Humanu 1:3 - Sateré-Mawé

³ Koitywy atunug naꞌyn uiꞌe hap ewy. Miꞌi ti atipoꞌoro raꞌyn Uhaꞌyru Iesui eiporekuat nuat e. Miꞌi ti morekuat Tawi saipepiat sese e katupono Tawi emiariru emiariru sese Miꞌi e Tupana uhepe.

Humanu 1:3 Referans Kwoze

Mateu 1:1

Uito ti Iesui potmuꞌe Mateu. Miꞌi uimiwan me atimoherep yne Aipotypot Iesui etiat uiꞌakasa hap koꞌi uimikuap koꞌi. Mesuwe saꞌawyꞌi wuaria aipotypot Iesui eꞌaseꞌiꞌin set koꞌi atipehik katupono Iesui ti morekuat Tawi saipepiat sese Iꞌewyte Aparãu saipepiat sese.

Karasia 4:4

Putꞌok e raꞌyn heꞌat tomikyꞌesat ewy raꞌyn topyhuꞌat hawyi Tupana tipoꞌoro Tosaꞌyru haryporia kaipywiat torannia tehay woꞌonapin hap nug hamuat raꞌyn. Putꞌok toꞌe hawyi yt wẽtup i Toꞌywot woꞌonapin hap toiꞌaparap. Tutunug yne imikyꞌesat oktan.

Iuwãu 1:14

Mekewat Sehay e hap het rakat Iesui aiꞌewywuat tuwemoherep miitno aipiit ewywuat tuwemoherep. Miꞌi hawyi watehaꞌat kuap i hẽtyhot atipy kaipywiat Tupana saꞌyru wẽtup yn kape. Miꞌi hawyi toineꞌen aipyꞌasetpe. Putꞌok e mesuwe hegyiꞌat hap moherep hamo. Miꞌi ti Wakuat Sese toineꞌen. Hãpyk hap yn tuete. Pywuat rakat toineꞌen.

Iuwãu 1:49

Miꞌi pote Natanaeu toꞌe Iesui pe -Woꞌomuꞌe hat pywo En ni Tupana Saꞌyru sese are. En ni Isareu ywania Porekuat koro e.

Iruka 1:35

Mio tã e pote atipy kaipywiat tiwesat -Taꞌi Tupana Paꞌãu wakuat wyti aru tuut ewowi hawyi Tupana esaika hap kaipyi ti aru imepytꞌa rakatno ereineꞌen. Miꞌi pote ti aru mekewat hirokat hit Wakuat sese rakat toineꞌen Tupana saꞌyru e.

1 Tesaronika 1:10

Koitywy taꞌatuhekatup taꞌyn Aikaꞌiwat Iesui Tupana Saꞌyru iꞌewyte Tupana mihep guꞌuro pywiat mohey haria wo raꞌyn tukupteꞌen iꞌatuꞌe ahepe. Taꞌi saꞌawyꞌi wyti ipyꞌahak kahato Tupana aiminug saꞌag ete. Saꞌawyꞌi wyti aiꞌapiheg hap yn topyhuꞌat ahepe yt kat i Tupana wywo aiwoꞌowese nug hanuat pote saꞌawyꞌi. Maꞌato Ahehakyeraꞌat hat putꞌok e aiꞌapiheg hap u hamuat hawyi Tupana aihep taꞌyn aiꞌapiheg hap kaipyi. Miꞌi hawyi iraniaꞌin yt kat iꞌatuꞌe kuap i raꞌyn ahete katupono -Waku eipe e yn naꞌyn ahepe. Miꞌi hap areꞌe ehepe Iesui mohey haria tawa Tesaronika piaria. Maꞌato yt uito yn i katupono torannia mesuwat yi tote waku iꞌatuꞌe ehepe. Yt kat areꞌe kuap i raꞌyn miitꞌin me eimohey kahato hap etiat uruewyry tipytpe katupono taꞌatukuap yne raꞌyn ehepiat imohey waku kahato hap. Miꞌi tupono urutuwehum kahato ehepiat imohey hap ete uruto Pauruꞌin.

