Maku 9:12 - Sateré-Mawé

¹² Miꞌi hawyi Iesui tiwesat -Pywo Eria tuut wyti aru saꞌawyꞌi aikotã hap etiat enoi hamo e. Etikuap kat pote tohenoi wy miwan me aikotã Miitꞌin Ykeꞌet hoꞌopot kahato hap etiat. Iꞌewyte aikotã miitꞌin miꞌatoiat wuat toineꞌen.

Maku 9:12 Referans Kwoze

Iruka 23:11

Iꞌewyte morekuat Eroti tesuraraꞌin wywo tikuasa kahato Iesui. Miꞌi hawyi morekuat esokpe ikahu kahato hap ewywuat taꞌatupag Iesui piit pe imohit hamo hawyi taꞌatupoꞌoro i raꞌyn morekuat Piratu kape.

Iruka 1:76

Miꞌi hawyi paꞌi Sakaria toꞌe tosaꞌyru Iuwãu me -Uhaꞌyru e meiũran ni aru ereineꞌen Tupana ywaiti piat ehay moherep hat. Iꞌewyte etimoherep wyti aru muap Tupana kapiat hatno e.

Iruka 23:39

Miꞌi hawyi mekewat wẽtup ok mekewat miit auka hat yt nakuat i tomoweukaꞌi haype Iesui wẽtup ariaꞌyp posak pyi -Pywo ti rat En nyti pywuat Tupana Mipoꞌoro pote uruhep to mesuwe pyi hawyi uruehakyeraꞌat ro En iꞌewyte erehakyeraꞌat ro meiũpe pyi ariaꞌyp posak pyi e Iesui pe.

Mateu 26:24

Taꞌi tohenoi yne ti raꞌyn saꞌawyꞌi miwan me aikotã aru Eheykeꞌet auka hamuat etiat e. Maꞌato ti aru mekewat uimaꞌat hat Tupana tiꞌuhu kahato e. Poꞌog yt naku i pe aru topyhuꞌat e. Taꞌi poꞌog teneke yt karãpe i tuwemoherep mesuwat yi totiat e. Poꞌog waku yt karãpe i toineꞌen e.

Mateu 16:21

Miꞌi turan eꞌyian mete Iesui henoi raꞌyn aikotã aru topyhuꞌat tetiat hap koꞌi temiitꞌin me -Pyno waku areto Ierusarẽi kape maꞌato itote ti aru Iuteuria akagnia iꞌewyte paꞌi koro koꞌi akag koꞌi iꞌewyte mekewat Muisei miwan kuap kahato haria ti aru uimosoꞌopot kahato itote hawyi ti aru uiꞌauka raꞌyn. Maꞌato ti aru myẽꞌym eꞌat hap ete arẽtem iraꞌyn guꞌuro pyi.

Maku 9:13

Pywo ti Eria ti putꞌok e raꞌyn haꞌawyte raꞌyn e hap ewy e. Taꞌi pywuat sese ti iꞌatumikyryꞌi kahato miꞌi ete. Taꞌatuꞌauka raꞌyn wyti aikotã saꞌawyꞌi wuat henoi hap ewy ti raꞌyn e Iesui towyriaꞌin myẽꞌym ok takaria pe muap upi yityꞌok tote pyi.

Maku 9:31

Katupono temiitꞌin muꞌe hamo neꞌi toto pote. Miꞌi hawyi muap upi toiꞌatumuꞌe muꞌe kahato raꞌyn towyriaꞌin -Meiũran ti aru Uito Eheykeꞌet miitꞌin mimaꞌat no arepyhuꞌat. Miꞌi hawyi uiꞌauka wyti aru e. Uikuꞌuro hawyi ti aru taꞌatusyp woꞌopyhyp hawe wen maꞌato myẽꞌym eꞌat yn uikuꞌuro hawyi areineꞌen i raꞌyn guꞌuro pyi Uito Eheykeꞌet e.

Maku 10:33

-Watuwat hamuat wyti tawa Ierusarẽi kape e. Putꞌok watoꞌe itote hawyi ti aru Miitꞌin Eꞌykeꞌet paꞌi kororia iꞌewyte miwan enoi haria topag naꞌyn suraraꞌin po pe raꞌyn e. Miꞌi hawyi miꞌiria ti aru ipoꞌoro raꞌyn iꞌauka hamuat kape e hawyi ti aru iraniaꞌin ywania po pe ipag iꞌauka hamo e.

Iesui Potmuꞌeria 1:6

Wẽtup eꞌat tokosap hawyi apo iꞌatuꞌe Iesui pe -Urukaꞌiwat iꞌatuꞌe koitywy apo etiꞌatuehakyeraꞌat irane raꞌyn aiꞌywania ahewanikaptia po pyi sio yt iꞌatuꞌe. Koitywy apo aiꞌywania pe etum i raꞌyn aheꞌyi sio yt iꞌatuꞌe.

Iesui Potmuꞌeria 4:11

Iesui ti Nu Wakuat kahato ewy e. Miꞌi Nu wo Tupana tunug naꞌyn toꞌyat koro sese e. Pywo ti rat Nu iheg kahato rakat ewy kahato Iesui e. Miꞌi waku uiꞌyat koro nug hamuat e Tupana saꞌawyꞌi morekuat Tawi miwan me Saumu 118.22 pe e ehepe wen maꞌato mekewat Nu pun haria wo kahato eweikupteꞌen mesup eiperia e. Yt naku i kahato e. Maꞌato Eimipun wo ti Tupana haꞌawynug naꞌyn toꞌyat sese e.