Maku 13:8 - Sateré-Mawé

⁸ Iꞌewyte ti aru wẽtup ywania wẽtup ywania wywo ti aru toꞌoꞌatuuka atuuka iꞌewyte ti aru wẽtup setama wẽtup setama wywo toꞌoꞌatuuka atuuka yne mesuwat yi wato hap oktan e. Miꞌi hap ewy ti aru aikope aikope yi huruk hurukꞌe. Iꞌewyte iꞌatu rakaria hesyꞌat rakaria teꞌeropyhuꞌat yt kat i miꞌu mesuwat rotiat pote e. Meiũran topyhuꞌat aikotã haryporia mepyt wemoherep hap eꞌat katupono toineꞌen saꞌawyꞌi wuat haty hap wen maꞌato meiũran ti aru poꞌog poꞌog haty wo rakat tuut e.

Maku 13:8 Referans Kwoze

Mateu 24:8

Miꞌi hap koꞌi ti aru pyno haꞌawynug hap taꞌyn miꞌi tã taꞌatunug e. Maꞌato ti aru yt hoꞌopot hap sese i te e.

Iesui Aru E Hap 6:4

Miꞌi hawyi araꞌakasa wẽtup ok surara akag aihũ Kawaru hup kahato rakat okpe tote. Miꞌi hawyi hesaika kahato morekuat no topyhuꞌat. Taꞌatunug miꞌi taꞌatuꞌakag akag wo. Miꞌi hawyi toiꞌatumuꞌe kahato tesuraraꞌin me miitꞌin moma kuap kahato hap. Miꞌi hawyi toto te miitꞌin wywuat wuꞌuka hamo mesuwat yi totiaria yne wywo hamo. Miꞌi hawyi totat raꞌyn surara wato kyseꞌyp ewywuat wuatꞌi moperup hamo. Miꞌi hawyi yt kat i topyhuꞌat woꞌowese hap mesuwat yi tote maꞌato woꞌoꞌauka haria yn tukupteꞌen itote. Miꞌi hap kape araꞌakasa.

1 Tesaronika 5:3

Miꞌi turan ti aru miitꞌin teꞌeroꞌe toꞌope -Yt kat i wyti poꞌog hoꞌopot hap iꞌatuꞌe aru. Yt eweikenꞌẽ teiꞌo iꞌatuꞌe katupono waku pe raꞌyn watoineꞌen iꞌatuꞌe maꞌato yt pywo pe i. Katupono hupiꞌa rakat haryporia ete watikuap imepyt haty hap meremo putꞌok e tuwete hap ewy meremo putꞌok e hamuat ikahuro hap eꞌat imoma hap eꞌat meremo putꞌok e. Yt uwe i aru tuwemig kuap i aru mekewat eꞌat pe.

Iesui Potmuꞌeria 11:28

Wẽtup ok Tupana ehay moherep hat ti mehin Akapu. Miꞌi tiꞌatumuꞌe kahato itotiaria -Pywo ti rat meiũran irane ti yt kat i hin i hamuat iꞌaman yne mesuwat yi tote toineꞌen e. Miꞌi hawyi ti aru mikoi koꞌi topap kahato hawyi yt kat hin i eimiꞌu topyhuꞌat aru e Tupana uhepe e Akapu. Miꞌi hap ewy topyhuꞌat kahato aikotã toꞌe hap ewy mekewat morekuat Kautiu topyhuꞌat morekuat pakup mo hap eꞌat pe ikahuro raꞌyn iꞌaman yne yi wato hap oktan.

Maku 13:7

Miꞌi hap upi ti aru toĩ wuꞌuka hap koꞌi wuatꞌi setama puo iꞌewyte ehetama puo iraniaꞌin etama puo wyti aru yne kaipyi wuꞌuka hap sehay eweikuap maꞌato o yt gytꞌeweiꞌe teiꞌo katupono ti aru yt ikahuro hap i te e.

Maku 13:9

Eiwanetup kahato o katupono wyti aru ehum wanikaptia po pe raꞌyn eipe tuꞌisaria po pe raꞌyn eipe e. Miꞌi hawyi eiꞌahyk ahyk wyti aru Tupana motypot hawe e. Miꞌi hawyi ti aru iꞌatuporekuat po pe iꞌatuetuꞌisa po pe eweikupteꞌen hawyi ehenoi kuap uhetiat hamuat e.