Maku 13:6 - Sateré-Mawé

⁶ Taꞌi miꞌiria ti -Uito ti Tupana Mipoꞌoro Miitꞌin Porekuat nuat raꞌyn iꞌatuꞌe ti aru miitꞌin me maꞌato iꞌatueso. Teꞌeropotmaꞌat kahato ti aru mio tã iꞌatuꞌe e.

Maku 13:6 Referans Kwoze

Maku 13:22

Katupono ti aru iꞌatu kahato -Uito Tupana Mipoꞌoro Eiporekuat nuat e haria ewywuat saꞌag koꞌi teꞌeruwemoherep mesuwat yi totiat kape e. Tupana ehay henoi saꞌag haria neꞌi yt pywo pe i maꞌato teꞌeruwemotypot hanuaria e. Miꞌiria ti aru aikotã aikotã imoherep taꞌatuesaika hap iwato rakat iꞌatuminug koꞌi ti aru yt miit minug kuap i ewy taꞌatunug Tupana miꞌairoria sese maꞌat reran haype e.

1 Iuwãu 4:1

Uiwyriaꞌin yt eweimohey teiꞌo yne woꞌomuꞌe haria -Uito Tupana Paꞌãu eiam iꞌatuꞌe pykai. Waku eweikat i kat i miꞌiria sio Tupana Paꞌãu eiam sio yt hap kuap hamo. Katupono iꞌatu kahato woꞌomuꞌe haria mesuwat yi totiaria yt pywo piat haria i katupono wẽtup paꞌãu iꞌatupiit pe.

Iuwãu 8:24

Haꞌawyte areꞌe ehepe -Eiminug saꞌag koꞌi yt hep i te turan ti aru eweipap yt uimohey i pote are e Iesui nagnia pe.

Iuwãu 5:43

Ariot ti Uiꞌywot ehay pyi maꞌato yt eiwese i uhete maꞌato miitꞌin tuwehay pywiat neꞌi suut hat putꞌok e eipyꞌasetpe hawyi miꞌi ete eiwese raꞌyn e.

Mateu 24:11

Miꞌi hawyi ti aru wẽtup ok wẽtup ok tuwemowato -Uito ti meiũ Tupana mipoꞌoro tehay enoi hanuat iꞌatuꞌe aikowo aikowo tuwemowato maꞌato ti aru yt pywo pe ti e. Iꞌatu rakaria maꞌat haria wo teꞌeropyhuꞌat. Ipotmuꞌeria ti aru iꞌatu kahato e.

Mateu 24:5

Uhet eroꞌok hap kaipyi ti aru mio tã iꞌatuꞌe -Uito ti Tupana mipoꞌoro eiporekuat nuat iꞌatuꞌe.

Maku 13:5

Miꞌi hawyi Iesui tiꞌatuwesat -Uiwyriaꞌin eiweꞌeg wo o katupono meiũran tuut aru eimaꞌat reran haria e.

Maku 13:7

Miꞌi hap upi ti aru toĩ wuꞌuka hap koꞌi wuatꞌi setama puo iꞌewyte ehetama puo iraniaꞌin etama puo wyti aru yne kaipyi wuꞌuka hap sehay eweikuap maꞌato o yt gytꞌeweiꞌe teiꞌo katupono ti aru yt ikahuro hap i te e.

Iuwãu 8:28

Miꞌi pote Iesui toꞌe -Maꞌato meiũran eweimopoĩꞌam eheykeꞌet ariaꞌyp posak ete hap eꞌat pe ti aru eweikuap taꞌyn uwe Uito e. Iꞌewyte ti aru eweikuap yt kat i atunug uiwehay pyi maꞌato Uiꞌywot ehay yn uinapin hap ewy ahenoi ehepiat hap e.