt Tupana wywo i sese toineꞌen. Maꞌato uwe uwe iraniaꞌin me -Uito Iesui mohey hat e miꞌi hat ti Tupana wy sese toineꞌen. Taꞌi watipun neꞌi raꞌyn Haꞌyru pote iꞌewyte Iꞌywot pun haria wo raꞌyn watoineꞌen. Maꞌato -Iesui En nyti Tupana Saꞌyru sese watoꞌe pote Iꞌywot mohey haria wo watoineꞌen. Tupana toineꞌen aipyꞌa pe.

Iuwãu 10:15

Aikotã Uiꞌywot uikuap kahato hat toineꞌen. Iꞌewyte Uito Uiꞌywot kuap hat areineꞌen. Miꞌi hap ewy uihũria kyꞌe kahato hat areineꞌen pote uiꞌauka hamuat iꞌatuehakyeraꞌat hamo e.

Iuwãu 3:35

Taꞌi Tupana tikyꞌe kahato ti Tosaꞌyru miꞌi tupono tutum yne ipo pe e.

Iuwãu 6:46

Yt uwe i ti mesuwat yi totiaria teꞌeraꞌakasa Uiꞌywot atipy piat kape e. Miꞌi rẽ wẽtup ok yn ni Tupana kapiat akasa hat. Miꞌi Miit ti Tupana kaipywiat suut hat pote are e.

Iuwãu 1:18

Taꞌi yt karamuo i ti miitꞌin teꞌeraꞌakasa kuap Tupana sese kape. Maꞌato Tupana Saꞌyru taꞌakasa kahato Tupana kape. Haꞌyru ti putꞌok e hawyi Tupana moherep ahepiat hamo toineꞌen. Katupono miꞌi toꞌywot yatypepywiat suut hat e.

Iuwãu 7:29

Maꞌato Uito atikuap kahato Uipoꞌoro hat katupono ikaipyi ariot e Iesui tehay pirik wo.

Iuwãu 17:6

Taꞌi woromoherep taꞌyn yne emiium uimimuꞌeria koꞌi pe are. Saꞌawyꞌi te ewatnuaria uhemiitꞌin tukupteꞌen maꞌato mio etum uhepe hawyi uiwatnuaria wo raꞌyn tukupteꞌen ehay upiaria raꞌyn tukupteꞌen maꞌato saꞌawyꞌi mesuwarotiaria ehay upiaria wo tukupteꞌen are e.

Iuwãu 13:3

Meiẽpe Iesui tikuap taꞌyn Tupana esaika hap torannia yne raꞌyn topyhuꞌat ipiit pe hap. Miꞌi pote topyꞌa pe toikuap tuwewi Tupana kaipywiat tuut hap iꞌewyte Tupana kapiat toto hamuat toikuap topyꞌa pe itote.

1 Peteru 3:22

Mesup taꞌyn Aheykeꞌet Iesui teke raꞌyn atipy pe. Koitywy taꞌapyk Tupana po sese kai taꞌapyk. Miꞌi tote Tupana mimotypot no topyhuꞌat -Koitywy Uhaꞌyru woronug En wuatꞌi miitꞌin Akag wuatꞌi porekuaria Akag wuatꞌi atipy piaria akag wo woronug En e Tupana Tosaꞌyru pe. Yne esaika hap atum epe e Tupana Tosaꞌyru pe Iesui pe.