Maku 10:1 - Sateré-Mawé

¹ Miꞌi hawyi Iesui toto i raꞌyn yi Iuteu kape. Miꞌi hawyi toto Iutãu hy sakpo. Miꞌi hap tote teꞌeruwaꞌatunug typyꞌi kahato howa kape. Miꞌi hawyi tohenoi henoi iꞌatuepe tomikyꞌesat ewy Tupana ehay.

Maku 10:1 Referans Kwoze

Iuwãu 10:40

Mio tã e rakirẽ Iesui toto raꞌyn Iutãu hy sakpo saꞌawyꞌi wuat Iuwãu ieineꞌen miitꞌin iꞌatusetꞌok hap kape.

Maku 4:2

Miꞌi hawyi tohenoi henoi sehay iãꞌãkap wuo iꞌatuepe.

Iuwãu 11:7

Typy eꞌat tokosap hawyi toꞌe temiitꞌin me -Pyno toꞌiro tawa Petania yi Iuteu piat kape e.

Maku 6:34

Miꞌi hawyi Iesui tuwehik hawyi tuwẽtem yara pyi. Miꞌi turan yahig note yẽpeke toiꞌatupuẽti miitꞌin typyꞌi kahato hawyi toiꞌatukyꞌe kahato katupono toiꞌatupuẽti aikotã hũria Uweiria koꞌi ewy aikotã yt ikaꞌiwat rakaria i ewy toiꞌatupuẽti. Miꞌi hawyi Iesui tiꞌatumuꞌe.

Mateu 4:23

Miꞌi hawyi Iesui toto i itote pyi yi wato Karireia piaria muꞌe hamo i raꞌyn. Toiꞌatumuꞌe kahato sehay wakuatno Tupana motypot yat pe. Iꞌewyte iꞌahuu rakaria toiꞌatumoehãite kahato aikotã aikotã iꞌatuꞌahuu rakaria toiꞌatumoehãite kahato itote.

Iuwãu 18:20

Miꞌi hawyi Iesui tiwesat -Uito ti herep wuo atiꞌatumuꞌe Tupana yat iwato rakat pe. Iꞌewyte kat pe ahenoi henoi kahato miitꞌin sem me aikope aikope teꞌeruwaꞌatunug hap tote Tupana motypot yat iwato rakat pe. Iꞌewyte kat e hap ahenoi henoi kahato miitꞌin sem me aikope aikope teꞌeruwaꞌatunug hap tote. Yt kat i ti miitꞌin muꞌe hap atunug ihik pe neꞌi e.

Maku 6:6

Iesui tuwanetup kahato yt tomohey i haria kape. Tetama piaria toꞌyat piaria pykai yt imohey hin i haria wo tukupteꞌen.

Maku 2:13

Miꞌi hawyi toto raꞌyn Iesui tawa pyi yi Karireia hyemyiꞌa hy ẽpe kape. Miꞌi hawyi yi kyt upi tõꞌẽ tõꞌẽ miitꞌin typyꞌi kahato hewowi. Miꞌi hawyi tohenoi henoi iꞌatuepe.

Mateu 26:55

Miꞌi hawyi Iesui toꞌe õꞌẽ haria pe -Kat hamoĩ eweĩꞌẽ uhewowi kyseꞌyp koꞌi wywo ariaꞌyp akun koꞌi wywo. Pyno seroꞌok e hat apo Uito. Miꞌi pote apo eweĩꞌẽ uhewowi. Saꞌawyꞌi te kue areineꞌen wuatꞌi eꞌat pe Tupana motypot yat pe eimuꞌe hamo maꞌato kue eipe yt kat eweiꞌe hin i. Yt uipytyk i eipe paĩ e.

Maku 1:21

Miꞌi hawyi toto i raꞌyn Iesui temiitꞌin wywo tawa Kawanaum kape. Tupana motypot hap eꞌat pe hawyi Iesui teke Tupana motypot yat pe itotiaria muꞌe hamo.

Maku 6:2

Miꞌi hawyi Tupana motypot hap eꞌat pe Iesui henoi henoi tetawa Nasare piaria pe Tupana motypot yat pe. Miꞌi pote itotiaria teꞌeruwanetup kahato hawyi teꞌeroꞌe -Aikope pyi meiẽwat tuut iꞌatuꞌe. Aikope pyi so tohepap wakuap nug topowuat hap koꞌi iꞌatuꞌe. Aikope pyi iweꞌeg kahato hap aimuꞌe hamo iꞌatuꞌe. Uweĩ hum iꞌatuꞌe.

Maku 10:2

Miꞌi turan nagnia ehay enoi haria tõꞌẽ howa kape imaꞌat teran haype apo iꞌatuꞌe -Uhyt urunapin En sio waku apo urueharyꞌi wywo urutoꞌoꞌatoiat wẽtup ok wywuat i raꞌyn hamo iꞌatuꞌe Iesui pe.

Maku 12:35

Miꞌi hawyi toꞌe Iesui Tupana motypot yat piaria pe -Kat poteĩ einapin haria mio tã iꞌatuꞌe ehepe -Wẽtup ok morekuat Tawi emiariru aru topyhuꞌat Wuatꞌi Miitꞌin Porekuat no iꞌatuꞌe ehepe e.

Maku 14:49

Haꞌawyte areineꞌen aat eiwywo Tupana motypot yat pe wuatꞌi eꞌat pe eimuꞌe hamo maꞌato mekewat eꞌat pe yt uipytyk hin i eipe e. Maꞌato mesup ti aikotã nimo tohenoi yian me miwan me uhetiat hap ewy ti raꞌyn uipytyk eipe e topyhik haria pe.