Iuwãu 1:12 - Sateré-Mawé

¹² Maꞌato tukupteꞌen imohey hanuaria. Miꞌiria teꞌeroꞌe taꞌatupyꞌa pe -Woromohey kahato En Iesui. Ereke ro uipyꞌa pe e haria pe aru Tupana toꞌe -Pywo ti rat koitywy woronug en mesup uhaꞌyru sese wo uhakiꞌyt sese wo e aru ahepe Iesui mohey haria pe.

Iuwãu 1:12 Referans Kwoze

Karasia 3:26

Tupana mepytꞌin no watukupteꞌen wẽtup miit pakup ewy Aikaꞌiwat Iesui mohey hap kaipyi watoꞌe.

Humanu 8:14

Uwe uwe Tupana Paꞌãu piat topoꞌoro hap upi topyhuꞌat miꞌi hat topyhuꞌat Tupana sakiꞌytꞌin Tupana saꞌyruꞌin e.

1 Iuwãu 3:1

Katupono ti iwato kahato Aiꞌywot piat aikyꞌe hap. Toimoherep kahato ti aikyꞌe hap tomepytꞌin wuat raꞌyn ainug hawyi. Taꞌi tegyiꞌat hap toimoherep kahato aikyꞌe hap. Pyno yt taꞌatukuap i Tupana pote iꞌewyte yt taꞌatukuap i aito Tupana mepytꞌin koꞌi hap.

Karasia 4:6

Miꞌi hawyi tutum Tosaꞌyru Paꞌãu wakuat -Uimepytꞌin wo eweikupteꞌen toꞌe ahepiat hap. Putꞌok e hawyi Papai watoꞌe aat kaꞌap Tupana kape aipyꞌa pe.

Iuwãu 3:18

Uwe uwe Haꞌyru mohey haria ti Tupana yt tiꞌatuꞌapiheg i maꞌato iraniaꞌin ti aru yt imohey i haria Tupana miꞌatuꞌapiheg wuatnuaria tukupteꞌen are. Miꞌiria pe wyti aru mio tã e Tupana -Yt nakuaria i sese eipe e katupono Uhaꞌyru uimiium pun haria eipe e.

Korosi 2:6

Miꞌi hawyi waku eweiꞌe Iesui pe -Uruikyꞌesat kahato En urukaꞌiwat no hap eweiꞌe. Miꞌi ti waku watoꞌe. Iꞌewyte mesup yne eꞌat pe waku watoꞌe Aikaꞌiwat Iesui pe -Worokuap kahato teran uipyꞌa pe waku watoꞌe. Uruikyꞌesat aiwanetup hap wẽtup ok wanetup hap ewy yn waku watoꞌe. Miꞌi ti iꞌewyte waku watoꞌe aat kaꞌap watomohey hawyi.

Mateu 10:40

Iꞌewyte uwe uwe ereke ro e ehepe miꞌiria ti uhepiat ereke ro e hat. Iꞌewyte uhepiat ereke ro e haria ti uimipoꞌororia piat ereke ro e haria.

Iuwãu 20:31

Maꞌato kat koꞌi kat koꞌi atiwan mesuwat uimiwan me ahenoi kahato raꞌyn haty wo uipyꞌa pyi katupono atikyꞌesat kahato uimiwan kuap haria tukupteꞌen aru Iesui mohey haria. Atikyꞌesat kahato eweimohey Iesui ti Tupana Saꞌyru sese hap iꞌewyte atikyꞌesat ewetunug Iesui Eipotypot koro sese hap atikyꞌesat uimiwan etiat wemuꞌe haria. Eweimohey ro Iesui are uipyꞌa pyi. Pywo pe ti Iesui upiaria sese eweikupteꞌen pote waku pe eweikupteꞌen Tupana pya pe iꞌewyte wuatꞌi eꞌat piat eweikupteꞌen mesuwe iꞌewyte atipy pe are.

2 Peteru 1:4

Tutum ahepe tehay wakuat. Koitywy mio tã e ahepe -Atum aru yne yne ehepe e. Pywo yt uheso hin i e. Worohoꞌokyꞌe haype e. Taꞌi saꞌawyꞌi ti watoineꞌen yi totiaria ewy neꞌi yt naku i hap nug haria wo are. Katupono yt watuwẽtem kuap i ti aipiit mikyꞌesat seko saꞌag myi. Aiminug saꞌag yt nakuat i po pe yn watoineꞌen. Maꞌato koitywy ti watuwẽtem naꞌyn mekewat kaipyi Tupana piat ainug pakup i raꞌyn hap kape. Miꞌi tupono ti koitywy aito ipakup takaria wo raꞌyn watoineꞌen Tupana toꞌe hap ewy -Worohoꞌonug ti aru eipe ipakup takaria wo e hap ewy watukupteꞌen are mesuwe.

