Maku 1:44 - Sateré-Mawé

⁴⁴ Waku ereto ro paꞌiria kape hawyi etomoherep to iꞌatuepe emog uhepiat hap. Miꞌi hawyi aikotã ahaꞌaseꞌi Muisei ainapin hap ewy etum emiium hawyi iraniaꞌin emoehãite hap taꞌatukuap taꞌyn e.

Maku 1:44 Referans Kwoze

Iruka 17:14

Miꞌi hawyi Iesui taꞌakasa iꞌatuewowiat hawyi toikuap iꞌatuehay hawyi toꞌe iꞌatuepe -Eweiwat ro paꞌi koꞌi kape eipiit moherep iꞌatuepiat hamo ehehãite hap moherep hamo e iꞌatuepe. Tohenoi hawyi hepihi pihi rakaria tuwat raꞌyn paꞌi koꞌi kape yt taꞌatuehãite hin mywo i te tuwat maꞌato muap upiat tuwat hap tote iꞌatuehãite raꞌyn taꞌatuehepihi kãꞌã raꞌyn iꞌatupe kahuria raꞌyn.

Mateu 8:4

Miꞌi hawyi Iesui toꞌe -Pyno erewanetup uhehay kape uhyt. Pyno yt uwe pe teiꞌo ehenoi uiminug etiat e maꞌato waku ereto ro paꞌiria kape hawyi waku ehenoi ro paꞌiria kape. Miꞌi kaipyi ti aru ekuap taꞌyn wuatꞌi miitꞌin ehãite raꞌyn hap etiat e. Pyno waku ereto hawyi waku etum Tupana motypot hamuat aikotã Muisei mienoi ewy.

1 Kuriniu 10:11

Yne mesuwarotiat ikahuro hamuat yt pya hin i raꞌyn. Waku ahewyry iweꞌeg nakaria ewy. Waku watokenꞌẽ ahaꞌaseꞌiꞌin minug saꞌawyꞌi wuat pupi katupono aimoweꞌeg hamo Tupana tiwan ahaꞌaseꞌiꞌin minug koꞌi etiat.

Humanu 15:4

Uiwyriaꞌin yne yne Tupana e hap miwan miat saꞌawyꞌi wuat toineꞌen aimuꞌe hamo. Pywo ti rat saꞌawyꞌi wuat miwan aimuꞌe kahato hap topyhuꞌat aiꞌarot hap hep kahato hamuat. Miꞌi e hap koꞌi aimoesaika kahato imohey hap ete. Watuwemuꞌe saꞌawyꞌi wuat miwan ete hawyi watikuap kahato yne Tupana e hap -Atunug aru e hap koꞌi. Watikuap kat som tutunug aru hawyi wahekatup kahato iꞌe hap ewywuat eꞌat putꞌok e hap. Miꞌi hawyi aimowepiit kahato hap topyhuꞌat katupono watikuap waku kahato aru Tupana tunug aru ahepe toꞌe hap ewy watikuap miwan saꞌawyꞌi wuat kaipyi.

Iruka 5:14

Miꞌi hawyi Iesui toꞌe tomioehãite pe -Yt uwe pe teiꞌo ehenoi emoehãite uhepiat hap e. Maꞌato waku ereto paꞌi koro kape ewepiok hamo sio waku raꞌyn epihi tokãꞌã sese raꞌyn hap kuap hamo. Ereto hawyi waku etum ehũ Tupana motypot hamo aikotã Muisei e hap ewy.

Maku 1:43

Miꞌi hawyi Iesui tinapin hatywo -Pyno waku raꞌyn epe etiat uhyt e. Miꞌi pote areꞌe epe ereto ro paꞌi koꞌi kape hawyi epiit kahu hap etomoherep to iꞌatuepe e. Miꞌi hawyi etum o emiium Muisei napin hap e. Maꞌato iraniaꞌin me o yt etomoherep teiꞌo emoehãite hap muap upiaria pe e.

Iesui Potmuꞌeria 23:22

Miꞌi hawyi ikoro tiwesat -Kurum waku ereto maꞌato waĩ yt ehenoi teiꞌo. Yt uwe pe teiꞌo ehenoi -Taꞌi ahenoi raꞌyn surara akag me yt ere teiꞌo e ikoro Pauru mimoehapyap we.