Mateu 10:14 - Sateré-Mawé

¹⁴ Maꞌato iraniaꞌin netawiaria sio tawa piaria waku mehin yt iꞌatuꞌe i yt eikyꞌe i haype pote iꞌewyte yt teꞌeruwanetup teran i eimienoi koꞌi kape pote waku eiwenoꞌẽ mekewat tawa pyi. Maꞌato waku eiwenoꞌẽ turan eiwepitpitꞌok kahato tawa sawiu eipy sokpe pya etiat yi koꞌi iꞌatuehamo. Meiẽwat tawa piaria yt uimohey teran i hamo herep hamuat.

Mateu 10:14 Referans Kwoze

Iesui Potmuꞌeria 18:6

Miꞌi pote Pauru ete iꞌatuhoiro kahato. Waĩ waĩꞌiꞌatuꞌe Iuteuria. Yt naku i urumuꞌe miꞌi tã iꞌatuꞌe. Miꞌi hawyi Pauru tekamisa wato hep hawyi toipehuruk pehuruk iꞌatuewowi. Miꞌi hawyi toꞌe iꞌatuepe -Eiwepyi kahato ti eiwemoewasat eipe. Pyno yt uhehay pyi i raꞌyn wyti aria kape eweiwat e. Miꞌi hawyi ti aru iraniaꞌin ywania kape raꞌyn pyno areto iꞌatuepiat henoi hamo e Pauru Iuteuria pe.

Iesui Potmuꞌeria 13:51

Tuwenoꞌẽ hawyi Pauru Panape teꞌeruwepypitpitꞌok kahato Tupana etiat yt iwese i rakaria piat ikuap hamo. Miꞌi hawyi tuwat i raꞌyn wẽtup tawa Ikuniu kape.

Iruka 9:5

Maꞌato mekewat tawa piaria yt eikyꞌesat i pote waku meremo eiwenoꞌẽ mekewat tawa pyi maꞌato eiwenoꞌẽ turan waku eiwepiit pitꞌok eipy tawa sawiu meimuẽ ti miitꞌin yt nakuaria i e hap moherep hamo e.

Maku 6:11

Maꞌato tawa piaria yt iꞌatuwese i ehete yt teꞌeruwanetup teran i eimienoi uhetiat kape miꞌi pote eweiwat i raꞌyn iꞌatuetawa pyi e. Eiwenoꞌẽ hamo waku meiẽwat tawa sawiu eipy etiat koꞌi eiwepypitpitꞌok kahato iꞌatuehamo. Miꞌi tã ewetunug hawyi ti aru taꞌatukuap taꞌyn Tupana etiat yt taꞌatuwese i hap e Iesui topotpoꞌororia 12 ok takaria pe. Miꞌi hawyi tuwat raꞌyn typyꞌok tuereto tawa koꞌi upi Iesui yatypepyi ihay enoi hamo.

1 Tesaronika 4:8

Ipaꞌãu weꞌeg kahato rakat aimuꞌe hamuat. Miꞌi tupono uwe uwe topotmaꞌatꞌi maꞌatꞌi haryporiaꞌin ihainiaꞌin wywo yt tuweꞌeg i haype. Miꞌi hat topyhuꞌat Tupana ehay pun hatno. Iꞌewyte miitꞌin maꞌat hat miꞌi.

Iuwãu 13:20

Pywo ti uwe uwe uimipoꞌororia pe -Ereke ro e hat iꞌewyte uhepiat ereke ro e hat e Iesui. Miꞌi hawyi iꞌewyte uwe uwe uhepiat -Ereke ro e hat iꞌewyte uipoꞌoro hat piat ereke ro e hat e.

Maku 9:37

-Uwe uwe ti aru uhetiatno wẽtup ok hirokat kyꞌe meikowat ewy e miꞌi hat wyti uikyꞌe hatno topyhuꞌat e. Iꞌewyte uwe uwe uikyꞌe hat toineꞌen miꞌi hat ti aru yt Uito yn i uikyꞌe maꞌato Uipoꞌoro hat Tupana kyꞌe hatno topyhuꞌat wy e.

Mateu 18:5

Pyno uwe meiũ hirokat piat ereke ro e hat wyti uhepiat ereke ro e hat.

Iruka 9:48

Miꞌi hawyi Iesui toꞌe -Uwe ikyꞌe kahato meiũwat hirokat miꞌi hat wyti uikyꞌe hat toineꞌen. Iꞌewyte uwe uikyꞌe miꞌi hat wyti uimipoꞌoro hat kyꞌe hat toineꞌen. Kat pote uwe toineꞌen poꞌog ipyꞌa perupꞌi kahato rakat eipyꞌasetpiat miꞌi yn wyti toineꞌen kuap poꞌog iwato rakatno.

Mateu 10:13

Sio mekewat netawiaria eiꞌatuwaku pote waku mekewat iꞌatupoityro hap topyhuꞌat iꞌatuwywo. Maꞌato yt eikyꞌe haria ete yt topyhuꞌat kuap iꞌatupoityro hap e.