Iuta 1:5 - Sateré-Mawé

⁵ Pyno eiweꞌeg wo o miꞌiria hap pupi uiwyriaꞌin are. Yt eweiwaure teiꞌo saꞌawyꞌi wanikaptia po pywiat aiꞌywania Iuteu ywania Tupana tiꞌatuehakyeraꞌat yne yi Esituꞌin ahewanikaptia po pyi hap. Maꞌato miꞌi pykai yt taꞌatumohey poꞌog hin i taꞌatuehakyeraꞌat hat Tupana are. Taꞌi miꞌi hawyi mekewat yahig wato tote Tupana tiꞌatuꞌapiheg miꞌiria are. Taꞌi tomohey hap pun haria toiꞌatumoma kahato itote are. Nagnia yne topap itote hawyi taꞌatumepytꞌin yn putꞌok iꞌatuꞌe yi wakuat Tupana miium kape are. Mekewat yahig wato tote hakpap kahato tomohey hap pun haria are. Tupana tiꞌatumoma yne yahig wato tote. Taꞌatumohey kahato saꞌawyꞌi pykai topap taꞌatupun imohey hap pote. Miꞌi hawyi iꞌatumepytꞌin yn tokokaꞌat Tupana miium eꞌyi kape are.

Iuta 1:5 Referans Kwoze

Epereu 3:16

Uwe apo ipyꞌahak saꞌawyꞌi wuaria Tupana piat taꞌatunapin hap ete. Taꞌi aiꞌywania ahaꞌaseꞌiꞌin Muisei mihep wanikaptiaria po pywiaria koꞌi iꞌatupyꞌahak kahato Tupana napin hap ete.

2 Peteru 3:1

Typua raꞌyn atipoꞌoro uimiwan ehewowi uiwyriaꞌin. Iꞌewyte mesuwat uimiwan aikotã saꞌawyꞌi einapin hap ewywuat rẽ. Yt eweiwaure teiꞌo aikotã saꞌawyꞌi hoꞌowasat rakaria ewy eweikupteꞌen. Koitywy ti eiwanetup hap yt ipit pit hin i raꞌyn toineꞌen. Pyno o yt eweiwaure teiꞌo aikotã saꞌawyꞌi hoꞌowasat rakaria eweikupteꞌen eiwanetup hawe hap. Iꞌewyte yt eweiwaure teiꞌo aikotã meiũran tuut eimaꞌat hanuaria ikahuro turan wuat hap ete. Miꞌi ti aru Tupana ehay etiat wekyryꞌi hat e hap.

Humanu 15:15

Pyno uito Pauru mesuwat uimiwan ehowawiat. Uimiwan mesuwe yt iperup takat i einapin hamuat sese. Atiwan haty wo aikotã watiꞌatunapin aimepytꞌin haty wo hap ewy worohoꞌonapin eipe mesuwe. Miꞌi hap uimiwan atunug mesuwe. Waku pe atiwan katupono Tupana uipoꞌoro iraniaꞌin ywania napin hamo. Tupana uiꞌairo miꞌi hap inug hamuat. Yt uhewaku hap upi i uiꞌairo wen maꞌato uikyꞌe tepiat hap kaipyi yn mote.

1 Iuwãu 2:20

Maꞌato aito ti yt miꞌi tã haria hin i raꞌyn katupono ti Tupana Paꞌãu topyhuꞌat kahato raꞌyn ahete. Ahowapy kahato raꞌyn Iesui tum ahepe Topaꞌãu hawyi.

1 Iuwãu 2:21

Miꞌi hap kaipyi watikuap yne kahato raꞌyn pywuat sese sehay Tupana Paꞌãu aimuꞌe pote. Ehepiat ikuap pykai raꞌyn ti worohoꞌomuꞌe i raꞌyn sehay pywuat sese rakatno.