Humanu 9:5

Urueꞌaseꞌi sese ti mekewat Aparãu e hap het rakat iꞌewyte urueꞌaseꞌiꞌin koꞌi ti mekewat aseꞌi Isaki iꞌewyte mekewat aseꞌi Isareu e hap het rakat. Miꞌiria ti saꞌawyꞌi hewyry kahato Tupana wywuat rakaria. Pywo ti Tupana kuap haria akag koꞌi uruꞌywania saꞌawyꞌi tukupteꞌen. Saꞌawyꞌi iraniaꞌin ywania eiperia Humanu ywania ewywuaria yt tikuap hin i Tupana sese maꞌato miꞌi hap eꞌat pe uruꞌywania tikuap sakpo Tupana sese. Uruꞌywania saipepiat sese Iesui tuwemoherep. Urupiit ewywuat kahato Iesui tuwemoherep. Taꞌi uruꞌywania piit ewywuat kahato Iesui piit toineꞌen. Tupana Mipoꞌoro Aiporekuat nuat ty ti Iuteu kawiat. Miꞌi pote waku watuwehum kahato Tupana ete -Tupana watuwehum kahato ewowi katupono erepuꞌi nug hawyi ereineꞌen kahato aipyꞌasetpe Aiꞌakag wo. Watomotypot En ni wuatꞌi eꞌat pe. Waku raꞌyn waku raꞌyn waku watoꞌe Tupana pe.

Iuwãu 20:28

-Uikaꞌiwat e koitywy woromohey kahato raꞌyn Uhetupana kahato raꞌyn En e Tume.

Iuwãu 10:30

Uiꞌywot Uito ti wẽtup ok yn e Iesui.

Mateu 1:16

Miꞌi hawyi Iako imoherep Iuse. Miꞌi ti mana Maria eꞌaito wuatnuat toineꞌen. Miꞌi ti mana Maria kaipyi tuwemoherep Iesui mekewat Tupana Mipoꞌoro Wuatꞌi Ywania Porekuatnuat E Hap Het Rakat.

2 Timoteu 2:8

Timoteu ewatetup o Aikaꞌiwat Iesui kape. Taꞌi miꞌi ti morekuat Tawi emiariru Emiariru sese. Miꞌi Miit Tupana mimoieineꞌen pakup i raꞌyn hat ahenoi wuatꞌi puo.

1 Kuriniu 1:9

Miꞌi pote waku watomohey iꞌe hap torannia aipyꞌa pe. Saꞌawyꞌi toꞌe -Atikyꞌesat eipe Uhaꞌyru ekatuwyria sese wo eweikupteꞌen e. Ewetunug Miꞌi Miit Uhaꞌyru Eipotypot no pote waku pe iwywo eweikupteꞌen wuatꞌi eꞌat pe e ahepe. Miꞌi hawyi waku watomohey kahato iꞌe hap ewy mesup te.

Iesui Potmuꞌeria 2:30

Aikotã aikotã Tupana mikuap ewy Tawi tiwan towepy hawuo -Tupana toꞌe uhepe saꞌawyꞌi -Tawi e meiũran emiariru kaipywiat wyti aru atimoherep esaipepiat Uimipoꞌoro Miitꞌin Potypot no sese e uhepe e Tawi yian mete Iesui piat pe.

Iuwãu 20:31

Maꞌato kat koꞌi kat koꞌi atiwan mesuwat uimiwan me ahenoi kahato raꞌyn haty wo uipyꞌa pyi katupono atikyꞌesat kahato uimiwan kuap haria tukupteꞌen aru Iesui mohey haria. Atikyꞌesat kahato eweimohey Iesui ti Tupana Saꞌyru sese hap iꞌewyte atikyꞌesat ewetunug Iesui Eipotypot koro sese hap atikyꞌesat uimiwan etiat wemuꞌe haria. Eweimohey ro Iesui are uipyꞌa pyi. Pywo pe ti Iesui upiaria sese eweikupteꞌen pote waku pe eweikupteꞌen Tupana pya pe iꞌewyte wuatꞌi eꞌat piat eweikupteꞌen mesuwe iꞌewyte atipy pe are.

Iuwãu 10:36

Miꞌi tupono kat hamo uhatyꞌi hatyꞌi Uito Tupana saꞌyru areꞌe pote. Pywo Uiꞌywot uiꞌairo hawyi uipoꞌoro meikowo mesuwat mytyyp kape. Miꞌi pykai yt naku i kahato En eweiꞌe yt etimotypot i Tupana eweiꞌe uhepe.

Iuwãu 5:25

Pywo pe ti areꞌe ehepe tuut ti aru heꞌat koitywy putꞌok e raꞌyn heꞌat karapeĩ ikuꞌuro rakat ewy Tupana Saꞌyru ehay kapiat wanetup haria. Miꞌiria ti aru ikuap Tupana Saꞌyru ehay hawyi iꞌatuieineꞌen wuatꞌi eꞌat piat hap taꞌatupuẽti raꞌyn e.

