Iruka 2:9 - Sateré-Mawé

⁹ Miꞌi tote ti atipy kaipywiat suut hat tuwemoherep taꞌyn wehũria apykok haria kape. Miꞌi ti Tupana ẽtyhot hap wywo tuwemoherep hawyi yne iꞌatuete hẽtyhot kahato. Miꞌi pote Uweiria koꞌi apykok haria teꞌerokenꞌẽ kahato hẽtyhot putꞌok e taꞌatuetiat pote.

Iruka 2:9 Referans Kwoze

2 Kuriniu 3:18

Aito Iesui mohey haria Muisei ewywuat kahato Tupana motypot hap hẽtyhot hap maꞌato yt ikuꞌuro i ahowa ete Muisei wat ewy. Katupono ahowa Tupana Ewa yꞌy Ewa ete hap ewy Tupana Paꞌãu aimoẽtyhot kahato wuatꞌi eꞌat pe. Yt hasep hin i Muisei Ewa ewy. Miꞌi hawyi Tupana kahu hap ahepe topyhuꞌat. Ipaꞌãu heremo ahete Tupana Mipoꞌoro Aikaꞌiwat nuat Paꞌãu heremo ahete. Pyno yne eꞌat poꞌog wakuat watopyhuꞌat hap ewy Tupana Paꞌãu hẽtyhot hap ete. Miꞌi hawyi yne eꞌat watimoherep poꞌog poꞌog Tupana Paꞌãu. Katupono Tupana ewywuat poꞌog poꞌog watopyhuꞌat yt kat i sokpe ahowa suwy hap ewy maꞌato Tupana iꞌãuka yt kat i ahowa ete. Ikahu kahato Tupana Paꞌãu ahete are uimimuꞌeria uito Pauru.

Iesui Aru E Hap 18:1

Miꞌi hawyi uito Iuwãu arahaꞌat hawyi araꞌakasa wẽtup ok tuut atipy kaipyi yi kape. Tupana emiit Morekuat ewy. Miꞌi ti suut hat ipoꞌoro kuap kahato Morekuat ewy. Imehit kahato rakat. Imehit hap kaipyi yi mesuwarotiat poꞌog hẽtyhot saꞌawyꞌi wuat kai.

Iesui Potmuꞌeria 27:23

Kat pote muki meke atipy piat Tupana emiit putꞌok e tehay uhepiat hamo e. Pywo ti Tupana sese tipoꞌoro uhowowi temiit sese atipy kaipyi katupono uito hemiit sese e.

Iesui Potmuꞌeria 5:19

Maꞌato wãtym hake turan putꞌok e Tupana mipoꞌoro atipy kaipywiat iꞌatuꞌokenhypꞌok hamuat. Miꞌi upi tuwat iheg myi.

Iuwãu 12:41

Isaia nimo te taꞌakasa yian mete Iesui ewaku hap hẽtyhot hap kape hawyi tohenoi raꞌyn tomikuap hap oktan.

Iruka 24:4

Miꞌi hawyi teꞌeruwanetup kahato ipiit weityk hap etiat turan teꞌeruwemoherep taꞌyn iꞌatupyꞌasetpe typy ok ihainia atipy kaipywiat suut haria. Iꞌatuesokpe hẽtyhot kahato wywo teꞌeruwemoherep taꞌyn.

Iesui Aru E Hap 20:11

Miꞌi hawyi Uito Iuwãu arahaꞌat mekewat Morekuat Porekuat Akag apyk hap kape. Araꞌakasa hawyi -Ikahu kahato heꞌamyꞌap are. Ikytsig kahato are. Miꞌi hawyi arahaꞌat howa kape. Ikahu kahato rasig paĩ are. Poꞌog ikahu aat waikiru waty koꞌi kai iꞌewyte mytyyp koꞌi kai poꞌog ikahu areꞌe. Miꞌi hawyi aat waikiru waty koꞌi mytyyp koꞌi teꞌeruwemoti kahato hawyi teꞌeruwemig ipupi hap ewy poꞌog ikahu iꞌatukai pote poꞌog hẽtyhot poꞌog imehit iꞌatukai. Miꞌi rakirẽ poꞌog arahaꞌat waikiru waty aat mytyyp kape. Maꞌato miꞌi turan yt araꞌakasa hin i raꞌyn iꞌatuewowi yt taꞌatueiam note hin i raꞌyn apo paĩ pote areꞌe.

