Maku 1:21 - Sateré-Mawé

²¹ Miꞌi hawyi toto i raꞌyn Iesui temiitꞌin wywo tawa Kawanaum kape. Tupana motypot hap eꞌat pe hawyi Iesui teke Tupana motypot yat pe itotiaria muꞌe hamo.

Maku 1:21 Referans Kwoze

Maku 6:2

Miꞌi hawyi Tupana motypot hap eꞌat pe Iesui henoi henoi tetawa Nasare piaria pe Tupana motypot yat pe. Miꞌi pote itotiaria teꞌeruwanetup kahato hawyi teꞌeroꞌe -Aikope pyi meiẽwat tuut iꞌatuꞌe. Aikope pyi so tohepap wakuap nug topowuat hap koꞌi iꞌatuꞌe. Aikope pyi iweꞌeg kahato hap aimuꞌe hamo iꞌatuꞌe. Uweĩ hum iꞌatuꞌe.

Maku 1:39

Miꞌi hawyi toto i raꞌyn Iesui yi Karireia piat Tupana motypot yat piaria enoi hamo. Iꞌewyte itote turan toiꞌatusopo ahiagnia miitꞌin piit pyi.

Mateu 4:23

Miꞌi hawyi Iesui toto i itote pyi yi wato Karireia piaria muꞌe hamo i raꞌyn. Toiꞌatumuꞌe kahato sehay wakuatno Tupana motypot yat pe. Iꞌewyte iꞌahuu rakaria toiꞌatumoehãite kahato aikotã aikotã iꞌatuꞌahuu rakaria toiꞌatumoehãite kahato itote.

Iesui Potmuꞌeria 17:2

Miꞌi pe Pauru teke towat teko ewy raꞌyn nug hamuat. Miꞌi tote miwan Tupana ehay kaipyi Pauru tiꞌatumuꞌe. Miꞌi hawyi myẽꞌym Sapatu eꞌat toꞌowesat wesat Pauru wywo.

Iesui Potmuꞌeria 18:4

Maꞌato itote yne Sapatu eꞌat pe Pauru toto Tupana motypot yat kape toꞌywania atumuꞌe hamo. Toiꞌatuporerokosap teran tehay wo Kereku ywania Iuteu ywania Iesui kape.

Mateu 4:13

Maꞌato toineꞌen ni tawa Nasare pe maꞌato toto tawa Nasare pyi tawa Kawanaum kape. Putꞌok toꞌe itote hawyi toto tomotag hap tawa Nasare pyi tawa Kawanaum kape mekewat Karireia hyemyiꞌa ẽpe totiat tawa mekewat set Sepurum eꞌyi totiat tote. Iꞌewyte Natari eꞌyi totiat tawa pe toineꞌen.

Iruka 13:10

Miꞌi hawyi Iesui toineꞌen i raꞌyn wẽtup Tupana motypot yat pe i raꞌyn miitꞌin muꞌe hamo.

Iruka 10:15

Iꞌewyte tawa Kawanaum piaria yt putꞌok eweiꞌe hin i atipy piat pe. -Taꞌi uruto poꞌog naꞌyn toranniaꞌin kai urutopyhuꞌat e haria eipe wen maꞌato eiwemaꞌat neꞌi mio tã eweiꞌe katupono ti aru eikuꞌuro hawyi eikuꞌuro sese rakaria wywo eweipyhuꞌat.

Iruka 4:16

Miꞌi hawyi toto iraꞌyn tawa Nasare kape aiũpe saꞌawyꞌi tuwemotag hap kape. Itote teke raꞌyn Tupana motypot hap eꞌat pe mekewat woꞌomuꞌe koro hap yat pe. Aikotã taꞌatueko ewy. Itote ipoĩꞌam Tupana ehay mowẽpap hamo.

Maku 10:1

Miꞌi hawyi Iesui toto i raꞌyn yi Iuteu kape. Miꞌi hawyi toto Iutãu hy sakpo. Miꞌi hap tote teꞌeruwaꞌatunug typyꞌi kahato howa kape. Miꞌi hawyi tohenoi henoi iꞌatuepe tomikyꞌesat ewy Tupana ehay.

Maku 2:1

Meiũran Iesui taꞌaipok i raꞌyn tawa Kawanaum kape. Putꞌok toꞌe itotiat hawyi teke wẽtup netap we. Toineꞌen porapꞌi itotiat hap hawyi miitꞌin tikuap taꞌyn aikope Iesui ieineꞌen hap.

Maku 1:20

Miꞌi hawyi toiꞌatukay kay meremo miꞌiria hawyi tuwat raꞌyn hupi yara pyi taꞌatuꞌywot wywuat pyi. Miꞌi hawyi Sepeteu topyhuꞌat temiitꞌin wywo yara pe.

Maku 1:29

Miꞌi hawyi ti Iesui tuwẽtem naꞌyn Tupana motypot yat pyi. Miꞌi hawyi toto i raꞌyn towyriaꞌin Iuwãu Tiaku wywo temiitꞌin Ãtere Simau yat kape.

Maku 1:33

Miꞌi hawyi ti yne tawa piaria teꞌeruwaꞌatunug okenꞌypyke.

Maku 3:1

Miꞌi hawyi Tupana motypot hap eꞌat pe Iesui teke i Tupana ehay enoi hawe. Miꞌi hawyi itotiaria wywo toineꞌen ipo kĩꞌã rakat.

Iruka 4:23

Miꞌi hawyi Iesui toꞌe i iꞌatuepe -Taꞌi atikuap wyti eweiꞌe uhepiat hap -Mohag nug hat pote ewewi eremoehãite kuap eweiꞌe iꞌewyte eweiꞌe waku etunug mesuwe etawa pe aikotã emienoi uruepiat tawa Kawanaum piat eminug ewy eweiꞌe.