Iruka 1:69

Iꞌewyte toipoꞌoro raꞌyn ahewowi wẽtup ok hesaika kahato rakat woꞌoehakyeraꞌat hat. Miꞌi ti saꞌawyꞌi wuat temiit Tawi saipe piat.

Mateu 27:43

Taꞌi heso kahato ti --Tupana atimohey e maꞌato pywo Tupana Saꞌyru pote ti ren tuut Tupana ariaꞌyp posak pywiat ihakyeraꞌat hamo iꞌatuꞌe taꞌatuehay mikyryꞌi hap.

Mateu 26:63

Maꞌato yt kat e hin i. Miꞌi hawyi paꞌi koro toꞌe i -Ehenoi ro Tupana Saꞌyru En hap Miitꞌin Porekuat nuat hap sio apo yt e.

Mateu 15:22

Miꞌi turan toineꞌen wẽtup ok haryporia Kananeu ywania mekewat yi tote. Miꞌi ti tuut hewowi hawyi iwẽpapꞌi tehay pirik wo itote -Uikaꞌiwat Tawi emiariru erehaꞌat ro uikyꞌe hap wywo uhewowi katupono uimepyt wyti yt naku i kahato toineꞌen ahiag tipun tipun kahato tuereto.

Mateu 12:23

Miꞌi tã tutunug hawyi miitꞌin sem teꞌerehaꞌat kahato iminug kape hawyi apo iꞌatuꞌe -Meiẽ miit apo Tawi emiariru raꞌyn apo iꞌatuꞌe.

Mateu 9:27

Miꞌi hawyi Iesui toto iraꞌyn mekewat woꞌomuꞌe hat akag yat pyi turan muap tote typyꞌok yt ihapytig i rakaria iꞌatuwẽpapꞌi Iesui ewatꞌypmo pyi haty wo Iesui kape -Morekuat Tawi saipepiat erehaꞌat ro uruewowi urukyꞌe hap wywo iꞌatuꞌe.

Mateu 3:17

Miꞌi turan toikuap sehay atipy kaipyi -Meiẽ ti Uhaꞌyru sese uimikyꞌe kahato e. Uimowepiit kahato hat e.

Mateu 1:6

Miꞌi hawyi Iese imoherep aiporekuat saꞌawyꞌi wuatnuat Tawi. Miꞌi hawyi morekuat koro Tawi kaipyi tuwemoherep morekuat Sarumau tomimaꞌat tomiꞌauka Uria eharyꞌi kaipyi.

Iesui Aru E Hap 2:18

Miꞌi hawyi mekewat ariãty eiam 7 haga rakat puat hewyry rakat toꞌe uhepe -Iuwãu etiwan uiꞌe hap koꞌi hawyi etipoꞌoro uimohey haria awa Tiatira piaria kape iꞌatuꞌapykok hat kape etipoꞌoro. Mio tã etiwan -Tawa Tiatira piaria Uito ti Tupana Saꞌyru e uhehay sese atipoꞌoro ehewowi e. Uheha koꞌi ti aria sapuẽ sapyhot hap ewy nu mehit hap ewy e.

2 Iuwãu 1:7

Taꞌi typyꞌi kahato ti mesuwarotiaria aimaꞌatꞌi maꞌatꞌi hanuaria. Wẽtup sehay wuat aimaꞌat reran haype -Iesui ti yt miit kawiat i iꞌatuꞌe saꞌag. Tupana yt tuwemoherep miit no iꞌatuꞌe reran haype. Aikaꞌiwat ewanikaptia ti miꞌiria.

