Mateu 10:12 - Sateré-Mawé

¹² Karãpe ewehytꞌok wẽtup netap wiat turan waku eweiꞌatupoityro o mekewat netawiaria.

Mateu 10:12 Referans Kwoze

2 Kuriniu 5:20

Koitywy toineꞌen Wuatꞌi Porekuat Koro wo. Miꞌi hawyi ainug topotpoꞌoro wo morekuat hit koꞌi wo wẽtup tawa kape wẽtup tawa kape tehay moherep hamo -Eweiꞌaipok to Tupana kape e hamo. Aikaꞌiwat Iesui toineꞌen atipy pe. Maꞌato uruto haipepiaria ihay moherep haria urutoꞌe. Tupana urupoꞌoro ehewowi eikyꞌe kahato haype. Worohoꞌokyꞌesat eipe uruwyriaꞌin wo i raꞌyn urutoꞌe. Eiwewyꞌinug no Tupana wywo urutoꞌe.

Iesui Potmuꞌeria 10:36

Mesup taꞌyn Tupana tipoꞌoro raꞌyn uruꞌywania pe temiit Iesui wuatꞌi ywania ehakyeraꞌat hanuat e Peteru. Koitywy ti Tupana Mipoꞌoro topyhuꞌat aipuꞌap Tupana kapiat hat e. Mesup mio tã e Tupana wuatꞌi pe -Koitywy waku raꞌyn eweiõꞌẽ uhowowi katupono Uhaꞌyru Iesui tunug naꞌyn aiwoꞌopiat woꞌowese hap e. Taꞌi mesup ti aiwoꞌoewaku hap tutunug naꞌyn e. Saꞌawyꞌi te ti uruepe Isareu ywania pe yn mio tã e maꞌato mesup wuatꞌi ywania pe mio tã e -Uhemiit Iesui ti atunug naꞌyn Wuatꞌi Porekuaria Porekuat no e Tupana wuatꞌi pusu kuap haria pe e Peteru.

3 Iuwãu 1:14

Miꞌi pote areto irane meremo ewowi. Uhehay teran ewywo haype. -Tupana etum o uiwy Kaiu pe iwepiit hap are Tupana pe.

Mateu 10:11

Miꞌi hawyi karãpe ewehytꞌok wẽtup tawa piat turan sio miitꞌin typyꞌi rakaria pyꞌasetpiat turan waku eweikat iraniaꞌin eikyꞌe haria waku ereke uiꞌyat pe e haria. Miꞌiria yat pe waku eweikupteꞌen eweiꞌaipok teran itote pywiat hap kape.

Mateu 10:13

Sio mekewat netawiaria eiꞌatuwaku pote waku mekewat iꞌatupoityro hap topyhuꞌat iꞌatuwywo. Maꞌato yt eikyꞌe haria ete yt topyhuꞌat kuap iꞌatupoityro hap e.