Maku 3:12 - Sateré-Mawé

¹² Miꞌi pote Iesui waĩꞌe ahiagnia pe -Eipoꞌinik to e. Yt ewehenoi teiꞌo eimikuap uwe Uito hap e Iesui ahiagnia pe.

Maku 3:12 Referans Kwoze

Mateu 12:16

Miꞌi hawyi toiꞌatupoꞌoro raꞌyn toran toꞌe iꞌatuepe -Yt uwe pe teiꞌo ewehenoi uwe uito e hap e.

Maku 1:34

Miꞌi hawyi itote Iesui tiꞌatumoehãite iꞌatu kahato iꞌahuu rakaria. Iꞌewyte ahiagnia toiꞌatusopo kahato miitꞌin piit pyi. Miꞌi hawyi toꞌe i ahiagnia pe -Eipoꞌinik to ahiagnia e. Iesui yt tero i ahiagnia iꞌatuehay hamo katupono taꞌatukuap taꞌyn uwe Iesui.

Maku 1:25

Miꞌi pote Iesui waĩꞌe haty wo -Epoꞌinik to ahiag e. Erẽtem no meiẽwat miit piit pyi e.

Mateu 8:4

Miꞌi hawyi Iesui toꞌe -Pyno erewanetup uhehay kape uhyt. Pyno yt uwe pe teiꞌo ehenoi uiminug etiat e maꞌato waku ereto ro paꞌiria kape hawyi waku ehenoi ro paꞌiria kape. Miꞌi kaipyi ti aru ekuap taꞌyn wuatꞌi miitꞌin ehãite raꞌyn hap etiat e. Pyno waku ereto hawyi waku etum Tupana motypot hamuat aikotã Muisei mienoi ewy.

Iesui Potmuꞌeria 16:18

Miꞌi e hap ewy ti yne eꞌat pe mio tã e ihay Pauruꞌin upi. Ihay poꞌog poꞌog moityꞌi pote Pauru yt tikyꞌesat i poꞌog. Miꞌi hawyi tuwemorem howawi hawyi toꞌe -Uito ti morekuat Iesui mipoꞌoro. Miꞌi tupono areꞌe -Ereto ro meiũwat piꞌã piit pyi e ahiag paꞌãu me. Mio tã e hawyi tuwẽtem naꞌyn meremo ipiit pyi.

Mateu 9:30

Miꞌi hawyi meremo iꞌatuehapytig naꞌyn hawyi Iesui tiꞌatunapin -Uhytꞌiꞌin yt uwe pe teiꞌo ewehenoi uiminug eimoehapytig hap e haty wo tomimoehãite koꞌi pe.