1 Iuwãu 5:20

Koitywy watikuap kahato Tupana saꞌyruꞌin sakiꞌytꞌin aito hap. Taꞌi watikuap Tupana Saꞌyru hawyi Tupana moherep hat sese topyhuꞌat poꞌog poꞌog mekewat pywuat etiat kuap hamo. Miꞌi tupono mekewat Tupana Mipoꞌoro Aiporekuat nuat hat watikuap hawyi topoꞌoro hat Tupana watikuap iꞌewyte. Saꞌawyꞌi watikuap teran uwe Tupana hap maꞌato yt heremo hin i Tupana ahepe. Maꞌato mesup heremo raꞌyn aheTupana katupono Haꞌyru imoherep ahepe. Tupana Haꞌyru ti Toꞌywot ewywuat wẽtup miit ewy. Karãpe wataꞌakasa Haꞌyru kape pote Iꞌywot kape ti raꞌyn wataꞌakasa wy are. Miꞌi pote mesup -Worokuap kahato En watoꞌe yn Tupana pe. Koitywy uiwyriaꞌin watoineꞌen Tupana pe aikotã Tupana eiam ewy miꞌi pe watopyhuꞌat. Saꞌawyꞌi watomohey Iesui ti Tupana Saꞌyru e hap hawyi Iesui po pe watopyhuꞌat. Ipyꞌa pe kahato watoineꞌen. Aikaꞌiwat yat piaria ewywuaria watopyhuꞌat. Iesui ti Tupana sese miꞌi pote Tupana pe watoineꞌen Iesui pe watoineꞌen pote. Iesui ti wuatꞌi eꞌat piat ieineꞌen hat iꞌewyte aito wuatꞌi eꞌat piat watoineꞌen Iesui wywo wẽtup miit piit ewywuat pote are.

1 Iuwãu 5:5

Karapeĩ watomohey kahato Iesui Tupana Saꞌyru e hap miꞌi hawyi Tupana aipowyro kahato miitꞌin miat ahãꞌãg hap akit hamo. Miꞌi hawyi poꞌog ahesaika watoineꞌen iꞌatueko saꞌag nug hap kai.

1 Iuwãu 5:1

Uwe uwe imohey Iesui Tupana Mipoꞌoro Aipotypot nuat miꞌi hat Tupana mepyt sese wo topyhuꞌat. Karãpe watikyꞌe Aiꞌywot mepytꞌin miꞌi hawyi Aiꞌywot mowepiit hatno watopyhuꞌat. Miꞌi hawyi watoineꞌen Aiꞌywot kyꞌe hatno sese.

1 Iuwãu 4:15

Uwe uwe toꞌe iraniaꞌin me -Uito atimohey kahato Iesui toineꞌen Tupana Saꞌyru sese hap e miꞌi hat Tupana eiam mo topyhuꞌat. Iꞌewyte Tupana topyhuꞌat heiam mo.

1 Iuwãu 3:23

Pyno ahenoi ehepe Tupana mikyꞌesat sese. Mio tã e -Eweimohey ro Uhaꞌyru e. Ewetunug Miꞌi Eiporekuat no e. Miꞌi hawyi eiwoꞌokyꞌe ro aikotã Eikaꞌiwat Iesui e hap ewy e Tupana ahepe.

1 Iuwãu 3:8

Maꞌato uwe uwe inug saꞌag Tupana pe miꞌi hat ahiag watno topyhuꞌat katupono saꞌawyꞌi wuat yt nakuat i nug hat sese ahiag. Miꞌi pote yt nakuat i akit hamo tuwemoherep Tupana Saꞌyru yne ahiag minug saꞌag koꞌi moma hamo tuwemoherep.

1 Iuwãu 1:3

Aiwywo raꞌyn toineꞌen. Miꞌi hap uruikuap uruewaure kaꞌa pe. Uruehaꞌat hap uruimoherep ehepe katupono uruꞌewy aiwoꞌoꞌewy ewy watopyhuꞌat hap uruikyꞌesat kahato Iꞌywot wywo Haꞌyru wywuat aiwoꞌowese hap. Uruꞌewywuat Aipotypot Iesui ewywuat hap uruikyꞌesat.

1 Timoteu 3:16

Tupana mienoi Iesui etiat watikuap kahato maꞌato yt karãpe i watikuap yne yne. Tupana yn ikuap sese hat. Miꞌi hawyi ikuap hat sese tuwemoherep taꞌyn ahowawi. Mio tã toꞌe ahepe Iesui etiat -Meiũ ti pywuat sese e. Miꞌi Miit kape atipy piaria teꞌeraꞌakasa yne. Miꞌi ti imoherep taꞌyn kat ywania puo kat ywania puo miꞌi hap tuwemoherep taꞌyn tehay wo. Miꞌi hawyi ti iꞌatu kahato raꞌyn imohey haria mesuwat yi tote. Miꞌi hawyi Tupana tioto i raꞌyn atipy kape i are.

Humanu 1:9

Yt uheso hin i are maꞌato Tupana tikuap yt uheso i hap. Ahẽtup aat kaꞌap Tupana kape eipowyro hamuat. Yt uheso i uiwyriaꞌin. Ahẽtup aat kaꞌap Tupana kape eikawiatno. Pywo ti rat Tupana tikuap eweikupteꞌen uiwanetup hawe aat kaꞌap hap. Pywo ti Tupana uiꞌairo tehay wakuat Tosaꞌyru Iesui etiat moherep hatno. Uipyꞌa pyi ti ateropat ehetiatno aat kaꞌap. Ahẽtup aat kaꞌap Tupana kape eipowyro hamuat.

