Maku 13:21 - Sateré-Mawé

²¹ Miꞌi hawyi ti aru miitꞌin teꞌeroꞌe ehepe -Taꞌi aiporekuat Aipotypot Tupana Mipoꞌoro wyti putꞌok e raꞌyn iꞌatuꞌe ti aru. Toꞌiro eweiꞌakasa pyno iꞌatuꞌe ti aru ehepe. Maꞌato ti aru yt eweimohey teiꞌo -Eheso eweiꞌe ro iꞌatuepe e.

Maku 13:21 Referans Kwoze

Iruka 21:8

Miꞌi hawyi Iesui tiꞌatuwesat topotpoꞌororia pe -Eiweꞌeg wo o are katupono wyti aru uhet wywo uhet eroꞌok haria putꞌok iꞌatuꞌe ehepe eimaꞌat hamo are. -Uito miitꞌin porekuatno Tupana mipoꞌoro iꞌatuꞌe wyti aru. -Uito ti ariot raꞌyn eiporekuat koro wuat iꞌatuꞌe aru maꞌato yt eweiwanetup teiꞌo iꞌatueso rakaria kape are katupono eimaꞌat hamo tõꞌẽ are.

Mateu 24:5

Uhet eroꞌok hap kaipyi ti aru mio tã iꞌatuꞌe -Uito ti Tupana mipoꞌoro eiporekuat nuat iꞌatuꞌe.

Iuwãu 5:43

Ariot ti Uiꞌywot ehay pyi maꞌato yt eiwese i uhete maꞌato miitꞌin tuwehay pywiat neꞌi suut hat putꞌok e eipyꞌasetpe hawyi miꞌi ete eiwese raꞌyn e.

Maku 13:20

Taꞌi miitꞌin topap topap kahato mekewat eꞌat pe e. Miꞌi tupono ti aru Tupana titek taꞌyn miꞌi hap eꞌat -Yt atikyꞌesat poꞌog hoꞌopot hap e aru tomiꞌairoria etiatno e. Yt pote miitꞌin topap yne mesuwat yi totiaria e.

Maku 13:22

Katupono ti aru iꞌatu kahato -Uito Tupana Mipoꞌoro Eiporekuat nuat e haria ewywuat saꞌag koꞌi teꞌeruwemoherep mesuwat yi totiat kape e. Tupana ehay henoi saꞌag haria neꞌi yt pywo pe i maꞌato teꞌeruwemotypot hanuaria e. Miꞌiria ti aru aikotã aikotã imoherep taꞌatuesaika hap iwato rakat iꞌatuminug koꞌi ti aru yt miit minug kuap i ewy taꞌatunug Tupana miꞌairoria sese maꞌat reran haype e.