Maku 1:4 - Sateré-Mawé4 Miꞌi hap ewy raꞌyn Iuwãu putꞌok e raꞌyn Tupana saꞌyru uut hap etiat enoi hamo miitꞌin woꞌosetꞌok hamuat Tupana toꞌe hap ewy. Miꞌi ti yahig note tohenoi henoi kahato miitꞌin me -Eweitotiat eiminug yt naku i hap koꞌi e. Miꞌi hawyi Tupana timoweityk taꞌyn eiminug saꞌag hap koꞌi e. Mio tã ewetunug hawyi worohoꞌosetꞌok e Iuwãu miitꞌin me. Gade chapit la |
Taꞌi eweikuap taꞌyn ni yne Iesui tawa Nasare piat ieineꞌen hat etiat e katupono saꞌawyꞌi yne tawa Iuteu kaipywiaria henoi kahato raꞌyn heineꞌen i hap ehepe e. Saꞌawyꞌi ahetꞌok hat Iuwãu hetꞌok Iesui. Miꞌi hawyi Iesui haꞌawynug naꞌyn topotpap hap uruetama Karireia pe e. Miꞌi hap etiat yne eweikuap taꞌyn e.
Uito ti worohoꞌosetꞌok yꞌy wo neꞌi. Urutoiat yne raꞌyn uruminug saꞌag yt nakuat i hap koꞌi eiꞌe moherep hap. Maꞌato Uhaipe piat tuut rakat wyti aru ehetꞌok Tupana Paꞌãu wakuatno raꞌyn iꞌewyte aria wo raꞌyn. Taꞌi miꞌi miit ri poꞌog poꞌog uikawiat wakuat are e. Uiat uhewaku hap ti yt putꞌok e hin i hemiit ipysei hamo ipy sokpe pag hamo e.