Iesui Potmuꞌeria 9:20

Miꞌi hawyi itote tohenoi kahato haty wo -Iesui ti Tupana Saꞌyru sese e toꞌywania Iuteuria pe taꞌatuwoꞌomuꞌe hawe Tupana motypot yat pe.

Iesui Potmuꞌeria 8:36

Miꞌi hawyi putꞌok iꞌatuꞌe yꞌy ete. Miꞌi hawyi Morekuat powyro hat toꞌe -Meiko yꞌy uhyt waku apo uhetꞌok en meikowat yꞌy pe e Wiripi pe.

Iesui Potmuꞌeria 3:13

Ahaꞌaseꞌiꞌin Aparãu Isaki Iako eTupana mimoehãite ti meiũwat miit e. Eweikuap apo kat pote Tupana timoehãite ipy kĩꞌã rakat ehehamo e. Pyno ahenoi ehepe. Toikyꞌesat kahato temiit sese Iesui motypot hap haype wyti e. Taꞌi aheTupana tikyꞌesat kahato raꞌyn wyti eimikuasa te Iesui motypot hap e. Morekuat Piratu ti yt iꞌauka teran i wen maꞌato eipe ti eweikyꞌesat iꞌauka hap -Yt naku i Iesui eweiꞌe morekuat pe itote saꞌawyꞌi e. -Etiꞌauka ro pyno Iesui eweiꞌe kahato morekuat Piratu pe e.

Iuwãu 7:42

Taꞌi miwan me ti tohenoi mekewat yne miitꞌin porekuat nuat etiat Tupana Mipoꞌoro ete Morekuat Tawi emiariru aru tawa hit Perẽi miat iꞌywaĩꞌĩ rakat iꞌatuꞌe. Morekuat Tawi etawa piat iꞌywaĩꞌĩ rakat e miwan me iꞌatuꞌe.

Iuwãu 1:34

-Miꞌi kape ti uito araꞌakasa raꞌyn miꞌi tupono ahenoi hamuat ehepuo -Miꞌi miit ti Tupana saꞌyru sese raꞌyn are e woꞌosetꞌok hat Iuwãu iꞌatuepe.

Humanu 4:1

Pyno toꞌiro watuwanetup saꞌawyꞌi wuat ahaꞌaseꞌi Aparãu kape. Aparãu ni uruꞌywania Iuteuria eꞌaseꞌi pot. Urueꞌaseꞌi pot timohey kahato Tupana sese topyꞌa pe hawyi -Uiwy kahato en Aparãu e Tupana tope e miwan me.

Humanu 9:3

Wẽtup eꞌat pe areꞌe Tupana pe -Pyno waku uiꞌapiheg uiꞌywania ehakyeraꞌat hamo are. Waku areineꞌen ekuasa hatno hawyi waku uipoꞌoro aria wato kape uiꞌapiheg hatno uiꞌywania ehakyeraꞌat hamo are. Atikyꞌesat kahato uiꞌywania tukupteꞌen emiehakyeraꞌat koꞌi Tupana are. Miꞌi hap upi waku uihep Iesui po pyi uiꞌapiheg hamuat uiꞌywania emiehakyeraꞌat wo tukupteꞌen aru areꞌe saꞌawyꞌi Tupana pe yt kat i uheso hap wywo.

1 Kuriniu 10:18

Uruꞌywania Isareu ywania tum kahato taꞌatuhũ Tupana pe. Miꞌi hawyi paꞌiria tiwuk taꞌatuhũria iꞌatuwuk wuk hap heiam note. Iwyp kahato hawyi terenuk kahato raꞌyn taꞌatumiium kaipyi Tupana piat taꞌatumiium pykai.

1 Timoteu 2:5

Wẽtup yn Tupana maꞌato yt uwe i miit ihay kuap iwywo katupono saꞌag nug haria yn pote maꞌato wẽtup miit ihay kuap iwywo. Aikaꞌiwat Iesui ihay kuap iwywo katupono miit sese yt saꞌag nug hat i pote. Miꞌi ikuꞌuro woꞌowese nug Tupana wywo hap. Koitywy imohey hap upi ahehay kuap Tupana wywo.