Epereu 12:21

Mekewat yityꞌok Sinai e hap kape yt watehaꞌat kuap i saꞌawyꞌi i katupono watehaꞌat pote ipoityꞌi neꞌi aiꞌauka kuap neꞌi. Miꞌi hap Muisei taꞌakasa hawyi -Uimogyt kahato uimotyry uimokenꞌẽ kahato hap e.

1 Timoteu 3:16

Tupana mienoi Iesui etiat watikuap kahato maꞌato yt karãpe i watikuap yne yne. Tupana yn ikuap sese hat. Miꞌi hawyi ikuap hat sese tuwemoherep taꞌyn ahowawi. Mio tã toꞌe ahepe Iesui etiat -Meiũ ti pywuat sese e. Miꞌi Miit kape atipy piaria teꞌeraꞌakasa yne. Miꞌi ti imoherep taꞌyn kat ywania puo kat ywania puo miꞌi hap tuwemoherep taꞌyn tehay wo. Miꞌi hawyi ti iꞌatu kahato raꞌyn imohey haria mesuwat yi tote. Miꞌi hawyi Tupana tioto i raꞌyn atipy kape i are.

2 Kuriniu 4:6

Saꞌawyꞌi sese iꞌypyryp sese turan Tupana toꞌe -Ereineꞌen no hẽtyhot hap e. Miꞌi hawyi toineꞌen naꞌyn hẽtyhot hap. Koitywy miꞌi hap ewy tutunug aiwanetup hawe. Aipotypot Iesui Tupana eꞌariãty ewywuat toineꞌen. Karãpe watomohey Iesui hawyi Tupana heremo topyhuꞌat aiwanetup hawe -Worokuap kahato En mesup Tupana watoꞌe. Esaꞌyru En wẽtup miit ewy yn watoꞌe. Koitywy watikuap ewaku hap watoꞌe.

Iesui Potmuꞌeria 12:7

Miꞌi turan Tupana mipoꞌoro atipy kaipywiat putꞌok e okenꞌypyke. Miꞌi hawyi hẽtyhot raꞌyn itote. Miꞌi hawyi Peteru toipetek hawe toihymut -Epoĩꞌam merep to uhyt e. Miꞌi hawyi ipoĩꞌam naꞌyn hawyi mekewat ipo etiat haity porapꞌe raꞌyn.

Iruka 1:28

Miꞌi hawyi Tupana emiit putꞌok e hawyi toꞌe -Eremowepiit ro Maria katupono en mesup Tupana mipoityro wo raꞌyn ereineꞌen. Katupono mio aipotypot Tupana toineꞌen kahato raꞌyn ewywo.

Mateu 1:20

Maꞌato aikotã waku Maria poꞌoro wẽtup hy kapiat hap kape tuwanetup turan Tupana emiit atipy kaipywiat tuwemoherep taꞌyn Iuse muꞌetu miꞌi hawyi toꞌe Iuse pe. Miꞌi hawyi toꞌe Iuse muꞌetu -Morekuat Tawi emiariru miariru e -Yt erekenꞌẽ teiꞌo etat Maria eharyꞌi wuat hamo. Katupono ti Tupana Paꞌãu Wakuat e.

Iruka 2:8

Mekewat eꞌat pe tukupteꞌen hũria apykok haria iꞌatupotpap kaꞌap hũ ria apykok hap ete.