Maku 1:26 - Sateré-Mawé

²⁶ Miꞌi pote meiẽwat miit ahiag tihuruk tuwẽtem tehay pirik wuat haype.

Maku 1:26 Referans Kwoze

Maku 9:26

Miꞌi hawyi ahiag tuwẽtem naꞌyn kak toꞌe kak toꞌe popuo hawyi toihuruk huruk kurum tuwẽtem hawe. Miꞌi hawyi kurum taꞌat yi tote ikuꞌuro rakat ewy raꞌyn. Miꞌi pote -Ikuꞌuro raꞌyn wyti iꞌatuꞌe raꞌyn iraniaꞌin.

Maku 9:20

Miꞌi hawyi meremo taꞌatuerut raꞌyn hewowi. Miꞌi hawyi taꞌakasa raꞌyn Iesui Ewa kape hawyi ahiag tipun hirokat yi tote hawyi toiꞌokhyt morem morem hawyi iwẽ enãpuk taꞌyn.

Iruka 11:22

Maꞌato putꞌok e wẽtup ok poꞌog hesaika rakat yat kaꞌiwat esaika hap kai pote toihep taꞌyn yne yat kaꞌiwat imoesaika hap koꞌi. Toineꞌen saꞌawyꞌi yat kaꞌiwat imimohey hap koꞌi imoesaika hamuat maꞌato wẽtup ok poꞌog hesaika rakat putꞌok e hawyi toiꞌaputsit raꞌyn getap kaꞌiwat.

Iruka 9:42

Miꞌi hawyi kurum putꞌok e Iesui etiat turan maꞌãu saꞌag teke iraꞌyn kurum piit pe hawyi maꞌãu saꞌag tipun tipun kahato raꞌyn yi tote. Miꞌi pote Iesui toꞌe maꞌãu saꞌag me -Erẽtem no maꞌãu saꞌag e. Mio tã e hawyi waku iraꞌyn kurum ete hawyi tohenoi iraꞌyn kurum iꞌywot pe.

Iruka 9:39

Maꞌato maꞌãu saꞌag teke hawyi meremo uimepyt ihay pirik tuereto hawyi hesoꞌok kahato hawyi iwẽ inãpuk taꞌyn. Maꞌãu saꞌag tiꞌahyk ahyk kahato hawyi tuereto pote yt ipohep kuap i maꞌãu saꞌag uimepyt ete pyi.

Maku 1:25

Miꞌi pote Iesui waĩꞌe haty wo -Epoꞌinik to ahiag e. Erẽtem no meiẽwat miit piit pyi e.

Maku 1:27

Miꞌi pote iraniaꞌin teꞌeruwanetup kahato hawyi apo iꞌatuꞌe toꞌope -Uweĩ meiẽ woꞌomuꞌe hat iꞌatuꞌe. Yt wataꞌakasa i meiẽwat ewywuat tehay esaika wuat ahiag sopo hat iꞌatuꞌe.