Ewesu 4:6 - Sateré-Mawé

⁶ Wẽtup yn ni Aiꞌywot Atipy piat. Miꞌi ti Tupana wuatꞌi miitꞌin nug hat. Miꞌi ti Aiꞌakag Koro wo toineꞌen e. Wẽtup yn aheTupana. Tupana ti toineꞌen ahepuo ipotpap nug hamo. Miꞌi pote aito watopyhuꞌat ipiit ewy miitꞌin sem kahato aito pykai.

Ewesu 4:6 Referans Kwoze

Humanu 11:36

Katupono aikope aikope toineꞌen kat koꞌi kat koꞌi sio heremo sio yt Tupana tunug yne miꞌi yt kat kawiat i tutunug. Tuwekaipyi tutunug yne yne. Iꞌewyte yne mesuwat yi tote toineꞌen katupono Tupana imoieineꞌen pote. Tesaika hap kaipyi tutunug yne tomotypot hamuat yne yne iminug koꞌi. Miꞌi pote -Urutuwehum kahato ewowi Tupana urutoꞌe. Waku kahato En waku kahato En urutoꞌe epe Tupana.

1 Kuriniu 8:6

Maꞌato Tupana sese toineꞌen wẽtup yn Miꞌi watoꞌe. Tupana ti Ainug hat Aiꞌywot watoꞌe. Miꞌi ti wuatꞌi nug hat watoꞌe. Miꞌi yn Aimoieineꞌen hat wẽtup yn Aipotypot watoꞌe. Aikaꞌiwat ti Iesui e hap het rakat watoꞌe. Tupana tunug yne topo wo aimoieineꞌen hap watoꞌe.

Iuwãu 20:17

Miꞌi hawyi Iesui toꞌe -Epohep o uipy ete pyi mana katupono waku saꞌawyꞌi araꞌaipok Uiꞌywot kape e. Miꞌi hawyi maꞌato mohenoi ro uhehay e mio wyti koitywy araꞌam irane raꞌyn Uiꞌywot kape e. Miꞌi pote mohenoi ro uhehay Uipotmuꞌeria pe -Koitywy araꞌam irane raꞌyn Uiꞌywot uheTupana kape. Iꞌewyte eiꞌywot eheTupana kape ereꞌe ro uiꞌe hap uheꞌywytꞌin me mana e.

1 Iuwãu 3:24

Uwe uwe Tupana piat tonapin hap inug miꞌiria ti tukupteꞌen kahato Tupana wanetup hawe. Tupana tomoieineꞌen tomohey haria wo tukupteꞌen hap. Iꞌewyte Tupana toineꞌen iꞌatupyꞌa pe. Tupana tum naꞌyn Topaꞌãu ahepe hawyi watikuap kahato watoineꞌen hap sese tepiat hamuat. Miꞌi hawyi watikuap kahato raꞌyn Tupana toineꞌen aipyꞌa pe hap.

Mateu 6:9

Uimohey haria worohoꞌomuꞌe teran ehehay hap ete. Pyno waku watoꞌe -Uruꞌywot atipy piat uruikyꞌe kahato En e. Eset ri poꞌog ikahu torannia kai uruipuẽti e.

2 Kuriniu 6:16

Saꞌawyꞌi mio tã e Tupana tomohey haria pe -Areineꞌen eiwywo uheiam eipe. Eiwywo uhewyry e. Ehetupana wo areineꞌen e. Uhemiit no eweikupteꞌen e saꞌawyꞌi miwan me. Miꞌi pote Tupana yat ewy watoineꞌen. Tupana toineꞌen aipiit pe pote wuatꞌi eꞌat piat ieineꞌen hat eiam aito. Yt mo wuat minug Tupana iãꞌãkap eiam hin i aito. Yt karãpe i Tupana iwese tupanaria wywo. Miꞌi pote yt naku i Tupana aipiit piat watioto tupanaria motypot yat kape iꞌatumotypot hamo e Tupana saꞌawyꞌi miwan me Irewitiku 26.12 pe.

