Maku 1:15 - Sateré-Mawé

¹⁵ Miꞌi hawyi toꞌe -Koitywy ti porap putꞌok e raꞌyn Tupana Morekuat nuat ieineꞌen hamuat. Miꞌi tupono eweitoiat ro eiminug yt naku i hap koꞌi hawyi eweimohey ro Tupana ehay wakuat e Iesui tetama piaria pe.

Maku 1:15 Referans Kwoze

Mateu 3:2

Mio tã e toiꞌatumuꞌe -Eweiꞌatoiat ro yne eiminug saꞌag koꞌi e katupono mio tuut ti aru raꞌyn aikaꞌiwat e.

Mateu 4:17

Itote ti Iesui haꞌawynug naꞌyn miitꞌin muꞌe hap. -Eweiwemorem no Tupana kape katupono yt pya hin i Tupana topyhuꞌat Miitꞌin Porekuatno sese hap e.

Ewesu 1:10

Mio tã e saꞌawyꞌi Tupana -Putꞌok e uheꞌat aru hawyi atunug sese ti Uhaꞌyru wuatꞌi Porekuat no e tuwepe iꞌewyte yne atipy piaria Porekuat no iꞌewyte yne yi totiaria Porekuat no e tuwepe. Uhaꞌyru suu wo atiꞌatumowehik sok torannia yi totiaria atipy piaria uhowowi e. Miꞌi hawyi wẽtup piit ewy yn naꞌyn watopyhuꞌat wuatꞌi uiminug koꞌi uikai tukupteꞌen e tuwepe Tupana wuatꞌi tominug koꞌi pe tukupteꞌen yian mete turan.

Iesui Potmuꞌeria 20:21

Taꞌi eweikuap taꞌyn aikotã ahenoi henoi Iuteuria ywania pe Kereku ywania piat hap e. Mio tã are -Eweiꞌatoiat ro yt nakuap i koꞌi are. Eweimohey ro Iesui. Miꞌi ti Eikaꞌiwat nuat are itote e Pauru.

Karasia 4:4

Putꞌok e raꞌyn heꞌat tomikyꞌesat ewy raꞌyn topyhuꞌat hawyi Tupana tipoꞌoro Tosaꞌyru haryporia kaipywiat torannia tehay woꞌonapin hap nug hamuat raꞌyn. Putꞌok toꞌe hawyi yt wẽtup i Toꞌywot woꞌonapin hap toiꞌaparap. Tutunug yne imikyꞌesat oktan.

Iruka 10:9

Waku eweiꞌatumoehãite mekewat tawa piaria hawyi waku eweiꞌe itotiaria miitꞌin me -Tupana toineꞌen morekuatno hap wyti putꞌok e raꞌyn mesup ehete eweiꞌe.

Mateu 10:7

Putꞌok eweiꞌe aiꞌywania pyꞌasetpe hawyi waku mio tã eweiꞌe eweꞌatumuꞌe -Pywo ti tuut irane Tupana Mipoꞌoro Aiporekuatnuat eweiꞌe.

Iruka 24:47

Taꞌi yian me Tupana henoi kahato uhetiat tehay wan haria po wo aikotã aru taꞌatuhenoi kahato tesaika hap wywo torannia ywania pe aikotã waku miitꞌin teꞌeruwemorem Tupana kape iꞌatuminug saꞌag hap koꞌi kaipyi uhet upi hap tohenoi miwan me e Iesui. Waku tawa Ierusarẽi me tohaꞌawynug naꞌyn mesuwat sehay wakuat hawyi waku yne ywania kape taꞌatuhenoi Uhaꞌyru ete e Tupana miwan me e.

Iruka 10:11

-Tawa sawiu urupy etiat uruipit pitꞌok yt urukyꞌe i ehepiat hap moherep hap. Miꞌi hap ete aru eweikuap taꞌyn yt pya hin i Tupana toineꞌen morekuatno ehewowiat hap maꞌato yt eweikyꞌesat i.

Humanu 16:26

Mekewat miwan pywuat sehay etiat yianmiat Tupana ehay moherep haria mienoi heremo kahato topyhuꞌat wuatꞌi ywania mikuap mo kahato. Waku kahato En Tupana urutoꞌe. Taꞌi Iesui etiat miwan koꞌi Emipoꞌoro Aiporekuat nuat etiat waku kahato urutoꞌe. Miꞌi pote uruimoherep Esaꞌyru etiat mesuwat sehay pywuat torannia ywania pe mesuwat yi tote hap uruhẽtup ewowi Tupana. Uruikyꞌesat kahato yne ywania Esaꞌyru mohey haria wo tukupteꞌen hap urutoꞌe. Iꞌewyte uruikyꞌesat yne miꞌiria Esaꞌyru ehay upiaria wo tukupteꞌen urutoꞌe ewowi Tupana.

1 Timoteu 2:6

Putꞌok e raꞌyn ahehakyeraꞌat hap eꞌat hawyi Aikaꞌiwat ikuꞌuro raꞌyn aikawiatno hamo tuweium naꞌyn ahepe. Miꞌi kape wataꞌakasa raꞌyn hawyi watikuap kahato wuatꞌi ywania Tupana tiꞌatukyꞌesat kahato tomiehakyeraꞌat no hap watikuap taꞌyn.

Titu 1:3

Heꞌat putꞌok e raꞌyn hawyi Tupana timoherep taꞌyn uhepe tehay -Atum aru wuatꞌi eꞌat piat eheineꞌen hap Uhaꞌyru mohey haria pe e Tupana ahepe. -Koitywy woropoꞌoro en Pauru uhaꞌyru etiat sehay moherep hamo katupono woromohey en inug hamo e uhepe. Miꞌi tupono ti atimoherep Haꞌyru wuatꞌi ywania pe Tupana e hap ewywuat. Ahehakyeraꞌat Tupana piat hap Iesui mikyiꞌat moherep hat areineꞌen mesup uito. Uito ti Pauru.