Mateu 11:20 - Sateré-Mawé

²⁰ Miꞌi hawyi Iesui tiꞌatukuasa kahato raꞌyn mekewat tawa piaria aiũpe toimoherep kahato raꞌyn tomisepap yt uwe minug ewywuat i pykai yt tomohey i hap upi. Katupono toimoherep taꞌyn iꞌatuehamo pykai yt taꞌatuwaure teran hin i taꞌatuminug saꞌag koꞌi pote.

Mateu 11:20 Referans Kwoze

Iesui Aru E Hap 2:21

Saꞌawyꞌi areꞌe -Mana Iesapeu pe -Etoiat ro ewaire waire hap meremo hawyi eraꞌaipok to uhowowi mana areꞌe. Karania wo neꞌi mio tã areꞌe tope maꞌato -Yt an e neꞌi uhepe e.

Iesui Aru E Hap 16:11

-Haty ti rat iꞌatuꞌe haty ti rat ahepihi iꞌatuꞌe teꞌeruwak popuo -Yt naku i kahato En atipy piat Tupana iꞌatuꞌe. Yt karãpe i urutaꞌaipok uruminug saꞌag myi iꞌatuꞌe iꞌatuehay popuo.

Iesui Aru E Hap 16:9

Miꞌi hawyi -Yt naku i kahato En Tupana iꞌatuꞌe yi totiaria. Urumosoꞌopot kahato aat wo iꞌatuꞌe. Etunug yt naku i kahato aat wo uruete iꞌatuꞌe. Yt kan hamo i En uruipuẽti. Waĩꞌiꞌatuꞌe. Etunug hãpyk i ro aat iꞌatuꞌe. Maꞌato yt teꞌeraꞌaipok hin i Tupana kape taꞌatuminug saꞌag kaipyi pykai mio tã iꞌatuꞌe. Yt teꞌeruwepỹꞌãtutuk teran hin i Tupana kape -Waku kahato En Tupana taꞌatuꞌe hamuat. Yt karãpe i teꞌeruwehum Tupana Kape.

Tiaku 1:5

Karãpe yt watikuap i kat som waku watunug hãpyk takat ahãꞌãg hap putꞌok e turan miꞌi hap eꞌat pe waku wahẽtup kahato wuatꞌi kuap sese hat Tupana kape. Miꞌi hawyi aikotã waku hamuat tohenoi kahato ahepe towese popuo aimuꞌe yt ahatyꞌi hatyꞌi popuo hin i ainapin Tupana.

Iesui Potmuꞌeria 17:20

Yt karãpe i uruikuap ehay ewywuat ihay rakat. Miꞌi pote ti ehay ewy hap uruehay uruikyꞌesat iꞌatuꞌe.

Maku 16:14

Miꞌi hawyi 11 ok takaria kape Iesui tuwemoherep iꞌatuenuk turan. Miꞌi hawyi toiꞌatusatyꞌi satyꞌi tehay wo -Kat poteĩ yt eweimohey i uheineꞌen pakup i hap kapiat akasa haria e. Eipyꞌa heg kahato e iꞌatuepe.

Maku 9:19

Miꞌi hawyi Iesui toꞌe -Taꞌi yt uimohey i haria miitꞌin mesuwat yi totiaria. Karania eꞌat ti aru areineꞌen eiwywo eimuꞌe uimohey mono uiꞌe haype e. Karamuo putꞌok e uimohey ehepiat hap worohoꞌomuꞌe motꞌi pykai e. Pyno eterut ro meikowo uhewowi esaꞌyru e Iesui ahiag ipiit piat rakat ywot pe.

Mateu 12:41

Mekewat eꞌat pe woꞌoꞌairo hap eꞌat pe ti tawa Niniwe piaria yt nakuaria i eipe iꞌatuꞌe katupono miꞌiria taꞌatuꞌatoiat taꞌatuminug saꞌag koꞌi karãpe taꞌatukuap taꞌyn Iona henoi Tupana ehay hawyi. Maꞌato eweikuap pykai yt eiwemorem hin i Tupana kape. Pywo pe areꞌe ehepe koran ti toineꞌen meiũpe poꞌog Iona kawiat rakat.

2 Kuriniu 12:21

Uiwyriaꞌin arekenꞌẽ te wyti uiwanetup hawe aikotã aru eweikupteꞌen areto turan hap pupi. Yt worohoꞌopuẽti teran i ehewaire waire turan neꞌi. Miꞌi tã ewetunug putꞌok are turan neꞌi pote aremoti sese Tupana ehamo. -Tupana yt areto teran i. Yt atiꞌatupuẽti teran i tawa Kurintiu piaria Esaꞌyru mohey haria iꞌatuewaire waire turan neꞌi katupono uimoti te hap sese topyhuꞌat. Miꞌi hawyi arewak uiwy sese ikuꞌuro hap ewy. Tupana atikyꞌesat taꞌatuꞌatoiat yne toꞌopiit kyꞌesat hap koꞌi yt naku i hap koꞌi. Tupana yt atikyꞌesat i areto emohey haria Kurintiu piaria kape uimohit hap yn itote turan uimoti te hap yn pote are Tupana pe.