Humanu 3:3 - Sateré-Mawé

³ Tutum tehay urueꞌaseꞌiꞌin saꞌawyꞌi wuaria Tupana mohey kahato haria pe maꞌato iꞌatumepytꞌin iꞌatuemiariruꞌin tiwaure kahato iꞌatumienoi Tupana ehay. Miꞌi hawyi yt taꞌatumohey i kahato Tupana. Miꞌi pykai yt karãpe i Tupana waure wo toineꞌen aru Iuteu ywania kai. Taꞌi Tupana ti uruꞌywania kyꞌe sese hat wuatꞌi eꞌat pe. Taꞌi Tupana miꞌairo ywania pote urutukupteꞌen ne. Uruto wuaria Iuteuria tiꞌatoiat kahato Tupana haꞌawytepyi wen maꞌato yt karãpe i Tupana uruꞌatoiat katupono -Yt karãpe i worohoꞌoꞌatoiat esaipepiaria e Tupana saꞌawyꞌi urueꞌaseꞌi Aparãu me pote.

Humanu 3:3 Referans Kwoze

2 Timoteu 2:13

Watoiat pykai yt aiꞌatoiat hin i. Yt aiꞌatoiat i kat pote yt heso i. -Yt karãpe i ti aru worohoꞌoꞌatoiat e. Miꞌi e hap koꞌi ti aimimohey wuat watoꞌe waku kahato.

Epereu 4:2

Pyno koitywy watikuap mekewat sehay aikotã saꞌawyꞌi ahaꞌaseꞌiꞌin tikuap hap ewy maꞌato taꞌatukuap pykai yt kat hamo i topyhuꞌat yt taꞌatumohey i pote.

Humanu 9:6

Saꞌawyꞌi Tupana toꞌe urueꞌaseꞌi Aparãu eharyꞌi mana Sara pe -9 ewaty putꞌok e hawyi araꞌaipok i ewowi mana hawyi wyti aru emepyt raꞌyn toineꞌen e Tupana tope hawyi hupiꞌa raꞌyn maꞌato mana Sara iporo sese pykai. Yt karãpe i Tupana tiꞌaparap -Atunug aru uiꞌe hap ewy hap ete. Miꞌi hawyi 9 ewaty hawyi taꞌaipok hawyi mana Sara imepyt a raꞌyn. Mekewat Aparãu saꞌyru Isaki tuwemoherep taꞌyn itote imepyt raꞌyn Tupana e hap ewywuat. Miꞌi hawyi Tupana toꞌe -Isaki ti uimiꞌairo sese e. Isaki saipepiaria ti uhemiitꞌin sese tukupteꞌen e. Isaki ywania wyti aru uiꞌywania mesuwat yi tote tukupteꞌen aru wuatꞌi eꞌat pe e Tupana urueꞌaseꞌi pot pe.

2 Tesaronika 1:3

Uruwyriaꞌin karãpe urutuwekuekatu ehewowi turan -Waku kahato En Tupana uruꞌe hap yn topyhuꞌat. Tupana urutuwehum kahato eete katupono itag naꞌyn poꞌog poꞌog iꞌatukai emohey hap urutoꞌe. Koitywy woꞌokyꞌe kahato haria wo raꞌyn tukupteꞌen waku kahato urutoꞌe. Miꞌi tupono ehewaku hap upi urutuwehum aat kaꞌap Tupana ete.

Humanu 10:16

Saꞌawyꞌi Tupana ehay moherep hat Isaia toꞌe tomiwan me -Tupana e atiꞌatumuꞌe kahato mesuwarotiaria ehay wo maꞌato yt taꞌatumohey i te e. Taꞌatukuap kahato aiwẽ pywiat pykai yt taꞌatupywo i ahehay etiat e Isaia saꞌawyꞌi. Miꞌi e hap kaipyi watikuap taꞌyn iꞌatu kahato Tupana ehay wakuat kuap haria mesuwarotiaria tukupteꞌen maꞌato yt taꞌatumohey teran i haria hap watikuap.

2 Kuriniu 3:18

Aito Iesui mohey haria Muisei ewywuat kahato Tupana motypot hap hẽtyhot hap maꞌato yt ikuꞌuro i ahowa ete Muisei wat ewy. Katupono ahowa Tupana Ewa yꞌy Ewa ete hap ewy Tupana Paꞌãu aimoẽtyhot kahato wuatꞌi eꞌat pe. Yt hasep hin i Muisei Ewa ewy. Miꞌi hawyi Tupana kahu hap ahepe topyhuꞌat. Ipaꞌãu heremo ahete Tupana Mipoꞌoro Aikaꞌiwat nuat Paꞌãu heremo ahete. Pyno yne eꞌat poꞌog wakuat watopyhuꞌat hap ewy Tupana Paꞌãu hẽtyhot hap ete. Miꞌi hawyi yne eꞌat watimoherep poꞌog poꞌog Tupana Paꞌãu. Katupono Tupana ewywuat poꞌog poꞌog watopyhuꞌat yt kat i sokpe ahowa suwy hap ewy maꞌato Tupana iꞌãuka yt kat i ahowa ete. Ikahu kahato Tupana Paꞌãu ahete are uimimuꞌeria uito Pauru.

Mateu 24:35

Pyno waikiru aat yi tuweityk yne hamuat maꞌato uiat uimienoi uhehay yt sake i tuweityk e Iesui.

Humanu 11:29

Aikotã toꞌe saꞌawyꞌi tomohey saꞌawyꞌi haria pe.

Iuwãu 1:16

Taꞌi miꞌi miit poꞌog kahato uikai rakat katupono Miꞌi ti aru hegyiꞌat hap kaipyi aipoityro kahato hap watipuẽti e.