Mateu 12:21

Miꞌi wyti aru wuatꞌi ywania miekatup wo topyhuꞌat. Miꞌi hap ewy ti saꞌawyꞌi Tupana ehay moherep hat Isaia e hap ewy.

1 Iuwãu 3:23

Pyno ahenoi ehepe Tupana mikyꞌesat sese. Mio tã e -Eweimohey ro Uhaꞌyru e. Ewetunug Miꞌi Eiporekuat no e. Miꞌi hawyi eiwoꞌokyꞌe ro aikotã Eikaꞌiwat Iesui e hap ewy e Tupana ahepe.

Iesui Potmuꞌeria 3:16

Koitywy wyti Tupana timoehãite raꞌyn mesuwat saꞌawyꞌi wuat ipy kĩꞌã rakat katupono toikyꞌesat Tomipoꞌoro Iesui set motypot hap mesuwe pote e. Iesui set kawiat mohag wo toimoehãite miꞌi miit ehehamo katupono toikyꞌesat kahato eipe yne Tosaꞌyru mohey haria wo hap e. Uruimohey Iesui hawyi waku raꞌyn topyhuꞌat mesuwat saꞌawyꞌi wuat ipy kĩꞌã rakat. Mesup Tupana mimohãpyk wo raꞌyn toineꞌen naꞌyn ehehamo manaꞌin uhytꞌiꞌin e. Iesui set esaika hap wywo Tupana timoehãite mesuwat miit e.

Iuwãu 11:52

Taꞌi maꞌato ti yt Iuteuria yn etiatno i ikuꞌuro maꞌato iꞌewyte torannia ywania ehakyeraꞌat hamo wyti ikuꞌuro. Miꞌi hawyi tutunug yne ywania kaipywiat tomepytꞌin no.

Iuwãu 1:7

Miꞌi hawyi Iuwãu timoherep miitꞌin me mekewat Hẽtyhot e hap sese rakat uut hap etiat. Taꞌi Iuwãu henoi miitꞌin me mekewat miꞌi tẽtyhot hap wywo tuut irane miitꞌin atuehakyeraꞌat hamo taꞌatumohey pote. Tohenoi aikotã mekewat Ariãty Sese e hap het rakat tiꞌatumoieineꞌen kuap miitꞌin taꞌatumohey pote hap e.

Mateu 18:5

Pyno uwe meiũ hirokat piat ereke ro e hat wyti uhepiat ereke ro e hat.

Iuwãu 2:23

Mekewat ienuk wato turan Iesui tiꞌatumoehãite kahato tawa Ierusarẽi miaria iꞌahuu rakaria. Miꞌi pote typyꞌi kahato itotiaria tipywo raꞌyn Iesui kat pote teꞌeraꞌakasa raꞌyn iwat iminug koꞌi kape.

Iuwãu 1:11

Aikaꞌiwat tuwemoherep saꞌawyꞌi toꞌywania Iuteuria ywania ehakyeraꞌat hamo maꞌato yt taꞌatumohey i yt taꞌatukyꞌesat i Iesui taꞌatuehakyeraꞌat hat taꞌatuporekuatno.

Humanu 8:16

Miꞌi hawyi Tupana Paꞌãu aipaꞌãu wywo wẽtup Paꞌãu ewy yn topyhuꞌat -Tupana mepytꞌin eipe e. Tupana Paꞌãu ahepe miꞌi pote aiꞌãu -Pywo e.

Humanu 8:19

Yne Tupana minug koꞌi hekatup haria wo teꞌeropyhuꞌat katupono taꞌatukuap teran kahato uwe uwe Tupana saꞌyruꞌin Tupana sakiꞌytꞌin Tupana mimoherep hap kuap hamo taꞌatuhekatup kahato.

1 Iuwãu 3:2

Uimikyꞌeria koitywy ti aito Tupana mepytꞌin naꞌyn. Taꞌi yt watikuap hin i ti aikotã miat aheineꞌen hamuat hap. Iesui uut hawyi ti aru watikuap aikotã me watoineꞌen hamuat katupono topiit ewy ti ainug hamuat. Miꞌi hawyi ti aru mekewat eꞌat pe wataꞌakasa raꞌyn Iesui sese. Miꞌi hawyi ti aru watopyhuꞌat aikotã iꞌewy raꞌyn are.

1 Iuwãu 3:10

Pyno yt toꞌoꞌewy hin i Tupana mepytꞌin ahiag wat wywo yt toꞌokupitu hin i. Katupono uwe uwe wakuat nug hatno topyhuꞌat iꞌewyte uwe uwe Tupana mepytꞌin kyꞌe hatno topyhuꞌat miꞌi hat ti topyhuꞌat Tupana saꞌyru wo Tupana sakiꞌyt koꞌi wo are.