Maku 8:21 - Sateré-Mawé

²¹ Miꞌi hawyi Iesui toꞌe -Yt eweikuap i apo kat etiat som ahenoi teran e.

Maku 8:21 Referans Kwoze

Maku 6:52

Katupono saꞌawyꞌi teꞌeraꞌakasa Iesui minug koꞌi 5 man etiat maꞌato yt taꞌatukuap i uwe sese Iesui hap iꞌatupyꞌa heg mote yt taꞌatumohey kuap i.

Maku 8:12

Mio tã iꞌatuꞌe pote Iesui hatyꞌu kahato topyꞌa pe hawyi ahenꞌẽ poityꞌi hawyi toꞌe mio tã e haria pe -Kat poteĩ mesuwiaria tikyꞌesat kahato atimoherep yt miitꞌin misepap koꞌi ewywuat i uimohey hamo e. Eweikyꞌesat pykai yt atunug i e Iesui yt tomohey i haria tewanikaptia pe.

1 Kuriniu 15:34

Aikotã watoineꞌen pya hesoꞌok takaria pupi hap ewy waku watoineꞌen miꞌiria pupi. Eweiꞌaipok to eiwemoweꞌeg hamo. Ewetoiat ro saꞌag nug hap koꞌi katupono iꞌatu kahato aria kapiat wat hanuaria tawa Kurintiu piaria katupono yt karãpe i eweiꞌatumuꞌe miꞌiria Aipotypot Iesui ete. Waku eiwemoti aria kapiat ehehay pyi tuwat hap pupi.

1 Kuriniu 6:5

Maꞌato suraraꞌin watikay kay mesuwarotiat aiwuꞌuka wuꞌuka hap monik hamo miꞌi tã pote waku watuwemoti mekewat yt aiweꞌeg i hap neꞌi pupi yt uwe i eipyꞌasetpe iweꞌeg nakat eiwuꞌuka hap moma hamo. Maꞌato Iesui mohey haria waku watikat aipyꞌasetpe wẽtup ok iweꞌeg nakat aiwuꞌuka hap moma hamo uwe waku uwe yt naku i e hamo.

Iuwãu 14:9

Miꞌi pote Iesui Wiripi wesat -Kat pote yt uikuap i en uiwy Wiripi e katupono areineꞌen motꞌi kahato raꞌyn eipyꞌasetpe maꞌato apo yt uikuap i te en e. Uhewowiat akasa haria wyti Uiꞌywot kapiat akasa haria tukupteꞌen e. Kat pote -Etomoherep to Eꞌywot uruepe ereꞌe e Iesui Wiripi pe.

Maku 9:19

Miꞌi hawyi Iesui toꞌe -Taꞌi yt uimohey i haria miitꞌin mesuwat yi totiaria. Karania eꞌat ti aru areineꞌen eiwywo eimuꞌe uimohey mono uiꞌe haype e. Karamuo putꞌok e uimohey ehepiat hap worohoꞌomuꞌe motꞌi pykai e. Pyno eterut ro meikowo uhewowi esaꞌyru e Iesui ahiag ipiit piat rakat ywot pe.

Maku 8:17

Miꞌi hawyi Iesui tikuap hawyi toꞌe iꞌatuepe -Kat pote aheman yt iwato i eweiꞌe eiwoꞌope e. Yt eweikuap i te uhetiat hap. Eipyꞌa heg kahato te apo e.

Maku 8:22

Miꞌi hawyi putꞌok iꞌatuꞌe ysakpo tawa Pesaita pe. Miꞌi turan so taꞌatuerut Iesui ewowi yt iha pytig i rakat -Pyno uruhẽtup kahato ehewowi meiũwat yt iha pytig i rakat imoehãite hamuat iꞌatuꞌe.