1 Kuriniu 12:6

Aipotpap hap koꞌi yt toꞌoꞌewyꞌewy i Tupana potpap nug hap. Maꞌato miꞌi pykai wẽtup yn aimisepap koꞌi ium hat. Miꞌi hat ti Tupana are.

Ewesu 6:23

-Uruꞌywot Tupana urukaꞌiwat koro Iesui ahẽtup ewowi. Etunug o emohey haria tawa Ewesu piaria woꞌokyꞌe haria wo. Etunug o miꞌiria woꞌowese haria wo emohey sese haria wo are.

Ewesu 3:17

-Etunug no Emipoꞌoro Iesui kawiat eꞌyat sese itote. Ereineꞌen itote emohey haria pyꞌasetpe. Atikyꞌesat iꞌatusapo yi pe iheg me ariaꞌyp wato gaꞌapy piat hap ewy. Atikyꞌesat miꞌiria iheg me woꞌokyꞌe hawe iꞌewyte ekyꞌe hawe hap atikyꞌesat are.

Ewesu 2:22

Koitywy Tupana toineꞌen toꞌyat pe katupono Ipaꞌãu toineꞌen aipyꞌa pe pote. Miꞌi hawyi aito imohey haria yne yne aito watopyhuꞌat aiwoꞌopype wẽtup yat ikahu rakat ewywuat Tupana eiam sese aitoria yne are.

Iuwãu 17:26

Haꞌawyte pyi te mesup te woromoherep uiwyriaꞌin me are. Iꞌewyte ti aru meiũran wuaria pe woromoherep te uwe En hap uhemiitꞌin me are. Atikyꞌesat kahato iꞌatuwoꞌokyꞌe hap aiwoꞌokyꞌe hap ewy are. Atikyꞌesat aikotã En uikyꞌe hap ewy iꞌatupyꞌa piat pe toineꞌen e. Atikyꞌesat wuatꞌi eꞌat pe areineꞌen iꞌatuwywo iꞌatupyꞌa pe iꞌatuwanetup hawe e. Etiꞌatukyꞌe ro uhaipepiaria uimohey haria uikyꞌe hap ewy are e Iesui toꞌywot pe topotmuꞌeria etiat.

Iuwãu 14:23

Mio tã e pote Iesui tiwesat -Iuta pywo pe ti uwe uwe uikyꞌe uwe uwe uhehay nug hat toineꞌen miꞌi hat ti aru Uiꞌywot mikyꞌe wo topyhuꞌat e. Miꞌi hat kape ti aru Uiꞌywot wywo ariot hawyi miꞌi hat pytꞌatnug hamo urutukupteꞌen e. Miꞌi hat topyhuꞌat uruꞌyat ewywuat e.

Mateu 6:13

Yt uruwaure teiꞌo En uruiꞌiãꞌãg hap tet pupi maꞌato urukawiatno to En yt naku i hap kaipyi. Katupono En wyti uruporekuat koro. Ewat esaika hap wyti wuatꞌi eꞌat piatnuat waku.

Ewesu 1:21

Aiꞌakag Iesui topyhuꞌat Wuatꞌi Akag wo. Toineꞌen ni Morekuat Koro wo are. Aiꞌakag wo toineꞌen maꞌato iꞌewyte Wuatꞌi Akag wo atipy pe toineꞌen. Morekuaria Porekuat no topyhuꞌat Iesui are. Tuꞌisaria Porekuat no topyhuꞌat. Surara Akag Koro wo topyhuꞌat. Iesui set poꞌog Tupana mimotypot no wuatꞌi miitꞌin set kai. Poꞌog poꞌog wuatꞌi kai Aikaꞌiwat mesuwat iꞌewyte wuatꞌi eꞌat pe.